Endlich wiedermal online (auf Ko Phangan

Uiii, was für schlimmi Täg han ich gha 🙄
Ich han wellä uf Hua Hin und vo detä mit em Nachtzug wieter Richtig Süde. Ich han mich aber so unwohl gfühlt, so näch am Zämmebruch, drum hani det ä Absteigi buecht. Geschter han ich's dänn gwagt, dä Nachtzug z'nä. Aber vo schlafe kei Red. Völlig zäme gwurschtled hät mer äs Plätzli gha vo öppe eme halbe Quadratmeter.
Hüt morge dänn mit Bus zum Schiff, wo aber erscht i 4 Std. abgfahre isch 😩
Ich hett im Stah chönne iischlafe... 🙄
Dänn han ich nüt gfunde zum Übernachte, völlig entkräftigt han ich min schwere Tramper-Rucksack (gfühlti 100 Kilo) bi dä Ankunftshalle müese zrugg la, zum öppis finde. Schlussändlich han ich dänn doch na äs Plätzli gfunde, völlig übertüret, wenigstens äs Bettli.
Obwohl ich ändlich han wellä schriebe, bin ich aber mit em Handy i dä Hand iigschlafe... 🤨
Jetzt hüt Morgä han ich wieder ä chli me Chraft, mal luegä, wie wiiter ... (geschter bin ich näch dra gsii, das ganze Reise abzblase) ...
Ich würd aber ebä scho na gern än nette Strand findä, die Insle Ko Panghan han ich früher so idyllisch in Erinnerig 😊🏝️🦜Read more