Reinicializar a pesquisa
Flitterwuche 2023 Nathi&Thömi
  • Nathalie Bucher-Durrer
  • Thomas Bucher
jul. – ago. 2023

Flitterwuche 2023 Nathi&Thömi

Uma 38aventura de um dia na Nathalie & Thomas Leia mais
SeguirResumoCalendárioCompartilharCompartilharLista de metas
Os mais novos primeiro
  • Flitterwuche 2023 Nathi&Thömi

    Gmüetliche Regetag in Whistler🇨🇦

    9 de agosto de 2023, Canadá ⋅ ☁️ 15 °C

    De Tag hüt hed viel Rege ahgseid.. drum hemmr eus entschiede eifach bits duur die viele Gässli zschlendere und dLäde d’uurzstööbere😊 zwüschedure no en Crêpe und Kaffi zur Stärchig😋
    dKultur da isch schono cool und spannend.. vieli sind am Downhille, oder laufed im Trainer/Pijama umenand, top gstylt odr au eifach normal….ooder als Schott😂🧐🤷🏽‍♀️🙈
    Am spötere Nami simmr de no de GreenLake en Spaziergang go mache..😍 uuschöni Farbe die Seene, hemmr scho bits vermisst im Oste🤭
    Am Abig simmr denn imene Resti go ässe, wo mer selber hed chönne en Schüssle mid usgwählte Lebensmittel schöpfe und vo Grilleure la brötle lah..😍 de Thömi hed de sage und schreibe es Kilogramm Ässe gschöpft🤭😅
    Mit volle Büüch hemmr eus denn is Hotel zrugbegeh..
    ah ja apropoz Bäre.. da Whistler sehr bekannt isch für ihri Bäre simmr au immrwird go luege öb mer au eine gsehnd vom „Dörfli“ us richtig Berg.. und Luut Web sig au vor 5 Täg sogar eine dur sDorf duregloffe😂🙈    Leia mais

    Ver tradução
  • Flitterwuche 2023 Nathi&Thömi

    🤠🐻Bäresichtig ufem Weg nach Kamloops🐻

    10 de agosto de 2023, Canadá ⋅ ⛅ 21 °C

    Wiitr gahds richtig Kamploops🏞️🤠
    De Weg unglaublich iihdrücklich.. Bergstrassene mid farblich wundrschöne See und Flüss.. Landschafte wo mer sich wie im Wilde Weste fühlt und mer au viel Saloons und Range gsehd🤠
    „Und halt stopp, en Bäär, shazzi chasch bitte ahhalte..“😳 zwüsche dene Höf isch doch tatsächlich bits wiitr entfernt en Bääremuetter mid ihrne zwei Chliine unterwegs😍🐻🐻🐻 wuhuuu Bäre i de Wildnis gseh✅ hihi
    Wiitr ischs gangä wo mer de au no 🦌, 🐐und vieli 🐿️ gseh hend..🥰
    Im Hotel ahcho schnell ihcheckt und denn no in en chliine Zoo gangä.. sZiel wär gsii en spezielli SchwarzbäreArt zgseh, wo Wiies isch.. leidr hed sich abr de sogenannti „Kermode Bär“ ned welle Blicke lah, öbe bits heiss gsi🙈
    Defür no eis zwei ander schöni Tier gseh, wie zum Bispiel en wiesse Wolf..🐺
    Mid vielne Ihdrück vom Tag ischs müed is Hotel gangä.. gute Nacht✨    Leia mais

