Ankunft in Kuba

Es isch wieder mal ziit für en IItrag! D Schuel in Samara han ich guet abgschlosse. Ich han e super Ziit mit mine mitschüeler und de Gastfamilie gha. Die letschte Täg han ich na mit ganz viel Strand und Sunneuntergäng verbracht. Am Samstig bini den mit em Bus uf San jose gfahre. Zum Glück isch die Busfahrt ohni komplikatione verloffe und nach lange 6 stund bini denn guet ahcho. Ich han es hostel für ei nacht direkt am flughafe gha. So han ich denn am sunntig guet uf min flug nch havana chöne. D fluggsellschaft "Cubana" isch recht chaotisch und es bitseli unorganisiert. Aber eigentlich han ich au nüt anders erwartet. Ich bin den ca. Am 7ni am abig in Havana glandet. Die alti Cubanerin nebet mir het mich am endi vom flug sogar "gsegnet", will ich bi de landig ihri hand ghebet han. (Oder ich ihri hand han "mösse" hebe 🤔) Mit zwei wiitere reisende han ich denn s taxi is zentrum teilt. Havana i de dämmerig het unglaublich schön usgseh. Die alte Hüser und autos sind mega ihdrücklich. Woni den uf em Trottoir vor em hostel usgstige bin, hend de jonas & d delia scho vom balkon abegrüeft. Ich bin sehr erlichteret gsi, dass mer eus so guet gfunde hend!
Euses hostel isch zmitzt im alte havana glege und s personal fründlich und hilfsbereit gsi.
De mäntig dur hemmer havanna besichtiget und sind mit alte autos umegfahre. D stadt isch luut aber au ihdrücklich. D mensche würked zfride, obwohls inne ah vielem fehlt.Read more