Reset search
Australien / Neuseeland
  • Manuela Michel
Current
  • Manuela Michel

Australien / Neuseeland

A 92-day adventure by Manuela Read more
FollowInsightsInsightsCalendarCalendarPhotosPhotosShareShareBucket list
Oldest first
  • Currently in
    🇳🇿 Westland District, Neuseeland
  • Manuela MichelAustralien / NeuseelandTraveler
    Blick uf ds MeerUssicht vo vor üsem MotelChurz bevor mir si losgloffe no so...U gli druf ging meh WulcheFranz Josef Glacier1Lake Wombat

    Franz Josef

    January 31 in New Zealand ⋅ ⛅ 15 °C

    Gester: Ufem Wäg si mir no zumeme Lookout, d Bärge hei sech aber hinter de Wulche versteckt. Das isch bis am Abe o so blibe, nähr hets ufta.

    Hüt: dr ganz Tag schöns Wätter hets gheisse. Scho wo mir uf si hets Näbel gha u während em Loufe hets am Himmel immer meh grau statt blau usgseh.
    Mir si e Teil vom Alex Knob Trail gloffe, bis zum erste Lookout. Wie wyt dasses bis dert geit hei mir nume ungefähr gwüsst. U bis dert häre het me kes einzigs Mal uf d Bärge gseh. Nach mehrerne Diskussione, ob mir wei umchere, si mir de acho u hei ersch no Glück gha😍. Dr Abstieg düre Wald isch eifacher gange als erwartet.
    Nacheme churze Abstächer zum Wobat Lake si mir zrugg ids Dörfli.    Read more

    See translation
  • Manuela MichelAustralien / NeuseelandTraveler
    Outofahre z Neuseeland...Buller RiverBrunner MineGrey RiverHokitika Beach3

    Hokitika

    January 27 in New Zealand ⋅ ☀️ 19 °C

    Nach 330 km si mir guet ds Hokitika ar Westküste acho.
    Vor allem wägem Name hei mir no bir Brunner Mine aghalte, es alts Chohlebergwerk. Im 1896 si bire Explosion 65 Männer umcho. Das het nähr drzue gfüehrt, dass me im ganze Land d Arbeitsbedingige het verbesseret.
    Zu üsere Wohnig gits nur eis passends Wort - WOW😍!    Read more

    See translation
  • Manuela MichelAustralien / NeuseelandTraveler
    1
    111

    Queen Charlotte Track

    January 23 in New Zealand ⋅ ⛅ 17 °C

    Für dä Usflug hüt het me chönne wähle, ob me 12,5 oder 17,5km ufem Queen Charlotte Track wott loufe. Je nach däm het eim ds Boot ame andere Ort abglade. D Fahrt dür e Queen Charlotte Sound am Morge isch uu schön gsi. Mir si nähr die chürzeri Strecki vor Furneaux Lodge zur Punga Cove gloffe. Dr Wäg isch vom viele Räge matschig gsi u s het viel Steine gha - es si längi 12,5 km gsi.
    Drum hani nähr chli Soulfood brucht.    Read more

    See translation
  • Manuela MichelAustralien / NeuseelandTraveler
    1

    Wineries in Marlborough

    January 22 in New Zealand ⋅ ⛅ 19 °C

    Picton isch im Marborough District u drmit im grösste Wygebiet vo Neuseeland. Fasch 20% vom Sauvignion Blanc wältwiit wird hie aboue. Mir si uf üsere Tour i drü Wygüeter, wo alli no familiegfüehrt si. 2/3 drvo si mittlerwile vo Grosskonzärne ufkouft worde wägem Export. Am Schluss si mir no ine Schoggi-Fabrik.
    Es isch e zfriedene Nami gsi.    Read more

    See translation
  • Manuela MichelAustralien / NeuseelandTraveler

    Picton

    January 21 in New Zealand ⋅ 🌧 17 °C

    Hüt am Morge hei mir früeh uf müesse für uf d Fähre. D Überfahrt isch sehr ruhig gsi.
    Picton het üs mit Rägewätter empfange. Mir chöi üs aber gar nid beklage. Ds Hahei, wo mir no vor ere Wuche si gsi, si d Strasse überfluetet.

    Wüll mir no hei müesse warte bis mir hei chönne iichecke, si mir imne Pub ga Fish&Chips ässe. Drna si mir no chli dür ds Dörfli spaziert u ga iichoufe.    Read more

    See translation
  • Manuela MichelAustralien / NeuseelandTraveler
    D Ussicht vo üsere Wohnig us
    Oriental Bay1

    Wellington

    January 20 in New Zealand ⋅ ☁️ 15 °C

    Miteme Zwüschestopp z Whanganui si mir gester ds Wellington acho. I ha unbedingt müesse mis Buech fertig läse u bi drum nümme id Stadt.
    Am Abe hani churz gmeint, mir müessi no e Pizza bstelle. Aber nach langem Usprobiere isch de dä Ofe doch no gloffe.
    Hüt bini z Fuess am Hafe nah bis zur Oriental Bay u nähr ufe Mount Victoria. Dr Bus fahrt nume all Stund, drum bini du wieder abegloffe u no chli dür d Stadt.
    Ätti het scho vor paar Tag erklärt, är wetti de äs Beef Wellington. Tripadvisor het ghulfe u es isch meega fein gsi😍!    Read more

