NORWAY

U i go ufen ufen ufen immer höch u höcher ufen aber oben abe chumeni nümm.
(momou) Läs mer

Följ Översikt Kalender Foton Dela

Resans start
6 mars 2023
NORWAY Resenär
Daheim
5 mars 2023, Schweiz ⋅ ☀️ 7 °C
Die letschte Vorbereirtige bevors los geit...
Se översättning
4 gilla-markeringar
NORWAY Resenär
1
Abgfahre
6 mars 2023, Schweiz ⋅ ☁️ -1 °C
Es geit loooos😍🌍!! Aber chli (fescht) närvös bini scho.
Se översättning
Resenär ueeeh 🥰🥳
2023-03-06SvaraÖversätt
3 gilla-markeringar
NORWAY Resenär
Umsteigen in Hamburg
6 mars 2023, Tyskland
2 gilla-markeringar
NORWAY Resenär
London oder Kopenhagen?
6 mars 2023, Danmark ⋅ ☁️ 1 °C
Isch ds dr Big Ben? Muess de morn bi Tagesliecht no chli gnöuer luege gloubs.

Eigentlech hett d Stadt scho gschlofe woni bi dür d Gasse glüffe zum Hostel. Aber ds Hostel isch äuä dr einzig Ort, wo amne Mänti öbbis louft (2. Büud). Aber ig bi so kaputt gsii dassi diräkt is Zimmer bi.

Und esch ganz fiin am Schneie ❄️❄️❄️.Läs mer
Se översättning
2 gilla-markeringar
NORWAY Resenär
Definitiv Kopenhagen (nid London)
7 mars 2023, Danmark ⋅ ❄️ 2 °C
Es isch am ❄️-rägne.
Se översättning
Und früsch häsch🥶😁😉 [Cornelia]
2023-03-07SvaraÖversätt
2 gilla-markeringar
NORWAY Resenär
Auf nach Schweden
7 mars 2023, Sverige ⋅ 🌧 2 °C
Resenärwoow🤩😍
2023-03-07SvaraÖversätt
2 gilla-markeringar
NORWAY Resenär
Zwüschestopp in Göteborg (Schweden)
7 mars 2023, Sverige
2 gilla-markeringar
NORWAY Resenär
Iigfrornigi Weiche
7 mars 2023, Sverige
Und itze stömer hie, im Nirgendwo imne haube Schneesturm und chöme nid wiiter, wüu d Weiche iigfrore si 😂❄️. Hani auso nonie erläbt!
Se översättning
ResenärSo ischs auso im höche norde🤓🤯😂
2023-03-07SvaraÖversätt
Sit dir no wägcho dört [Niklaus Jufer]
2023-03-07SvaraÖversätt
Resenärjo, nomou zrügg uf göteborg und ire stung söttemer de ändlech z oslo sii😅
2023-03-07SvaraÖversätt
2 gilla-markeringar
NORWAY Resenär
WHAT???
7 mars 2023, Norge ⋅ 🌙 -8 °C
Nachdäm mer ignwo im nirgendwo si festgsteckt mitem Zug, wüu d Weiche si iigfrore gsii (WHAT?) (in Schwede, z Norwege passieri ds schiins niid), isch ouno ä angere Zug kaputt gange (Pressluftproblem) und hett dr Wäg versperrt (WHAAAAT??? Murphys Law vom Feinsten). Drum heimer wider zrügg müesse uf Göteborg. Bim zwöite Aalouf hetts de klappet. Womer si über die norwegischi Gränze cho hett dr Kondikteur nume gseit : "Gott sei dank, mir si z Norwege". Und chli spöter Durchsag: "32 Minute Verspätig wäge Problem uf dr SCHWEDISCHE Siite (32 min bezietsech uf die nöii Zugverbindig Göteborg-Oslo". Äs paar nätti Herre heimer das geng uf Änglisch übersetzt, süsch hätti nid gwüsst was louft. Z Norwege simer nume no vore Barriere ufghaute worde, wo nid hett wöue abegoh.
Gueti vier Stung spöter aus planet hanis de gliich no uf Oslo gschafft. Im dunkle schiints ömu afe ä schöni Stadt zsii.Läs mer
Se översättning
1 gilla
NORWAY Resenär
Oslo S - Voss
8 mars 2023, Norge ⋅ ⛅ -13 °C
Uf dr berüehmte Zugstrecki vo Oslo uf Bergen 😊❄️
Se översättning
ResenärMega schöönn winterlech. Und d' Asag im Zug isch luschtig
2023-03-08SvaraÖversätt
Resenärjo, ds isches würk sehr❄️ und d sproch isch würk es chuderwäutsch😅
2023-03-10SvaraÖversätt
ResenärBergen isch so schön😍 hoffe du hesch dert guets Wetter gha☀️
2023-03-13SvaraÖversätt
2 gilla-markeringar
NORWAY Resenär
Vossevangen (Voss)
8 mars 2023, Norge ⋅ ☁️ -8 °C
Hie chline Foto- und Füumiidruck vo Vossevangen oder Voss (ig gloub Voss isch d Region). Ds isch knapp 5.5 h westlech vo Oslo mitem Zug 😊🚅.

