Vierte Tag in Albanie 🥵

Schweren herzens verabschieded mer eus vom Royal Camping. Bsitzerin isch e uu liebi gsi und isch für alli Frage immer miteme offene Ohr und guete Antwort eus zur Siite gstande. Die einti Nacht wo mer nöd uffem Camping gsi sind aber glich hend derfe s’Auto parkiere het sie eus nöd welle verrechne (mir hend die Nacht aber glich welle zahle). Hüt wemmer zunere Autogarage wo mer gfunde hend wo WV Büsli repaiered tuet. Die sind jedoch fast in Tirana. Das isch e Fahrt vo 3h. Will mer doch genau um de Mittag umme ahcho wäred, mached mer no en Mittagesse Stopp in Shiroke. Das Städtli lieht ameme härzige Seeli. Es git feini Kalamare mitem feine Salat dezue. Mit Getränk het das ganze umgrechnet nur 15 Chf kostet😳. So jetzt fahred mer no 1h zu de Garage. Dette ahcho widmet sich grad en junge Mah um euses Problem. Er nimmt sich jetzt die Ziit eifach🙈 Zum guete Glück wüssed mer ja genau ah was es lieht und d’Valbi chan das wunderbar erklähre. De git leider emal uf und den staht scho de zweiti jungi Mah bereits und isch voller Energie und findet das packed mer scho! Nach 1h Arbeit het ers fertig bracht. E topp Zwüschelösig, wo sicher sehr sehr lang hebet. Will ohni Schweisse, das ganze ussenander näh gsehni nöd wie das wider in Orginalzuestand chönd bracht werde.
Für das ganzi möcht er nüt. Nach 5mal nei, doch, nei, doch, het er den entli es Trinkgeld vo 11 CHF ahgno. Unglaublich wie fründlich und nett die Mensche sind. Aber s’absolut Highlight isch natürlich gsi wo die drü Mane vo de Garage stunend um euse Olaf ume gstande sind und das Ufstelldach ahglueget hend und Föteli gmacht hend und s’Muul nüme zue becho hend, wo d’Valbi zeiged het wo de Tisch verstaut isch😅 s’Zweite Highlight isch gsi, das s’Sabi die gueti Fee de Examen Brief isch ussem Briefchaste go usse fische. Zoé het nämli mitbecho, das es so oder so (bii Bestah oder nicht Bestah) en Brief versendet worde isch. Die schriftlichi Info het aber gheisse das mer es Mail bi Bestah bechunt🤦‍♀️ Und sie het nüme chöne abwarte😅 Juhuuu Bestande🥳 Meega cool! Zoé het soo freud. Jetzt isch alles abgschlosse und es chan was neuis Ahfange🤩 De hammer. So nachdem mer alles erledigt hend gahts no 30min zu eusem nöchste Canpingplatz. Dette simmer allei😍 Nur mir mit enere wunderschöne Ussicht! So schön. De Bsitzer isch en nette und laht d’Valbi fascht nüme gah will er so viel z’verzelle het😅 No einmal wäsche und Auto wieder herrichte, isch ahgseit und den wirds ahgstosse und de Abig gnosse🌅Read more