Cook's Club

Nachem Zwüschestop in Istanbul simmer am 22.30 in Hurghada glandet. Die erschti Warteschlange hät eus scho bim Usstige usem Flugzüg erwartet - Corona-Agabe und PCR-Test sind überprüeft worde. Ald wer das nöd scho gnueg gsi hämmer no ööe 45min uf euses Gepäck müsse warte. Däfür sind alli Köffere speziell vomene Flughafemitarbeiter mitem Sprützgrät desinfiziert worde. Zum Zitvertrib hät er demit zwüscheddure Chreisli ufs Laufband zeichnet.

Am 23.45 simmer denn äntli usem Flughafe cho und euse Transfer hät sogar no gwartet - 1 driver und 1 guude nur für eus. Uf de Fahrt hämmer no diverses über Ägypte glernt, de guide hät gern gredet...

- Ägypte hät 115 Mio und es git 28 Mio Mohammeds
- 90 Mio sind muslimisch, de Rescht christlich
- Die ganz Flächi vo Ägypte isch über 1 Mio m2
- De Durchschnittslohn in Ägypte isch 100 Euro pro Monet
- In Kairo läbed 24 Mio Iwohner, also 3x soviel wie i de Schwiz

Das sind nume es paar Anekdote, de gsnz Weg isch 35min gange... Bi de Akunft im Hotel häts bim Igang en Wächter mit de Fiebermessstation gha und er hät eus nachem erfolgriche Check fründlicherwis inegla. Mitem Zimmer het aschlüssend alles, bis ufd Allergikerbettwösch, klapped und mir sind direkt nach Akunft is Bett gheit.もっと詳しく