Ab jetzt zu Viert..👫🏽👫🏽

Hüt simmr am Morge mit em Fabi und de Viola an Hafe gloffe und hend dete es Krüüzfahrtschiff entdeckt.. mier sind denn uf Recherche gangä und hend usegfunde, dass das Schiff ersch 1 Jahr alt isch und ziiimli tüür isch zum druffe Reise😅 glab öbe 300.- Fr. Pro Tag🙈🙈 scho bits tüür..abr nur bits🤭

Ume Mittag ume hemmr eus uf de Weg richtig Durrer Ferme gmacht.. unterwegs no öbis gässe und de nach 2 Stund Fahrt simmr ahcho.. sind aso scho bits nervös gsi🤭🤭 mier hend de Hof de grad erkännt und sind usgstige.. abr wo sind de all die Lüüt?!😂 irgendwie ischs zimli ruhig gsii.. nach paar Minute isch de doch öbr usem Huus cho und dank de Viola (wo am beshte/einzigi vo eus Französisch chan) simmr denn au zu üsere Grosstante de Cecile cho😅 si hed üs denn de Weg zu de Marlen (wo mer eigendlich abgmacht hend) zimli gnau zeigt und paarmal erklärt😜
Bi de Marlen ahcho, simmr denn grad mideme Plättli Fleisch, Käs und Eier begrüesst worde😅 si hed gmeint, dass si eus gschribe hed dass mer mid leerem Mage sölled cho, wills „Zabig“ gäbi.. leidr hemmr das de erst bi ihre gseh☺️ upsi.. + heds de no es Urner Dessert und Kaffi geh..☕️
mid vollem Buuch hemmr denn ihre Hof, odr bessr gseid de vo ihrne Juniore, döfe go ahluege.. wo grad en Kueh kalbered gha hed..🏠 zrugg im Hus hemmr denn no uf ihri Tochter dMartha gwartet, wo midm Töff en churze Bsuech gmacht hed..

Nachher simmr denn widr los zu de Cecile, da euses Bett anschiinend det ihgrichtet worde isch☺️ und das isches au..und wie.. jedes Päärli hed es eigeds Zimmr und mier hend es eigeds Badzimmr gha..richtig Luxus.. 😍
nacheme gmüetliche Abig mid de Cecile und em Sepp, wie au em Othmar (Cousin vom Papi) simmr denn undere..😴guet NachtRead more