    Ver tradução
  • Flitterwuche 2023 Nathi&Thömi

    dFahrt dur Clearwater richtig Blue River

    11 de agosto de 2023, Canadá ⋅ ☁️ 16 °C

    Hüt gahds 2 1/2 Stund richtig Blue River.. uf dem Weg fahremer bi Clearwater dure, wo mer denn au paar Kilometer meh uf eus gno hend 😅 da heds nämli ganz viel schöni Wasserfäll, zum Helmcken Fall simmr dasmal ned, abr hend eine gfunde, wo verblüffend ähnlich usgsehd💧
    unterwegs no en Hotdog gässe als Zwüschesnack🌭…(sogar dHotdogwürstli werdet da teilwiis fritiert😖)
    zBlue River simr no en Zwüschestopp bimene See go mache..🥰
    Nachem Ih-Checke ischs no zumene Floating Resteraunt gangä, wo‘s Toure Abüütet mideme grosse Kanu ufem Fluss.. üs isch das de abr bits zTür gsi, drum simmr de eifach im chicce Resteraunt öbis go trinke und Büroarbet go mache😅 dHotels bueched sich nämli ned vomallei😜
    Ah ja ned jaaa zvergesse.. ufem Weg isch hüt no en Schwarzbär nebem Highway durezottlet.. Fotigrafin isch de abr zwenig schnell gsi zum Fötele😂🐻    Leia mais

    Ver tradução
  • Flitterwuche 2023 Nathi&Thömi

    Rocky Mountains mier chömid😍

    12 de agosto de 2023, Canadá ⋅ ☁️ 18 °C

    Hüt ischs richtig Jasper Nationalpark.. uf das hemmr eus bsundrigs gfreut, da eus de Bsuech a de Ort bi de ledschte Reis scho uu gfalle hed😊
    De Weg isch entlang am „North Thombson River“ wo au als Highway vo de Fisch gnennt wird🐟🛣️
    En Zwüschestopp am ihdrückliche Mount Robson🏔️ und bim Moos Lake..😍
    zJasper ahcho simmr en Rundi dur sDörfli gloffe, bevor mer denn zu eusere Unterkunft gangä sind.. die isch en Halbstund wiitr obe gsi. Det dure simmr no nie gfahre und zum Glück hemmr das jetzt müesse..🤩 die See und Flüss und Berge.. wundrschöön..🤭
    I eusem Blockhuuszimmer ahcho, simmr en rundi go Bädele und scho glii richtig Znacht😊🌄    Leia mais

    Ver tradução
  • Flitterwuche 2023 Nathi&Thömi

    Jasper, dur de Tag🥰

    13 de agosto de 2023, Canadá ⋅ ☁️ 20 °C

    Hüt morge simmr los richtig See Tour🥳 ufem Weg simmr widr bi de wundrschöne Flüss verbii und hend da und det ahghaltet und dUssicht gnosse..😍 de ershte Hält sind bits nebedusse gsi und au ned Touristisch.. wo mer denn richtig Maligne Lake sind isches de au touristischer worde😅
    Am Nami simmr de nomal zrug id Unterkunft en Schwumm🏊🏻‍♀️🏊🏽 go mache, bevors de am Abig uf en gfüehrti Bustour gangä isch… 🚌    Leia mais

    Ver tradução
  • Flitterwuche 2023 Nathi&Thömi

    En unvergessliche Abig🦫🐐🦌🐻

    13 de agosto de 2023, Canadá ⋅ ☁️ 22 °C

    Am 17.15 Uhr hemmr müsse parat stah.. und los ischs gangä🚌 en Busfahrt mideme Busfahrer wo mid eus dStrasse abfahrt und uf Tiersuechi gahd☺️ i dere Ziit verzählt er über Tier und dLandschaft… und zack… 🔊„Elck“ und de haltet üse Busfahrer aprupt ah und stüred richtig Strasserand😅 en grossi Herde Hirsche hemmr da ahtroffe😍
    Denn wiitr richtig Maligne Lake… 🔊“Deer“ zwei härzigi Reh laufed am Strasserand entlang..so härzigi grossi Ohre hend die gha😍
    Und jetzt chund sgröscht🤭 🔊“Moose“ mier hend en Elch gseh😳 riiiesig sind die Tier🫣 de Busfahrer isch ufe und abe und hii und her zum de Elch möglichst lang i super Perspektive zsgeh… ned jede Autofahrer hed freud gha rundume😂🙈 ups…
    Wo de 🫎 de im Wald verschwunde isch, simmr wiitr an See wo eus de Guide no paar Infos und es Hirschegweih geh hed.. das werfed dHirsche all Jahr ab und es wachst denn vo Jahr zu Jahr es grössers😳 schono ihdrücklich…
    De Guide hed eus de no de Beeri Struch zeigt, wo dBäre bsundrs gern hend.. und er hed de gmeint mier chönd gern probiere.. was mer au gmacht hend😂 erschti Moment süesslich, zweiti ….“pwueeh“ megamega bitter😂🙈
    Soo dTour isch wiitr gangä.. plant sind 3 Stund… schlussendli sinds de 4 gsi😅🤭
    Ufem Abeweg hemmr no riesigi Hirsche gseh, wo eifach uf de Strasse gloffe sind🫣🤩 und am Schluss vo de Tour… wer hättis dänkt.. (de Busfahrer amel ned) Bäre🤭🐻🐻🐻🐻 und de ned eifach eine sondr ein grosse mid 3!! Junge.. eis jungs isch schwarz gsi und dissi brun..🥰 so cool..
    zJasper selber hemmr de nomal en Gruppe Hirsche ahtroffe.. und de Thömi und ich hend ufem Heiweg no en Kojote neb de Strass gseh😅 was wet mer meh?!?🤷🏽‍♀️😊    Leia mais

