Reise ins Ungewisse | FindPenguins

Terbaharu dahulu

Permulaan perjalanan
26 Jun 2025
Reise ins Ungewisse
Los gahts
26 Jun 2025, Switzerland ⋅ ☁️ 23 °C
Los gahts, alles packt, de Töff no am Tag vorher vorfüehre, fertig schruube, alles passt.
Treffpunkt zum Kafi bi regnerischem aber warmem Wetter, Route plaane zu eusere erste Übernachtig in Östriich... nur luege ob über de Pass oder doch dur de Tunnel, isch ja echt doof zum so go Kurve fahre...Baca lagi
Lihat terjemahan
0 suka
Reise ins Ungewisse
Nass und rutschig
26 Jun 2025, Switzerland ⋅ ⛅ 25 °C
Und chuum zwei Dörfer wiiter, so welle zeige dass mer Kurve guet au fahre chan, wennd Strass no luecht füecht isch... nur leider nöd mit miine nigelnagelneue Reife
Und schwupps macht de Vorderreife, gleitet weg, de Töff ebeso und ich hinnedrii. Zum Glück rutsch ich nur bis is Gras, de Töff leider wiiter und s Tobel durab... ufgfange vomne Junge Bäumli bevors no 5m wiiter drab wür gah.
Ufgstande, kei Schramme, kein Fläcke, nur de Frust wo bliibt, dassi de Töff nöd eifach cha ufstelle und wiiterfahre... im Gägeteil, so instabil wie das da hanged, gahni nöd abe zum mis Handy go hole... das händ denn die beide Jungs vom Abschleppdienst gmacht, also s Handy mitsamt Töff ufezoge.
Sie händ aber au nöd gwüsst, was sie erwartet, händs doch zerst de Esther ihre Töff ufm Rastplatz welle aastüüre und ich nur so: nei nöd de, de ander wo mer nüm gseht...Baca lagi
Lihat terjemahan
0 suka
Reise ins Ungewisse
Gstrandet
26 Jun 2025, Switzerland ⋅ 🌧 23 °C
Und so landet mer in Appezell, bimne Töffli-Rasemeiher-Mech wo min Töff die nächste Täg cha aaluege, dVersicherig klärt, Teili bstellt... also mindestens e Wuche brucht de neui Länker halt scho, wenns nöd sogar Totalschade seg.
Tja, doch nöd uf Tschechie... au nüm Töfffahre, will Ersatztöff hät de keine... und irgendwie sölls wohl nöd sii mit dere Töffreis. Als oziit für en Mittagspause, Bedürfnis klääre, neui Idee sammleBaca lagi
Lihat terjemahan
0 suka
Reise ins Ungewisse
Hübsch und gmüetlich
26 Jun 2025, Switzerland ⋅ 🌧 20 °C
Appezell isch doch eigentlich ganz härzig... es BnB vom Mech empfohle becho und richtig gmüetlich iiquartiert, zumindest für die eini Nacht wo no frei isch.
S Rägewetter döt mit Tee ufm Sofa verbringe und aaschlüssend Städtli aaluege und feins ässe gnüsse ide nächste Empfehlig Nr. 17
Eigentlich gahts eus ja scho guet ....Baca lagi
Lihat terjemahan
0 suka
Reise ins Ungewisse
Seealpseeli
27 Jun 2025, Switzerland ⋅ ☁️ 20 °C
S schönste am ganze isch das erstuunlich warme Alpseeli, malerisch grüen und blau, en Traum vo idyllischem Wasser im Bergpanorama...und für en Friitig no wenig Lüt
Lihat terjemahan
0 suka
Reise ins Ungewisse
Die ander siite vo Appezell
28 Jun 2025, Switzerland ⋅ ⛅ 20 °C
Und hüt hämmer nüt vor, eh zheiss zum Wandere oder Velofahre, also gmütlich näh und ab an Fluss
Diskutiere was mer jetzt us de Ferie mached und s nächste Hotel bueche, das gaht mit de Füess im küehle Nass halt scho besser ;-)
Ufm Flohmärt denn au no s passende Reisegepäck gfunde, dass ich mit minere vollbepackte Migrostäsche nöd vo Bahnhof zu Bahnhof muessBaca lagi
Lihat terjemahan
0 suka
Reise ins Ungewisse
S schöne Appezäll
28 Jun 2025, Switzerland ⋅ ☀️ 27 °C
Und wenni scho mal da bin, denn chanis ja au gnüüsse... vorallem hani scho lang mal welle das berüehmte Huus im Fels aaluege...wo per Zuefall da um de Egge isch, scho no praktisch.
Also gmüetlich s Zimmer gruumet, uf de Zug gstresst und los gahts, untrainiert und ide neue Wanderschueh de flinke Esther hinnedrii...plaudernd lachend und mal eifach nume still (und heimlich küchend ;-)Baca lagi
Lihat terjemahan
0 suka
Reise ins Ungewisse
S Huus im Fels
28 Jun 2025, Switzerland ⋅ ☀️ 27 °C
Und nach me ewigslange Ufstiig, im Zickzack und bi drückendheissem Wetter simmer dobe ade Felswand, bi dem berüehmte aber irgendwie gar nöd so spektakuläre Huus im Fels. Willkomme im Wildkirchli / Restaurant ÄscherBaca lagi
Lihat terjemahan
0 suka
Reise ins Ungewisse
Willkommensknabbere
29 Jun 2025, Switzerland ⋅ ☀️ 24 °C
0 suka
Reise ins Ungewisse
No kurz dSkipiste duruf
30 Jun 2025, Switzerland ⋅ ⛅ 16 °C
Abm Mittag rägnets. Ja denn halt eifach nur mitm Bähnli ufs Hörnli und e kurzi Rundi zum Seeli...und wo mer dobe stönd, herrlichi Ussicht und blaue Himmel.
Kurzentschlosse laufemer übere zum grosse Wiisshorn, verbii a vielne putzige Murmeli und farbige Blüemli mit unussprechliche Näme.
D Ussicht abe is Tal isch grandios, egal uf wellere Siite. Nur duruf gsehts chli zäch us, münd mer doch die schwarz Piste durufkraxle.
Mitm Schnee chani defür au en küehle Kopf bewahre, Käppli druf und Kliimaalag lauft...bis uf de Gipfel ischs nie abetropft!
Uff, gschaft! Was für e zächi Wanderig mit dere Höheluft.Baca lagi
Lihat terjemahan
1 suka
Reise ins Ungewisse
Wo de Bär nüm steppt
30 Jun 2025, Switzerland ⋅ 🌧 14 °C
S alte Zirkusröckli, Film und Foto vom Tanzende Bär. Recht iidrücklich vermittled, wie eifach mer im Oste sones putzigs jungs Huustier cha chaufe. Und wenns zgross wird, stellt mers vor de Zoo.
Zum Glück landet paar vo dene da im Bärepark Arosa und händ es riiiiesigs Gländ (vergliche zur Stube vorher)Baca lagi
Lihat terjemahan
1 suka
Reise ins Ungewisse
5-Seeli-Wanderig
1 Julai 2025, Switzerland ⋅ ☀️ 19 °C
D Sunne lached is schlaafende Gsicht, de ersti Tag wos so strahlendschön scho am morge früeh isch...und jetzt scho warm. Also ab in Wald. Durchs Dorf durab zum Coop bim Obersee, wiiter abe zum alte Flussbett und über en wackelndi Hängebrugg... händ nöd dänkt, dass die nächst "Brugg" schlimmer wird 😉

