Workaway 2. Tag

Nachem Mischte u Fuere am Morge gits aube Zmorge. Ds isch wie deheim äs Müesli mit Frücht, Haberflöckli, Nüss und Joghurt. Aber angersch aus deheim si die PINKIGE Boumnüss. D Grossmuetter schickt die aube us dr Slowakei. Dr Gschmack isch gliich, nume d Farb isch super spezieu.

Und jo, Schnee hetts geng no seeehr vüüu 😍❄️. Aber eigentlech isches zchaut füre März, ir Nacht wirds geng no unger -10 °C. Aber schiins sötts itze de ä chli wermer wärde.Read more