    Ver tradução
  • Flitterwuche 2023 Nathi&Thömi
    13

    dAbschiedsfahrt dur dRocky Mountains

    14 de agosto de 2023, Canadá ⋅ ☀️ 26 °C

    .. da mer kei wiiteri Gäbigi/Priisnormali Unterkunft gfunde hend, gahds hüt usem Nationalpark🙈
    Usgschlafe und voller Energie gahds los.. und au die Tour entlang de Rocky Mountains isch wundrschön gsi..🥰😍
    Berkettene, Flüss, See, Gletscher… da gsehd mer eifach alles… und au Tier hemmr ahtroffe… und sogar eis wo mer nonie gseh hend i de freie Natur… dMountain Goat… dNathi fasziniert das Tier unglaublich..drum isch au dFreud umso grösser gsi🥰
    Am Abraham Lake (de schönsht wo mer bis jetzt gseh hend) hemmr eus de churz abküehlt..wills eifach so verlockend usgseh hed😍
    Nachher is de difinitiv us de Berglandschaft usegangä id dRockyMountainHouse Gegend.. wenigstens heissts da no schön🥰    Leia mais

    Ver tradução
  • Flitterwuche 2023 Nathi&Thömi
    1

    Allstones Lake Wanderig⛰️

    15 de agosto de 2023, Canadá ⋅ ☁️ 20 °C

    Nacheme feine Zmorge im Hotel simmr nomal de Weg zrugg zum wundrschöne See😁 nachhere Stund fahrt simmr denn a eusem plante Ort ahcho und hend dSicht zum See nomal richtig gnosse.. 😍 sAuto parkiert, Trekking-Schueh ahgleit, Bääreglöckli ahgmacht und los gahds.. hüt hemmr en Wanderig richtig Allstone Lake gwagt, wo eus dFamily Schneider vo Kanada empfohle hed..🙃🙂 steil ischs dur de Wald duruf gangä🥾🌲 nach ca. 1 1/2 Stund Weg duruf simmr am See ahcho.. ned ganz so türkiis Blau wie de Abraham Lake abr au wundrschön😍 mier hend eus de abr, ufgrund de Mugge🦟, gege sBade im See entschide😅 en chliine Snack und de ischs de wiitr gangä😋 mier hend eus de für de Weg durab entschiede und ned uf de Gipfel, da mer hüt doch no es wiili Autofahrt vor eus hend..☺️
    En Stund spöter simmr denn bim Auto gsi und hend eus no en chliini Abküehlig im Abraham Lake gönnt😊
    Jetzt gahds nach Edmonton.. 3 1/2 Stund fahrt ligged vor eus🚘🛣️ dLandschaft veränderet sich und mier chömid us de Wälder zu de Landwirschaftlichi Flächene.. 🐮
    Unterwegs no komischi Autofahrer gseh und en Kaffipause i de Ortschaft „Bendley“ gmacht.. imene richtige Saloon🤠
    Churz vor de 6chsi simmr denn in Edmonton ahcho☺️ Znachtgässe und müed & zfriede richtig Hotel😇    Leia mais