Und die Lüt hei diräkt vor mim Hostel, sogar diräkt vor mim Fänschter gschlöflet. Und eine isch sogar no mitem Velo übers Iis gfahre 😂.Läs mer
Se översättning
Resenär😍
2023-03-13Svara
1 gilla
NORWAY Resenär
Voss - Sogndal
9 mars 2023, Norge ⋅ ☁️ -13 °C
Mi erscht Fjord 🚃🌊🌊
Se översättning
Resenärmega schön (und mitschüelerinne approved) 😍
2023-03-09SvaraÖversätt
Resenärhihii mercii😘
2023-03-09SvaraÖversätt
2 gilla-markeringar
NORWAY Resenär
Voss - Sogndal (2)
9 mars 2023, Norge ⋅ 🌙 -13 °C
Äs paar Iidrück vor hüttige Busfahrt vo Voss uf Sogndal.
Ir Nöchi vo Sogndal bini itze bire Gastfamilie, woni chli hüufe Tier fuere, mitem Hung go go loufe und eifach chli do bi. D Cornelia (Gastmuetter) isch eigentlech vo Dütschland und ke grosse Norwegefan 😅. Si fingts z chaut, z längi Winter, äs schlächts Schueusystem und ä z höchi Luftfüechtigkeit. Mir gfauts trotzdäm, d Landschaft fingeni atemberoubend und z Wätter hütt isch sogar ouno schön gsii 😊☀️❄️.Läs mer
Se översättning
Wow! Es git ne no, de Schnee😂😉 [Cornelia]
2023-03-10SvaraÖversätt
ResenärUh de wie!!
2023-03-10SvaraÖversätt
2 gilla-markeringar
NORWAY Resenär
Workaway 1. Tag
10 mars 2023, Norge
1) Stau mit Hüehner, Hase, Ross und Schof
2) Wohnhuus

Hütt isch Putztag gsii und ig ha chli ghuufe. Am späte Nomi bini no mit dr Pegah go loufe, ds isch dr 8 meter-Hung ufem letschte Büudli. Ds Hüngli hett ä Überbiss und so längi Hoor, dass wesi eim aaluegt, me nume ganz vüu Hoor und die ungeri Zahnreihe gseht😂.

Am Morge und am Oobe hüufeni aube bide Tier fuere u mischte. Die si aui ungloublech zahm und chöme gad, weme inechunnt 🐔🐰🐴🐏.Läs mer
Se översättning
ResenärDas hett richtig viu Schnee !
2023-03-10SvaraÖversätt
ResenärDr 8 Meter Hung🤣
2023-03-11SvaraÖversätt
Resenärjo, und hütt hetts wider gschneit😅
2023-03-11SvaraÖversätt
3 gilla-markeringar
NORWAY Resenär
Workaway 2. Tag
11 mars 2023, Norge ⋅ ⛅ -11 °C
Nachem Mischte u Fuere am Morge gits aube Zmorge. Ds isch wie deheim äs Müesli mit Frücht, Haberflöckli, Nüss und Joghurt. Aber angersch aus deheim si die PINKIGE Boumnüss. D Grossmuetter schickt die aube us dr Slowakei. Dr Gschmack isch gliich, nume d Farb isch super spezieu.

