Monteverde

Am Mäntig Mittag bin ich endlich nachere lange Busfahrt in Monteverde ahcho. D Vanessa het im Hostel, welles zmitzt mi Dorf gsi isch, scho uf mich gwartet. Monteverde isch es chlises Dorf und liht zmitzt i de hügelige Landschaft vo Costa Rica. D Strasse durs Dorf sind unglaublich steil und mit eusene schwäre Ruckseck e richtigi Heruseforderig.
Im Hostel hemmer viel Aktivitäte chöne bueche. Drum simmer am erste Abig grad e Nacht /Abigs wanderig go mache. In Costa Rica wirds am 18:00 dunkel drum muss mer zum Glück nid so lang wachblibe zum im dunkle in Wald z gah. Leider hets de ganzi Abig gregnet, aber vo dem hemmer eus nid underkriege lah und hend eifach eusi Regejacke und Pelerine ahgleit. Euse Guide wo eus umegfüehrt het, het mega viel über die iheimische Tier gwüsst und eus viel erklährt. Mer hend Frösch, Schlange und Fuhltier gseh. Dete hani au die ersti freilebendi Vogelspinne gseh. Bitseli schiss hani scho gha. Affe hets zum Glpck kei gha 🙈
Am Dienstag und am Mittwuch simmer jewihls am Morge innen Nationalpark go wandere. Die tropischi und füechti Luft sorgt defür, dass alli Bäum mit Moos überwachse sind und überall pfiffed d Vögel oder mer ghört anderi Waldläbewäse. D Wanderweg sind meistens mit Platte oder Hölzer befestigt. Drum langet eusi spärlichi Wanderusrüstig au vohrig.
Am Mittwuch morge hemmer au zerst na eusi Sache zemmepackt, dass mer am Mittag uf euse Transport nach La Fortuna chönd. S Büssli het eus ih rasender Gschwindigkeit über Stock und Stei 🤢 zum Lago Arenal bracht, wommer am Seeufer uf e Nussschahle umgstige sind. Am andere Endi vom See isches miteme ander Bus witer bis nach La Fortuna, am Fuss vom Vulkan Arenal, gange. S neue Basislager het eus zerstmal mitemene richrigi Gewitter willkomme gheisse. Mer hoffed dass es morn besser isch.Lue lisää