Interlake - Asyl als Gstrandeti

Mir hend es Übergangsdihei im Apartement Brienzersee vom Carlton Europe gfunde!

Womer vor es paar Wuche es mega tolls Weekend mit Nina+Pascal und Baba da verbracht hend, het de Hotelmanager eus vo ihrne verschiedenschte Agebot verzellt. Eis devo ebe Homeoffice Specials. Es isch würklich en mega Glücksgriff nach dem Drecksloch in Finhaut. S'Studio isch neu renoviert, het e Chuchizile mit allem womer brucht und e super praktischi Zimmerufteilig. Soagr es Chörbli und Näpf für d'Malou sowie Tüechli für sie sind alles da gsi. Mir lönds eus guet ga, nutzed sZmorgebuffet und gnüssed die beschte Burger weltwiit (Aslani 😍😍😍 - mir sind im 7te Himmel).

Das sWetter halt immer no zickt isch eus zimli ega wel mer ja sowieso am schaffe sind und din hocked de ganz Tag. Und am Abig und Mittag ischs jetzt eigentlich immer ok bis sogar bitzli sunnig gsi.

Natürlich hets vo da us au mega tolli Möglichkeit für Spaziergäng und Joggingrundene mit de Malou. D'Lara versuecht sich in Trailrunning, isch aber bim ufeweg nonig so erfolgrich (Asthma, Polle, Tüfdruck und Astrengig sind kei gueti Kombi 😂), abwärts gahts aber umso besser ✌️もっと詳しく