Und jo, Schnee hetts geng no seeehr vüüu 😍❄️. Aber eigentlech isches zchaut füre März, ir Nacht wirds geng no unger -10 °C. Aber schiins sötts itze de ä chli wermer wärde.Läs mer
Se översättning
3 gilla-markeringar
NORWAY Resenär
Workaway 3. Tag
12 mars 2023, Norge ⋅ ☁️ -7 °C
Hütt simer in Sogndal gsii. Uf dr Charte heisst ds Sogndalsfjøra, abed fjøra meint eigemtlech nume dr Stadtteil, wos auti chliini Hüsli hett wo diräkt am Wasser si.

Die zuegfrornigi Flächi isch dr Fjord (ussert s erschte Büud, ds isch dr Fluss zum Fjord). Es isch eigentlech sehr säute, dass dr Fjord zuegfrüürt, wüus Sauzwasser isch.

Bir Familie isches so mittumässig. Si si nätt, beantworte mer mini Norwegefroge, hütt heimer ä Usflug uf Sogndal gmacht und ig darf hie läbe und mit ihne ässe. Aber ar Cornelia geits psychisch nidso guet und ds stresst mi geng chli.Läs mer
Se översättning
ResenärVilech hett d' Cornelia ja wägem länge Winter Problem
2023-03-13SvaraÖversätt
ResenärD' Biuder si wunderschön!
2023-03-13SvaraÖversätt
Resenärjo ds ganz sicher ouu, si fingt öbbe aues blöd ah norwege und vor auem s wätter😅
2023-03-13SvaraÖversätt
Resenärmercii 😊
2023-03-13SvaraÖversätt
1 gilla
NORWAY Resenär
Workaway 4. Tag
13 mars 2023, Norge ⋅ 🌫 -3 °C
Auso ig ha wider einisch nume Schneebüudli und Hundebüudli wüui süsch nideso zum Fötele chume 😊.

Hütt hetts fasch dr ganz Tag gschneit. Mir si go iichoufe und am Nomi bini no mit dr Pegah go loufe. Ig has gschafft se z fötele wesi eim aaluegt 😂🦷.

Und süsch fröii mi sehr ufe Donnschti, wenni ändlech wäg cha vo hie und wiiter ih Norde go.Läs mer
Se översättning
Resenäräähh... ig seh würklech nume Zäng 😊
2023-03-13SvaraÖversätt
Resenärjo ds isch so😂
2023-03-14SvaraÖversätt
1 gilla
NORWAY Resenär
Workaway 5. Tag
14 mars 2023, Norge ⋅ ☁️ -7 °C
Hütt gits äs paar Tierföteli. Jedä Morge und Obe müesse d Tier versorgt wärde. Ig ha mittlerwile lieber d Hase und d Hüehner, wüumi äs Ross (s häubruune) öbbe am zwöite Tag bisse hett 😅.
Dr bruun und dr wiiss Chüngu si vor gröschte Haserasse wos git. Dr gmäscheret Chüngu isch ä norwegeschi Rasse. Bide Ross hetts drü norwegeschi Ponys und eis Islandpony derbi (ke Plan was was isch 😅). Und d Schof si ou ä auti norwegeschi Rasse.

S letschtä Büud isch d Ussicht vo mim Fänschter.

Ar Cornelia geits würk nid guet und wäg däm bini de sehr froh, wenni ih 24 h weiss, dassi am nöchschte Tag wiiter cha. Hoffentlech chunnt ds schnäu!!!Läs mer
Se översättning
1 gilla
NORWAY Resenär
Weiter gehts!
15 mars 2023, Norge ⋅ ☁️ -7 °C
Ig has nümme usghaute und ha hütt Morge verkündet, dassi hütt scho go. Öbbe 20 min spöter bini ufem Wäg gsii. Zum Chopf lüfte loufeni die öbbe 5 km zur grössere Busstation.