    Ver tradução
  • Flitterwuche 2023 Nathi&Thömi

    XXL Shoppingcenter in Edmonton

    16 de agosto de 2023, Canadá ⋅ ☀️ 23 °C

    Usgschlafe und mit volle Büüch simmr hüt i di grööschdi Shoppingmall (Ihkaufszenter) vo Kanada und sechst gröschte vo de ganze Welt..
    Wer sich denkt.. wie gahd das und wieviel Läde müend de die det inne ha..es sind ned nur Läde😉 abr vo dene heds doch au 800😂
    Es hed nämli au es riese Becki mid Pirateschiff, ere Brugg und Seerobene wo zwüschedure en Show zeiged… es hed au en grosse Wasserpark mid gaanz viel Rutschene.. es hed en Minigolfahlag.. Chinderwelte.. es !!Isfeld!! wo Iskunstläufer trainiert hend…und so wiitr..😉
    Nach paar Gäng und durestööbere vo eis zwei Läde simmr de wiitr😅 bi de Fahrt dur Edmonton hemmr es Isstadion enteckt.. au det hemmr mal widr probiert id Arena selber inezcho.. leidr ohni Erfolg😅
    dFahrt zrugg is Hotel isch de midm viele Verkehr recht lang gangä.. det simmr de abr no es Bad go Bade😊😊das gemmr für eus allei gha😁
    Für sZnacht isch es Steakhouse als Ziel gsi und möglichscht so dass mer chönd Laufe.. churz und knapp hed de dNathi eis recherchiert und los ischs gangä.. 😅
    SResteraunt isch anderscht als dänkt gsi😂 dasmal heds zmitzt im Tisch en riesigi Grillplatte gha wo eus de Grilleur vom Resti üs sGmües und sFleisch grilliert hed.. mhmm isch das fein gsi😍    Leia mais

    Ver tradução
  • Flitterwuche 2023 Nathi&Thömi

    Family Schneider mier chömid😜🦬😍

    17 de agosto de 2023, Canadá ⋅ ⛅ 30 °C

    Hüt simmr bits früehner ufgstande wills gestr recht viel Lüüt bim Zmorgebuffet gha hed.. und das hed sich hüt au glohnt.. es hed nämli grad platz gha und es isch bits ruhiger gsi..😊😊
    Ufem Weg zu de Family Schneider, wo mer üs gege Abig ahgmeldet hend, simmr no in es grosser Outlet Center.. det heds de no cooli Sport T-Shirts geh zumene super Priis und de Thömi hed siis ehrsehnte Tschäppi no gfunde i siinere grössi😜
    Will mier immr no bits früeh gsi sind, hemmr zPonoka no en Dorf-Tour mit Kaffi gmacht.. so hemmr scho sErshte Bild vom Diheime vo‘s Schneiders chönne mache.. si wohned nämli ganz nöch vo da und dBuebe gönd i dem Dorf au id Schuel☺️
    So um di drüü… vieri simmr de richtig Huus vo sSchneiders wo bits usserhalb vom Dorf liid mid gaaanz viel Land rundume.. erchännt hemmr sHuus dank de 3 Bison verusse im Garte😜🦬🦬🦬
    Wo mer gLüüte hend sind dBuebe..de Diego und de Ramon.. eus go ufmache😊 ganz fründlich und härzig hends eus jn Empfang gno und grad Kaffi ahbote und sZimmr zeigt..☺️ dCorinne und de Dario sind nämli no am schaffe gsi😅
    Denn hends eus de Garte verusse zeigt mid ihrne Tier.. en Hund, 3 Bison und 3 Ente hends😊
    Sid churzem hends au es Beachvolleyballfeld..🤩 det hemmr denn de Rest vom Tag verbracht mid Spiel.. de Dario isch de öbe en Stund spöter dezuegstosse und hed au no mitgspielt😁
    Am Abig wo dCorinne cho isch heds de au scho glii Znacht geh.. zämä mid de Bison hinder eus im Haag..wo midm Rugge liggend vo eus glege sind (Rugge zuedreihe heisst bi ihne immr, dass si sich sicher fühled gege das hinne am Rugge), hemmr denn en Cervelat brötlet.. Öpfelweihe gässe und Marschmellows brötlet…😍im Hindergrund hend dKojote gjaulet und dSunne isch langsam undergangä🦬🌄
    Wo üs dMugge de doch zfest gstörrt hend, simmr inne und hend no ganz lang am Tisch gschwätzt mitenand.. aso mier hend eus sid ahfang ah uuwohl gfühlt😍    Leia mais

