Puerto Viejo

新しい順

旅行の開始
2018年3月12日
Puerto Viejo 旅行者

Ersti Täg
2018年3月12日, コスタリカ ⋅ ⛅ 26 °C
Nach enere lange hiireis bin ich am samstig namittag guet in Puerto Viejo ahcho. S Dörfli isch herzig und zum glück recht übersichtlich. Zerst bin ich denn zu minere Gastmuetter de Josefina. Sie wohnt imene herzige 4 Zimmer hüsli. Es isch suber und ufgruumt. De weg id schuel isch nähch und z fuess i 5 minue machbar. Mit mir wohnt na e anderi schwiizerin au na da. Z dritte dömmer amigs znacht koche und gönd an strand wo halt eifach traumhaft isch. Min erste tag i de schuel isch guet und ahstrengend gsi. Mir sind i de klass z dritte mit eim lehrer. Los gahts am 8i und endet am 12i. Denn han ich am namittag na super ziit zum mit dene vo de schuel öbis z underneh. Ich bin gspannt was die kommende wuche na bringed.もっと詳しく
翻訳をご覧ください
1いいね
Puerto Viejo 旅行者

Punta uva
2018年3月17日, コスタリカ ⋅ 🌙 2 °C
Hüt bini mit minere gastschwöschter im "jaguar rescue center" vo puerto viejo gsi. Dete döns verletzti tier wie fuultier, äffli und vögel ufpepple. S center lebt elei vo spände und het mega schöni keffige. Mir hend d füerig durs centrum uf spanisch gmacht. Drum han ich leider nid ganz alles verstande. Aber vieles chan ich ja au nahlässe. Nachem centrum simmer an schönste strand wo ich jeh gseh han! Er heisst punta uva und isch südlich vo puerto viejo gläge. De wald mit palme und andere bäum gaht bis ganz as wasser und isch mit em klare wasser wunderschön zum schwümme.
Die wuche han ich au scho mini zwei erste surfstunde gha. Es het mega spass gmacht, aber bsunders elegant hets halt nanig usgseh. Bis jetzt gfallt mer costa rica uh guet und ich gnüsse jede einzelni tag.もっと詳しく
翻訳をご覧ください
1いいね
Puerto Viejo 旅行者

Cahuita
2018年3月19日, コスタリカ ⋅ ⛅ 28 °C
Gester bin ich in Cahuita gsi. Cahuita ist es chlises dörfli i de nächi vo puerto viejo. Zum dörfli ghört en grosse nationalpark wommer mega schöni wanderige chan mache. De pfad füehrt zerst am meer entlang und gaht nacher dur de dschungel und sumpfgebiet. Wenn mer d auge offe phaltet und chli ufmerksam isch chammer sehr viel frei lebendi tier gseh. Zum bispiel s fuultier, eidächsli, krokodil, Schlange und affe. D affe sind super härzig, aber au gfährlich. Das han ich grad selber mösse merke. Ein aff isch uf mich zuegrennt wo ich ihn gföttelet han und isch uf mich ufe kletteret (bild im ahhang). Wo er denn au na min rucksack ufgmacht het bin ich hässig worde und han en welle abe rüere. Denn het er mich grad is bei bisse! Wommer denn wieder hei gsi sind han ich mösse zum dokter. De het mer denn tollwuet und Starrkrampf gimpf und grad na Antibiotikatablette geh. Zum glück isch nüt schlimmers passiert und de doktor het sehr kompetent gwürkt.
Aber zu de affe phalt ich ab jetzt en sicherheits abstand.もっと詳しく
翻訳をご覧ください
旅行者liebe melina. vielen dank für die schönen fotos. da bekomme ich richtig reiselust. ich hoffe, dass es dir gut geht und du gut in costa rica gestartet bist (trotz affenbiss). wir vermissen dich im büro und richtig blöd ist, dass sich niemand mehr für meine schöne uhr interessiert 😂. ich wünsche dir weiterhin eine gute zeit und mach's guet. lg thomi
2018/03/19返信する
2いいね
Puerto Viejo 旅行者

Bocas del toro
2018年3月25日, パナマ ⋅ ⛅ 30 °C
Gester bin ich fürs wuchenend uf bocas del toro gfahre. Bocas del toro ische inselgruppe im norde vo panama. S ufregendste a de reis isch de grenzübergang vo costa rica nach panama gsi. Mer hend denn mösse us em büssli usstige und z fuess über d brugg laufe. Es lueged eim alli mega bös ah und ich bin recht nervös worde. Nach de grenze simmer wiitergfahre nach almirante. Vo dete us hemmer s bootstaxi uf d insle bocas gnoh.
S dorf uf de insle isch nid würkli schön, es würkt alles chli zemme gwürflet. De küste entlang sind alli restaurants, bars und lädeli uf stelze is wasser use baut. Das gseht, wemmer mit em boot ahchunt, mega schön us. S hostel hemmer denn schnell gfunde und eus informiert was mer da alles mache chan. Wommer denn erfahre hend, dass es en seesterne strand uf de insle git hemmer natürlich grad gwüsst was mer am negste tag undernehmed.
Jedoch hets denn am samstig morge in ströme gregnet und wos denn chli nahlah het hemmer eus glich uf de weg gmacht. D strasse über d insle sind mega hügelig und de busfahrer scho sicher bald en rennfahrer! Am playa estrella ahcho hemmer kein einzige seestern gseh und denn hets au scho wieder ahfange regne.
Am sunntig muss ich scho wieder uf de heiweg. Also isch das wuchenendusflügli au eher is wasser gheit als schön gsi.
Vilicht chan ich ja später namal uf die insle zruggcho und han denn meh glück mit em wetter.もっと詳しく
翻訳をご覧ください
0いいね

Ersti Täg

Punta uva

Cahuita

Bocas del toro