San Blas Islands

Set Sail! ⛵️⚓️🪝🛟

Die letzte 5 Täg han ich ufem Segelschiff ide Karibik verbracht. Mir sind vo Panama nach Kolumbie gseglet. Insgesamt sind mer e Truppe vo 20 Backpackers und 4 Crewmembers uf me relativ chline Boot gsi. Mer het sich also zimli schnell kenneglernt. Zum Glück isch de Choch debi gsi, es het sehr feins esse geh 😋 S‘erste Mal Hummer für mich 🦞.
Eifach e unglaublichi Erfahrig gsi!

Die erste 3 Täg hemmer bide wunderschöne San Blas Insle verbracht, wo mer gsünnelet, gschnorchlet, Beachvolleyball gspilt und Party am Lagerfüür gmacht hend. Wie sichs für Pirate ghört, natürlich mit Rum ;)

Irgendwenn muess mer sParadies denn au wieder verlah und mer sind is offene Meer gstoche. Ide Nacht hets denn sehr fest ahfange schwanke. So ischs denn für 24h wiiter gange🥴. Mit de Ziit hani mi aber drah gwöhnt.
Als ich hüt Morge denn wieder han chöne Land betrette, hets immer no wiitergschwankt😂. Sehr komischs Gfühl gsi… Aber schlussendlich sehr sehr froh gsi, dass ich nöd seechrank worde bin. 🤞🏼Weiterlesen