Flitterwuche 2023 Nathi&Thömi

Hüt hed de Tag mideme chliine Gwitter ahgfange.. das isch de abr schnell verbii gsi.. am 07.15 simmr de alli am Zmorgetisch ghocked, wo dCecile eus richtig verwöhnt hed.. ruhig sitze hed si ned chönne, da sie immr beschäftigt gsi isch, eus nomeh zverwöhne☕️🍪🥚🥖🧀

Nachher ischs denn richtig Hof gangä.. au hüt hed de Hof eher chli ruhig gwirkt und gfunde hemmr lang niemmr😅 irgendeinisch isch denn de Sepp mid siim Golfwage zfahre cho und hed eus no bits umegfüehrt.. und nach ca. enere Stund sind de meh und meh uftaucht.. mier hend de au usegfunde wieso.. die sind nämli all scho ab de 4ri uf de Bei gsi und sind i dere Ziit wo mier ufe Hof cho sind richtig Zmorge/Znüni.. 😅🙈
Leidr hend nur dGrossunkle no Dütsch chönne.. de Othmar und de Sepp.. üsi Coucousin‘s de William, Jimmy und Christophe hend sich mid üs über dViola odr Grossunkle verständiged☺️
De Sepp hed de gmeint dJungs chönndet no ihre Hof go zeige.. und jap, si hend da ned nur eine😂 sondrn öbe 3 odr soo.. sind au ned immr ganz nachecho… uf jede Fall hends ein Hof no Ferme Küttel gnennt, nach ihrem Grossmami ihrem Nachname, hemmr scho bits herzig gfunde🥰
Nach de Hoftourene simmr denn widr zrugg.. de Thömi und ich no bits schuschd umegloffe und dViola und de Fabi no en Jetlack-Schlaf go mache, bevors de Zmittag geh hed☺️
Ja was söllemer säge😂magere düemmr da ufem Hof uf jede Fall ned🙈 es hed denn en 4 Gänger geh, abgrundet mideme Kaffi-Schnaps😋
De Thömi und ich sind de nachem Mittag mid de Traktore go mitfahre.. und dViola und de Fabi sind bits go pöstele😊😊
De Thömi isch de no bits länger unterwegs gsi und hed de au döfe mid de grosse Traktore fahre.. glücklich und dreckig ischr de am Abig retour cho und hed gseid dass am 19.00 de nächst Treffpunkt bim Othmar isch, für Pizza, Poutine und Bier😜
Was für en Abig.. es sind zimlich alli vo dem „Quartier“ i dem Huus gsi.. und gredet und glached isch worde.. zwar hemmr ned viel verstande, wills halt praktisch nur französisch gredet hend abr umso längr de Abig gangä isch desto meh hemmr denn au üs chönne verständige😜
Es hed de gege spötere Abig, wo eifach no dNathi und de Thömi det gsi sind no ihres Getränk „7-Up Whisky“🥃 geh und die über 1 Litter Fläsche isch de au bis am 02.00 Uhr gleert worde🤭😂 isch allne afig guet gangä..🤪und dissi hend eim faschd bits leid da, wills doch am 04.00 Uhr widr gheisse hed, ab in Stall..🙈🙈Read more