    Ver tradução
  • Flitterwuche 2023 Nathi&Thömi

    en regnerische und sehr sportliche Tag😍

    18 de agosto de 2023, Canadá ⋅ 🌧 12 °C

    dIdee Velo packe und troche is Dorf fahre zum Zmörgele.. das hemmr au gmacht und sind troche ahcho im Tim Hortons.. denn heds scho ahfah Regne, wo‘s de de ganz Tag au ohni Pause wiitr gmacht hed😅 dementsprechend simmr nachem feine Zmorge im Rege zrugg gfahre.. gmacht heds eus nüd.. mier hend eus ja „Diheime“ grad chönne umzieh😁
    De Ramon und de Diego hend eus denn ihri Spielsache zeigt.. si hend sogar en 3D Drucker..wo de Diego en Frisbee programmiert hed als Show..😜 (de hed de übrigens paar Stund spöter super funktioniert..)
    Denn hemmr en Rundi Lasertack.. gspielt..😂 dur de „Spielrum“ gsprunge und hinder de Sofa‘s i deckig gangä…so luschdig gsi und doch au chli streng🥵
    13.00 Uhr.. so los gahds, ab go Bade.. dCorinne hed i dere Ziit koched für eus und mier sind mid de Jungs en Stund is Dorf is Hallebad go plansche😂
    Hed mega spass gmacht😊
    Widr im Huus ahcho heds es mega feins Rahmgschnetzlets mid Teigware und Rüebli geh😍😍😍 bwuah isch das fein gsi🤤
    DCorinne hed sich denn verabschiedet und isch go schaffe.. de Diego hemmr en Stund spöter is Dorf bracht, will au er isch go schaffe.. und de Thömi, de Ramon und dNathi sind go Bowle..🤪 de Dario isch denn nachem schaffe au no dezuecho😁
    DBowling Bahn isch bits andersht gsi wie bi eus und au dKugle sind viel chliiner gsi (ohni Löcher) uuuund mier hend im Dunkle gspielt mid Neonliechter..🥳
    Zrugg im Huus hemmr nomal vom feine Zmittag döfe Ässe und en feine Schoggichueche (selbergmacht) heds au no geh🤩
    Zmitzt i de Nacht isch denn de Tag Wort wörtlich zEnd gangä und mier sind is Bett go pfuuse😊    Leia mais

    Ver tradução
  • Flitterwuche 2023 Nathi&Thömi

    De Magnus und sini Crew + sRodeo

    19 de agosto de 2023, Canadá ⋅ ⛅ 16 °C

    Nacheme uumegafeine Zmorge mid vielne Pancakes, Frücht, Brot…. ischs los gangä. Zämä midem Dario und de Corine simmr uf Bsuech zum George. Er hed uuviel Tier, vo Ente, Hühner, Gäns, Esle, handzahmi Brahmas & Bisons und de Magnus 🐖
    Bi de grosse Tier hemmr au is Ghäg inedöfe, was uu speziell gsi isch.. Tier sind de zu eus gloffe, die einte so nöch, dass mers hed chönne streichle die andere hend no en meter zwei Abstand phltet und eus so betrachtet😅
    De Magnus hed dStreicheliihheite uu gnosse und isch eim alig schoer uf dFüess gläge.. denn hedr sini Bei glüpft, dass mer de Buch chan streichle😂
    Wo mer denn widr zrugg sind, hemmr dKind ufglade und sind ane chliises Rodeo z‘Alix, wo i de nöchi stattgfunde hed🥳
    Soo soo cool gsi und unglaublich was die da möchid🫣😂 au die chliinste hend ihres Glück versuecht uf de Schaf.. am Schluss isch de sBull-Riding cho und es Spiel.. i dem Spiel hend 3 Manne und 1 wildi Chueh midgmacht.. sZiel isch, dass die 3 Manne dChueh chönd hebe und en Becher Milch melche🤣 luschdig gsi zum zueluege😝
    Ufem Zrugweg, simmr alli zämä imene Resteraunt go Ässe und de zfride und müed hei😊
    Gmüetlich hemmr de Abig no am Kuchitisch verbracht, viel Gschwätzt und Chueche gässe..bis mer de am 24.00 doch langsam undere sind😴    Leia mais

