Puerto Escondido

2. Tec Week (emmerno sozsäge Ferie)
Ab nach Puerto Escondido, Surfparadis vo Mexico.
Eusi Ahreis hed sich leider bezeli verzögeret.. Us plante 8h sinds de 26h worde. De Marius und ich hend en Bus gnoh nach Mexico City wo leider starki verspötig hed gha, de heds halt nömme ufe Flüger glängt. Anstatt z übernachte und am nöchste Tag flüge hemmer denkt, näme mer doch de Bus am 12i ihr nacht. (isch günstiger..) Also simmer no ganzi 15h mitem Bus durch 3 Bundesstaate gfahre um a euses Ziel z glange. Hends aber guet überstande und ganz interessanti Filme chönne luege ih dere Zit.
Puerto Escondido isch sehr e bekannte Ferieort in Mexico, vor allem für Surfe. De Zicatela Strand die sogenannti "Mexican Pipeline" isch Weltwiit bekannt und cha im Sommer bis zu 9m höchi Wälle erreiche.
Semmer froh, hemmer de Touristeahdrang ih eusere Zit chönne umgoh.
Die Wuche hed bestande us vellne Stunde am Strand, 2 Täg surfe (wo sehr guet klapped hed), mit Delfine Schwümme, en Wildlife Tour id Laguna Ventanilla mit ganz vielne Krokis und sogar en Wal hemmer gseh.Weiterlesen