En Märliwald mit allem drum und dra, vo lustige Blüetenäme und komische Baumstämm bis zum maalerische See, türkisfarbig, iiskalt. Aber das isch gar nöd sZiil. de zweiti isch dänn de Grüensee, öppe glich kalt findet mini Zeche... das gsehnd die 2 Wanderer andersch und laufed schnurstracks dri, bis zum Hals!
Mer treffed sie wieder, am ändi vo de Tour am Unterseeli ide Badi, döt traui mi au ine 😀
Zum Znacht is unwahrschiinlich umwerfend guete Restaurant Charly, s Chicken Massala katapultiert mi grad zrugg nach Indie mit all sine Gschmäcker. Und zum Dessert en Erdbeertraum mit verstecktem Kokosglace, jede Biss en Gschmacksexplosion!Baca lagi
Lihat terjemahan
0 suka
Reise ins Ungewisse
Im Schloss
2 Julai 2025, Switzerland ⋅ ☁️ 25 °C
Und so landemer nachere richtig kurze Fahrt in Ragaz, mit me hübsche Zimmer im Schloss, passend mit Pool... mer wönd eus ja nöd allzu fest müesse umgwöhne. Au wenn mer jetzt langsam wieder abechömed, vo de Berge is Flachland aber au vom Luxus is Füdlibürgertum, vom Noble Etepetete zum stinknormale TCS-Servicepersonal.
Aber gmüetlich ischs genau glich und mer gnüssed en ruhige Tag am Pool, im Städtli, durchs Grüene vo all dene PärkBaca lagi
Lihat terjemahan
1 suka
Reise ins Ungewisse
Tamina
3 Julai 2025, Switzerland ⋅ ☀️ 22 °C
Im liechte Niselräge laufemer gmüetlich de kinderwagetauglich Wäg de Tamina entlang dSchlucht hindere. Grad richtig für de liechti Muskelkater vo de letschte Täg und bi dene heisse Temperature vo gestr. SWätter tuet nachher ja wieder uf... oder so. Mer händ scho chli verschätzt, wie kalt dasses cha werde ide Schlucht, am Fluss entlang, bi Räge.. und so mümmer nach de Besichtigung ide alte Gemäuer eus no mehreri Minute am Handtröchner ufwärme, bevor mer iigmummled id Höhli gönd.
D Quelle hät denn richtig warms (Thermal-)Wasser, da münd mer grad eusi Wärmfläsche fülle 😉
Zum abelaufe chunnt no dSunne und scho wirds wieder warm, spätestens bi dem feine Znacht im LöweBaca lagi
Lihat terjemahan
1 suka
Reise ins Ungewisse
Heiwärts
4 Julai 2025, Switzerland ⋅ ☀️ 27 °C
Und so gehts mitm Schnellzug nach Hause, zurück in den Sommer, zurück zu denn alltäglichen (Ameisen-)Plagen ;)
Lihat terjemahan
0 suka

Tamat perjalanan
4 Julai 2025