    Ver tradução
  • Flitterwuche 2023 Nathi&Thömi

    Langsam Tschüss säge😢🇨🇦

    20 de agosto de 2023, Canadá

    Hüt heissts packe und tschüss säge..
    nomal es feins Zmorge gässe und üsi Koffere so probierts packe, dass beid öbe gliich schwer gsi sind😅
    No en Rundi verusse bi de Bisons und es Spiel midm Theik.. = ufem Föteli mid zwei Bisons isch de vorder Bison de Arto, hinne dFiona und ufem Bild wo 1 Bison druffe isch isch s’Nuri..🥰
    mid Träne i de Auge hemmr eus de vo‘s Schneiders verabschiedet und sind losgfahre richtig Calgary.. si hend eus no en Tipp geh, nämli en Bsuech imene „Bass pro Shop“.. die Ziit hemmr eus denn gno und es hed sich au glohnt.. i dem Lade heds uuviel usgstopfti Tier gha und uuviel verschiednigi Bereich, wo mer sich hed chönne Sache kaufe, wie zum Bispiel Fischer-, Jäger-, Wandematerialie und so wiitr..😅
    Denn simmr richtig Flughafe.. sAuto chönne abgeh ohni Problem, ihcheckt, und duur dSicherheitskontrolle.. (übrigens packt hemmr supi, de eint Koffer hed genau 22.9 Kilo gha, vo erlaubte 23 kg😂)
    Innert 30‘ simmr dur alles dure gsi und hend de no viel Ziit gha zum umeschlendere und eis zwei Souvenirs zposte.. mid 40‘ verspötig (17.40) simmr de abgfloge🛫 tschüss schöns Kanada..mier werdet dich vermisse🇨🇦    Leia mais

    Ver tradução
  • Flitterwuche 2023 Nathi&Thömi

    Grüezi Schwiiz🇨🇭

    21 de agosto de 2023, Suíça ⋅ ☀️ 29 °C

    Mier sind de pünktlich am 10.40 Uhr zZüri glandet und hend so sogar no Ziit ufgholt💪🏼☺️
    dGepäck hemmr de grad chönne abhole und sind richtig Usgang.. dIrene und dStefi hend eus de herzlich begrüesst🥰
    Ufem Heiweg simmr zämä no öbis go Zmittagässe☺️
    Home Sweet Home.. dihei simmr überrascht worde vo Blüemli, Täfeli, Schoggi und eme gfüllte Küehlschrank..dankää allne🤩 soo soo lieb🥰
    Uspacke, Wösche und allne chli go hoi säge😊 natürli döf denn de Bsuech bim Gottli ned fehle..😁

    Zämägfasst:
    Gstartet midem Oste Kanada, zämä mid de Viola und em Fabi.. schöne Städtli uutolli Lüüt uf de Farm und en mega lessige Zoo.. 🤩 wiitrgangä midm Weste, wo mid siinere Natur eus widr voll in Bann zoge hed..🥰 ganz viel Tier döfe i de Wildnis gseh und en liebevolle Bsuech bis Schneiders gha😊
    Ganz viel Ihdrück hemmr döfe sammle und vieli Erinnerige werdet für immr i eusem Herze bliibe…❤️
    Baybay😘    Leia mais

    Ver tradução
    Final da viagem
    21 de agosto de 2023