Día de los Muertos 💀🌼

Es isch sowit, de Moment woni so lang druf ha gwartet.
Día de los Muertos oder au Tag der toten isch es Mexikanisch traditionells Fest, wo emmer am 1. - 2. November gfiret wird. Tatsächli fohts aber meistens scho vell früener ah mit de vorbereitige und au die ganz Wuche heds überall gfiret und alles isch gschmückt gsi. De 31.10 widmet sich de Hustier, 1. 11 i de Kinder und de 2.11 de Erwachsene.
Grundsätzlich wird a dene Täg ah die verstorbene Ahghörige und Fründe erinneret und die gehrt. Anderst als bi eus am Allerheilige und Allerseele isches jedoch keis Fest mit Truur verbunde, sondern mit ganz viel Freud. Nachem Bruchtum chönne a dene Täg (vorallem am 1.11 um Mitternacht) die Verstorbene vom Rich vode Tote zrugg ih eusi Wält, sofern eri Ahghörige es Bild oder en Name vo Ihne uf ihri Ofrendas (Ältär) stelle. Uf dene findet sich au immer Spiis und Trank vo dene Lebensmittel, wo die Verstorbene zu Läbzite gern konsumiert hend (das cha au gärn mal es Cola oder es Bierli sii). Es gaht drum, dass die Verstorbene, wenn sie bi eus ahcho sind, mit ihrere Familie chönne Zämesie und zäme ässe. Familie bsueche defür au oft de Friedhof und tatsächli campiere dert a dene Täg au velli, zum die ganz nacht bi ihrne Liebste zsie.
Die mexikanischi Ringelblueme "cempasúchil" staht traditionell defür, dur ihde Duft und ihri Farb de Tote de Wäg z wiese.

Mir hend für die Täg en Usflug mit de Schuel in Bundesstaat Michoacán gmacht. Nach Morelia, Pátzcuaro, D insle Janitzio und am Ändi ufe Friedhof in Tzintzuntzan.
Unvergässliche Usflug gsi!Leggi altro