Orkney Islands

Mir si hütt us Versehe mitem Bus ah üsere Fähreaalegestöu düregfahre. Üse Buschauffeur hett zwar gseit, dassmer dört use müesse, aber mir heinihms nid gloubt. Drum simer näre z John O'Groats glandet. So wie mir ds verstange hei, isch ds dr nördlechscht Punkt vom schottische Feschtland, wome mitem Outo cha härefahre. Mir hei de dr nöchscht Bus zrügg gno. D Seehüng und dr Otter heimer de näre bi üsere richtige Fährestation gseh.

Mit dr Fähre simer näre uf d Orkney Inslene überegfahre. Ufe erscht Blick sehr schöni und wüudi Insle.

Ou hie hetts wider vüu Schof u Chüe. Hochlandrinder heimer bis itze no kener gseh, aber die "gängige" Chüe hei ömu ou äs dickers Fähli aus ir Schwiiz 🐮.

Übrigens: Geschter heimer gar nüt gmacht ussert gläse und Videos gluegt und si fasch dr ganz Tag dinne gsii. Drum hetts kes FindPenguin gäh. Derfür bini itze wider rächt fit bis ufne chliini Räschtverchöutig.Читать далее