Uff, knapp überlebt

Jetzt bin ich scho 2 Täg zrugg und versueche mich langsam is Läbe zrugg...
Ich mues säge, so han ich mir dä Schluss vo minere Reis nie vorgstellt! 😩

Sit mim letschte Footprint isch's gsundheitlich nur na bergab gangä! 😩
Ich han kei Chraft me gha, für nüt, bin nur na kroche, mini Bei händ mich nüme treit.
Nur dank dä grossartige Hilf vom Roli, wo mir än Rückflug uf Bangkok organisiert hät mitsamt Rollstuhl-Begleitig han ichs doch na gschafft hei zcho!
Schad, ich hett so vill na wellä gseh und mache, aber wänn d'Chraft eifach komplett weg isch, gaht gar nüt me! 🙄😩

Ganz klar han ich alles unterschätzt, han mit eme vill z'schwere Rucksack gmeint, ich chönnti eifach so ohni Buechige druflos marschiere wie früher! 🙄
Und dass ich dänn nöd mal klar cho bin mit Handy und Internet, häts au na verkompliziert 🙄🙄🙄

Also, ich möcht gliich na nichtsdestotrotz mit ä paar Bilder abschlüsse vo minä iidrücklichschtä Erinnerigä!
Ich dankä eu Alli für euri "Begleitig"! 😍En savoir plus