Moose🦌 und ganz viel Cruise🚘

De Tipp vo de Iheimische gester, hemmr ned chönne links ligge lah.. drum ischs zerst ab in Zoo gangä😁
Nach 1 1/2 Stund Fahrt simmr det au ah cho und hend als ershts grad dIisbäre entdeckt.. de eint hed sich gwelzt und disse isch am Bade gsii🤭
Denn ischs wiiter richtig Zügli.. will anschiinend gids da eine dur sGhäg, wo mer grad neb de Wildtier durefahrt.. vorstelle hend mier eus das noni würkli chönne abr hend de glii gmerkt, dass es würkli soo isch😳 ihgstige in Wagon, Gittertüre zue und los ischs gangä.. sGrosse Tor vor üs isch uf und irgendwie sind de so JurassicPark Gfühl ufcho🤪 ufem Weg hemmr en Guide gha, wo immrwidr gseid hed wo dass Tier sind und denn isch alig au „sZügli“ längsemer gfahre.. (aso de „Zug“ isch uf Räder gsi)
Um di ersht Kurve ume und huch… de liid eifach en Schwarz-Bäär am Strasserand..😮 und soo ischs di ganz Fahrt wiitrgangä.. mier hend uumegaviel Tier gseh und di meiste sind frei umegloffe.. di einzige wo en Haag rundume gha hend sind 2 Wolfsrudel gsi, dGrizzlys und dElche (dMoose)..
ufem Weg hends au Gschicht vom Ort und vo de Lebenswiis vo früehner verzählt.. dadebii hends ganz viel Hüser und Tippis dargstellt/dezuebaut und es sind au echt Mänsche det gsi am „Schauspielere“ richtig cool.. 🙊
Nachhere Fahrt vo öbe 50‘ simmr widr usgstige und sind no churz dur de Zoo gschlenderet.. hend de nomeh Bäre, Luchse, Pumas (gross und chlii), en Tiger und Affe gseh.. 😍😍😍 unglaublich da hed mer sich au en Tag chönne dVertwiile🥰
Abr ja hüt hemmr no en grossi Strecki vor eus, aso di gröscht vo de ganze Reis.. drum simmr de churz nach de 13.00 los gfahre.. 6 1/2 Stund Fahrziit wartet nämli uf eus🥳😂

Nacheme Zwüschehalt zum no Zmittag ässe isch dFahrt los gangä☺️ dFahrt isch recht ahgnehm gsi.. glab au für de Fahrer🤭 er hed amel nie welle Wechsle🤷🏽‍♀️
Faschd kei Verkehr, recht gueti Strasse, viel Seene und faschd nur Wald und es paar Black-Stories zur Unterhaltig😅

Am 22.00 Uhr hemmr denn ihcheckt..🥳 guet Nacht😴Read more