Tetapkan semula carian
NORWAY
  • Meri beim Reisen
  • Meri beim Reisen

NORWAY

U i go ufen ufen ufen immer höch u höcher ufen aber oben abe chumeni nümm.
(momou) Baca lagi
IkutiRingkasanRingkasanKalendarKalendarGambarGambarKongsiKongsiSenarai baldi
RingkasanKalendarGambar
  • Permulaan perjalanan
    6 Mac 2023
  • Meri beim ReisenNORWAYPengembara

    London oder Kopenhagen?

    6 Mac 2023, Denmark ⋅ ☁️ 1 °C

    Isch ds dr Big Ben? Muess de morn bi Tagesliecht no chli gnöuer luege gloubs.

    Eigentlech hett d Stadt scho gschlofe woni bi dür d Gasse glüffe zum Hostel. Aber ds Hostel isch äuä dr einzig Ort, wo amne Mänti öbbis louft (2. Büud). Aber ig bi so kaputt gsii dassi diräkt is Zimmer bi.

    Und esch ganz fiin am Schneie ❄️❄️❄️.    Baca lagi

    Lihat terjemahan
  • Meri beim ReisenNORWAYPengembara

    WHAT???

    7 Mac 2023, Norway ⋅ 🌙 -8 °C

    Nachdäm mer ignwo im nirgendwo si festgsteckt mitem Zug, wüu d Weiche si iigfrore gsii (WHAT?) (in Schwede, z Norwege passieri ds schiins niid), isch ouno ä angere Zug kaputt gange (Pressluftproblem) und hett dr Wäg versperrt (WHAAAAT??? Murphys Law vom Feinsten). Drum heimer wider zrügg müesse uf Göteborg. Bim zwöite Aalouf hetts de klappet. Womer si über die norwegischi Gränze cho hett dr Kondikteur nume gseit : "Gott sei dank, mir si z Norwege". Und chli spöter Durchsag: "32 Minute Verspätig wäge Problem uf dr SCHWEDISCHE Siite (32 min bezietsech uf die nöii Zugverbindig Göteborg-Oslo". Äs paar nätti Herre heimer das geng uf Änglisch übersetzt, süsch hätti nid gwüsst was louft. Z Norwege simer nume no vore Barriere ufghaute worde, wo nid hett wöue abegoh.
    Gueti vier Stung spöter aus planet hanis de gliich no uf Oslo gschafft. Im dunkle schiints ömu afe ä schöni Stadt zsii.    Baca lagi

    Lihat terjemahan
  • Meri beim ReisenNORWAYPengembara

    Vossevangen (Voss)

    8 Mac 2023, Norway ⋅ ☁️ -8 °C

    Hie chline Foto- und Füumiidruck vo Vossevangen oder Voss (ig gloub Voss isch d Region). Ds isch knapp 5.5 h westlech vo Oslo mitem Zug 😊🚅.

    Und die Lüt hei diräkt vor mim Hostel, sogar diräkt vor mim Fänschter gschlöflet. Und eine isch sogar no mitem Velo übers Iis gfahre 😂.Baca lagi

    Lihat terjemahan
  • Meri beim ReisenNORWAYPengembara

    Voss - Sogndal (2)

    9 Mac 2023, Norway ⋅ 🌙 -13 °C

    Äs paar Iidrück vor hüttige Busfahrt vo Voss uf Sogndal.
    Ir Nöchi vo Sogndal bini itze bire Gastfamilie, woni chli hüufe Tier fuere, mitem Hung go go loufe und eifach chli do bi. D Cornelia (Gastmuetter) isch eigentlech vo Dütschland und ke grosse Norwegefan 😅. Si fingts z chaut, z längi Winter, äs schlächts Schueusystem und ä z höchi Luftfüechtigkeit. Mir gfauts trotzdäm, d Landschaft fingeni atemberoubend und z Wätter hütt isch sogar ouno schön gsii 😊☀️❄️.Baca lagi

    Lihat terjemahan
  • Meri beim ReisenNORWAYPengembara

    Workaway 1. Tag

    10 Mac 2023, Norway

    1) Stau mit Hüehner, Hase, Ross und Schof
    2) Wohnhuus

    Hütt isch Putztag gsii und ig ha chli ghuufe. Am späte Nomi bini no mit dr Pegah go loufe, ds isch dr 8 meter-Hung ufem letschte Büudli. Ds Hüngli hett ä Überbiss und so längi Hoor, dass wesi eim aaluegt, me nume ganz vüu Hoor und die ungeri Zahnreihe gseht😂.

    Am Morge und am Oobe hüufeni aube bide Tier fuere u mischte. Die si aui ungloublech zahm und chöme gad, weme inechunnt 🐔🐰🐴🐏.    Baca lagi

    Lihat terjemahan
  • Meri beim ReisenNORWAYPengembara

    Workaway 2. Tag

    11 Mac 2023, Norway ⋅ ⛅ -11 °C

    Nachem Mischte u Fuere am Morge gits aube Zmorge. Ds isch wie deheim äs Müesli mit Frücht, Haberflöckli, Nüss und Joghurt. Aber angersch aus deheim si die PINKIGE Boumnüss. D Grossmuetter schickt die aube us dr Slowakei. Dr Gschmack isch gliich, nume d Farb isch super spezieu.

    Und jo, Schnee hetts geng no seeehr vüüu 😍❄️. Aber eigentlech isches zchaut füre März, ir Nacht wirds geng no unger -10 °C. Aber schiins sötts itze de ä chli wermer wärde.    Baca lagi

    Lihat terjemahan
  • Meri beim ReisenNORWAYPengembara

    Workaway 3. Tag

    12 Mac 2023, Norway ⋅ ☁️ -7 °C

    Hütt simer in Sogndal gsii. Uf dr Charte heisst ds Sogndalsfjøra, abed fjøra meint eigemtlech nume dr Stadtteil, wos auti chliini Hüsli hett wo diräkt am Wasser si.

