ÖSTERSUND

Itze föhmer dr Norde langsam afa gspüre. A einzelne Schattesteue hez no Schnee u d Seeä si ir Mitti ono gfrore. Per Zuefau simer grad amne Festtag hie gsi, wosi es rise Füür am Strand hei gmacht u drzue dr Früeligsafang gfiret hei. Näbebi heimer es uu härzigs Beizli gfunge miteme Innehof. Ds Ässe isch jedoch sehr spezieu gsy aber drfür saisonal und regional.
Am nächste Morge simer vouer Elan früeh ufgstange u si überrascht worde vomne wäutklass Zmorgebuffet. Leider heimer ufem Morgespaziergang üsi Motivation chle verlore wius grägnet het u chaut isch gsi. Drum höcklemer wieder im Hostel. Speter gömer nomau dür d Gasse vo Östersund u när wyter richtig Trondheim.

Fazit vom Tag: D Mönsche sisech Touriste weniger gwöhnt aus ide Grossstedt, sisi aber sehr fründlech.Leggi altro