Ig bi so dankbar bini dusse und es geitmer gad vüu besser ☀️❄️☀️❄️😁!Läs mer
Se översättning
Gut gemacht🥰 [Cori]
2023-03-18SvaraÖversätt
2 gilla-markeringar
NORWAY Resenär
Bergen
15 mars 2023, Norge ⋅ ☀️ 4 °C
Ig due nume chli dergliiche aus ob. Eigentlech bini hie nume ä stung zum umstige😊
Se översättning
3 gilla-markeringar
NORWAY Resenär
Bergen - Oslo
16 mars 2023, Norge ⋅ 🌙 -7 °C
Wow hütt isch ä länge Tag gsii (aber ä schöne 😊❄️)! Am Morge bini vom Workaway uf Sogndal zur Busstation. Vo dört uus mitem (Volvo-)Bus wiiter nach Voss, vo Voss nach Bergen und vo Bergen nach Oslo S. Ungerwägs vo Bergen nach Oslo simer no zwe Stung imne Tunu gstange wägemne Power Supply Problem. Drum hani mi planet Nachtzug verpasst. Näre hanimer no s Air BnB gsuecht zum Übernachte.
Und we öbber weiss, wieso dass bim Sunneungergang plötzlech dr Himu ir entgägegsetztä Richtig rot verfärbt wird, söu mer ds bitte erkläre😅.Läs mer
Se översättning
2 gilla-markeringar
NORWAY Resenär
1 2
Oslo S - Trondheim
16 mars 2023, Norge ⋅ ☁️ -2 °C
Wieso dassi erschti Klass fahre? Wüu dr Zug so usbuechet isch, dasses nume no 4 Erschtklasssitze hett gha und s türer wär gsii, nomou s Oslo zblibe. Wases für Vorteile hett ire erschte Klass imne Schnäuzug z Norwege zfahre? Gratis Kafi/ Tee/ heissi Schoggi, gratis Wasser (usem Tetrapack), gratis Schöggeli, gratis Dings wo so ähnlech si wie Pancakes mit Zimetzucker aber hautbar verpackt (roti Plastigverpackig). Und ds koschteni natürlech vou uus für die zuesätzleche 15 Stei woni ha zaut 😁.
Dr Zug isch vüu schnöuer ungerwägs aus Bergenbahn, wahrschiinlech wüus öbbe füfmou weniger Kurve hett.Läs mer
Se översättning
Resenär Wasser im Tetrapack😂🍷
2023-03-16SvaraÖversätt
Resenärzersch hani ächt gmeint die verteile itze aune s Pack Müuch 😂
2023-03-16SvaraÖversätt
Resenär Der Glastunnu obedruff isch luschtig
2023-03-16SvaraÖversätt
Resenärjo ds si würk ganz spezielli hüser😊
2023-03-16SvaraÖversätt
1 gilla
NORWAY Resenär
Am Norde geng wie nöcher
17 mars 2023, Norge
Erwache im Nachtzug 😊
Se översättning
2 gilla-markeringar
NORWAY Resenär
Bodø
17 mars 2023, Norge
Ä Zwüschestopp in Bodø, vo hie geits de wiiter mit dr Fähre uf d Lofote.

Und äs luftet!!! Do goni lieber ine gones Kafi trinke 😊☕️. Luut Reisefüehrer isch Bodø d Stadt wos geng luftet. Me gsehts ou ufem Füumli 😅.Läs mer
Se översättning
Resenär... d' Sunne schiint, du hesch fasch gäng super Wätter
2023-03-17Svara
ResenärMelkebaaren = Milchbar ?😁
2023-03-17SvaraÖversätt
Resenärds stimmt, momentan isches würk gd vüu schön 😊 d workaway hosts hei gseit ds sigi charakteristisch füre märz.
2023-03-17SvaraÖversätt
2 fler kommentarer
2 gilla-markeringar
NORWAY Resenär
(Trondheim) - Lofoten
18 mars 2023, Norge ⋅ 🌬 -2 °C
Eifach no s paar Iidrück vo derä schöme Zugfahrt und derä wäuige Fährefahrt hütt 😊.
Se översättning
Ds isch eufach nume WOW! so mega schön [Cori]
2023-03-18SvaraÖversätt
Resenärgäuu!! merci😊
2023-03-18SvaraÖversätt
2 gilla-markeringar