En Tag im Algonquin Nationalpark🌳

Nachem Zmorge im Hotel ischs loos gangä.. sMotto vo hüt: chli de Algonquin Park erkunde und det ahhalte, wo‘s eus grad passt..😊
Mid es paar Tipps vo de Ihheimische hemmr ahgfange.. nämli midm Lookout Tower in Dorset.. eigendlich simmr bits früeh gsi, da de Turm anschiinend ersch spöter ufmacht.. abr en Tipp für all Reisende: chli Ziit neh für dLüüt wo dete schaffed zum Rede und wennr Glück hend lönds eu scho vorher inne 😜
De Turm isch würkli en super Ihhstiig gsi.. dur die Ussicht hemmr realisiert, wie riesig die Waldflächi isch… will es Endi gsehd mer ned und das rundume😅
dRoute isch au wundrschön, mid huufe „Achtung-Schilder vo Elche“ leidr hemmr abr no keine Entdeckt.. defür ganz vieli schöni Seene gseh.. unglaublich die schön Natur..
au en coole Ort isch de „Algonquin Park-Visitor Centre“ gsi.. es verzählt vo de Gschicht vom Park und de Tier wo da lebed.. und es hed en wiitsichtigi Ussichtsplattform..🔭
Ufem Weg zrugg heds de no richtig ahfah Regne und Gwittere..⛈️ mier hend de no en Stopp gmacht bim „Kawartha Dairy“ zum Glace esse.. 😅 und was für es Glace dass das gsi isch.. bstellig =1x Cafeglace und Schoko Minze 🥰
das wär euse Tag gsii im unglaublich schöne Park🇨🇦Les mer