    Die zuegfrornigi Flächi isch dr Fjord (ussert s erschte Büud, ds isch dr Fluss zum Fjord). Es isch eigentlech sehr säute, dass dr Fjord zuegfrüürt, wüus Sauzwasser isch.

    Bir Familie isches so mittumässig. Si si nätt, beantworte mer mini Norwegefroge, hütt heimer ä Usflug uf Sogndal gmacht und ig darf hie läbe und mit ihne ässe. Aber ar Cornelia geits psychisch nidso guet und ds stresst mi geng chli.    Baca lagi

    Lihat terjemahan
  • Meri beim ReisenNORWAYPengembara

    Workaway 4. Tag

    13 Mac 2023, Norway ⋅ 🌫 -3 °C

    Auso ig ha wider einisch nume Schneebüudli und Hundebüudli wüui süsch nideso zum Fötele chume 😊.

    Hütt hetts fasch dr ganz Tag gschneit. Mir si go iichoufe und am Nomi bini no mit dr Pegah go loufe. Ig has gschafft se z fötele wesi eim aaluegt 😂🦷.

    Und süsch fröii mi sehr ufe Donnschti, wenni ändlech wäg cha vo hie und wiiter ih Norde go.    Baca lagi

    Lihat terjemahan
  • Meri beim ReisenNORWAYPengembara

    Workaway 5. Tag

    14 Mac 2023, Norway ⋅ ☁️ -7 °C

    Hütt gits äs paar Tierföteli. Jedä Morge und Obe müesse d Tier versorgt wärde. Ig ha mittlerwile lieber d Hase und d Hüehner, wüumi äs Ross (s häubruune) öbbe am zwöite Tag bisse hett 😅.
    Dr bruun und dr wiiss Chüngu si vor gröschte Haserasse wos git. Dr gmäscheret Chüngu isch ä norwegeschi Rasse. Bide Ross hetts drü norwegeschi Ponys und eis Islandpony derbi (ke Plan was was isch 😅). Und d Schof si ou ä auti norwegeschi Rasse.

    S letschtä Büud isch d Ussicht vo mim Fänschter.

    Ar Cornelia geits würk nid guet und wäg däm bini de sehr froh, wenni ih 24 h weiss, dassi am nöchschte Tag wiiter cha. Hoffentlech chunnt ds schnäu!!!    Baca lagi

    Lihat terjemahan
  • Meri beim ReisenNORWAYPengembara

    Weiter gehts!

    15 Mac 2023, Norway ⋅ ☁️ -7 °C

    Ig has nümme usghaute und ha hütt Morge verkündet, dassi hütt scho go. Öbbe 20 min spöter bini ufem Wäg gsii. Zum Chopf lüfte loufeni die öbbe 5 km zur grössere Busstation.

    Ig bi so dankbar bini dusse und es geitmer gad vüu besser ☀️❄️☀️❄️😁!Baca lagi

    Lihat terjemahan
  • Meri beim ReisenNORWAYPengembara

    Bergen - Oslo

    16 Mac 2023, Norway ⋅ 🌙 -7 °C

    Wow hütt isch ä länge Tag gsii (aber ä schöne 😊❄️)! Am Morge bini vom Workaway uf Sogndal zur Busstation. Vo dört uus mitem (Volvo-)Bus wiiter nach Voss, vo Voss nach Bergen und vo Bergen nach Oslo S. Ungerwägs vo Bergen nach Oslo simer no zwe Stung imne Tunu gstange wägemne Power Supply Problem. Drum hani mi planet Nachtzug verpasst. Näre hanimer no s Air BnB gsuecht zum Übernachte.
    Und we öbber weiss, wieso dass bim Sunneungergang plötzlech dr Himu ir entgägegsetztä Richtig rot verfärbt wird, söu mer ds bitte erkläre😅.    Baca lagi

    Lihat terjemahan
  • Meri beim ReisenNORWAYPengembara
    12

    Oslo S - Trondheim

    16 Mac 2023, Norway ⋅ ☁️ -2 °C

    Wieso dassi erschti Klass fahre? Wüu dr Zug so usbuechet isch, dasses nume no 4 Erschtklasssitze hett gha und s türer wär gsii, nomou s Oslo zblibe. Wases für Vorteile hett ire erschte Klass imne Schnäuzug z Norwege zfahre? Gratis Kafi/ Tee/ heissi Schoggi, gratis Wasser (usem Tetrapack), gratis Schöggeli, gratis Dings wo so ähnlech si wie Pancakes mit Zimetzucker aber hautbar verpackt (roti Plastigverpackig). Und ds koschteni natürlech vou uus für die zuesätzleche 15 Stei woni ha zaut 😁.
    Dr Zug isch vüu schnöuer ungerwägs aus Bergenbahn, wahrschiinlech wüus öbbe füfmou weniger Kurve hett.    Baca lagi

    Lihat terjemahan
  • Meri beim ReisenNORWAYPengembara

    Bodø

    17 Mac 2023, Norway

    Ä Zwüschestopp in Bodø, vo hie geits de wiiter mit dr Fähre uf d Lofote.

    Und äs luftet!!! Do goni lieber ine gones Kafi trinke 😊☕️. Luut Reisefüehrer isch Bodø d Stadt wos geng luftet. Me gsehts ou ufem Füumli 😅.Baca lagi

    Lihat terjemahan
  • 2026© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan