Lochiness, eeeeh Lossiemouth!

Jo, dr Lion hett hütt bim Zmorge plötzlech vo Lochiness anstatt Lossiemouth aafoh redä 😂. So wiit ewäg isches jo nid.

Mir si hütt imne chline Supermarkt go iichoufe. Die hei riisegi Redbulls und vorauem XL-Packige Yorkshire Tea (Lions heissgliebtä all-time-favourite Tee zu jederä Tagesziit, es isch Schwarztee). Leider hett sone riise Packig aber nid Platz im Rucksack.

Dr Strand näbe üsem Hotel simer ouno go erkunde. In Schottland gits sehr vüu verschideni Voguarte und sehr vüu verschidnegi Möwearte. I däm Meeresuslöifer hetts ou vüu verschidnegi Vögu gha: Möwe, Fischreiher, Änte (oder ähnlechs wie Änte). Mir hei probiert, gnue Abstang zloh, dassmerse nid störe.

Mir hei ou gad chönne zueluege, wie d Fluet stigt. Mit jederä Wäue isch s Meer chli wiiter is Land ine cho.もっと詳しく