    See translation
  • Manuela MichelAustralien / NeuseelandTraveler

    Tongariro Nationalpark

    January 17 in New Zealand ⋅ ☁️ 15 °C

    Mir si zu de Taranaki Falls gloffe. D Bärge hei sech teilwiis chli hinder de Wulche versteckt. Aber d Wätterptognose isch no schlächter gsi, drum hei mir glich Glück gha u d Rägejagge nid brucht.
    Es het no äs grosses Visitor Centre gha, unter anderem miteme Film über d Vulkän.
    Mir hei nähr no d Ridge Walk gmacht.    Read more

    See translation
  • Manuela MichelAustralien / NeuseelandTraveler
    De Bretts Wasserpark
    Energie us em Dampf vo de heisse QuellePower Station

    Taupō

    January 16 in New Zealand ⋅ ☀️ 22 °C

    Hüt si mir am Morge zersch i eis vo de Thermalbäder. D Pools si nid immer glich warm.
    Nähr si mir bi de Aratiatia Rapids gsi u hei gseh, wie sie d Tor vom Stoudamm uftüe. 80'000 Liter Wasser pro Sekunde verwandle das stille Gwässer ine riissende Fluss.
    Dr dritt Stopp isch Lava Glass gsi, e Glasbläserei mitere Usstellig und emne Garte voller Glas-Kunstwärk.
    Nähr si mir no ga iichoufe u si gäge Abe nomal i See.    Read more

    See translation
  • Manuela MichelAustralien / NeuseelandTraveler
    Mud Pool
    Dr "Steamer" vo de MaoriU da drin cha me Mais, Riis, Pasta usw. chocheMais kochet im heisse WasserDs alte BadU ds Neue. Ds Wasser usem Chuchi-Pool chüelet ufem Wäg ab uf 40 GradGeysire120 Grad heisses Wasser - dr Dampf löng d Huut la jünger usgseh😉.Lake Rotorua

    Rotorua

    January 15 in New Zealand ⋅ 🌧 19 °C

    Zu däm Telefonnummero vo gester: Das ghört zur Justine Sclater. Ds Mami u Papi hei sie und ihre Maa, David, vor 13 Jahr ir Südsee lehre kenne. D Justine het sofort zrugggschriebe u mir hei für hüt z Rotorua zum Zmittag abgmacht.
    Drum hei d Vicky und d Kris churzerhand ghulfe umplane, dass mir alles chöi kombiniere.

    Hüt si mir zersch Waiotapu Mud Pools ga aluege. Nähr si mir wyter ids Maori-Dorf Whakarewarewa. Dert läbe öppe 45 Lüt. Mir hei die traditionelle Öfe und Bäder gseh. Am Schluss si mir no ä Culture Show mit Tänz u Lieder ga luege.

    Ds Träffe mit Sclaters isch u zfriede gsi, die Vier hei sech riesig gfreut über das spontane Wiederseh.

    Ufem Heiwäg hei mir im ne Park no chönne d Füess bade, ds Thermalwasser isch scho fasch heiss gsi. Ufem Wäg zum Outo hets üs no richtig verrägnet.    Read more

    See translation
  • Manuela MichelAustralien / NeuseelandTraveler

    Taupo

    January 14 in New Zealand ⋅ ☁️ 19 °C

    Ufem Wäg hei mir e Halt gmacht ds Matamata. D Lüt wo mir hei gsuecht hei mir nid gfunde, aber drfür e nätte Maa wo ds Telefonnummero het usegfunde - ds Träffe für morn isch planet😉.
    Ds Taupo si mir imne coole Motel mit grosse Zimmer, direkt am See.
    D Vicki und Kristine (ging no die vo Sri Lanka) si für 3 Nächt im Motel näbedra. Mir si nachem Iichoufe am See nah zruggloffe u hei de Golfer zuegluegt, wo hei probiert, z Ziel im See ds träffe. Ds Chlinere dervo isch ide letschte 33 Jahr 15x troffe worde, me gwinnt 10'000 Dollar.
    Zum Znacht hei mir für alli Älplermacaroni kochet.    Read more

    See translation
  • Manuela MichelAustralien / NeuseelandTraveler

    Hot Water Beach

    January 13 in New Zealand ⋅ ☁️ 21 °C

    Hüt si mir mit dr Schufle usgrückt, dass mir üs o e eigete Pool mit heissem Wasser chöi boue. Pünktlech uf d Zyt vor Ebbe si mir dert gsi. Am Iisatz hätts nid gfählt😜. E grossi Gruppe, wo vor üs isch dert gsi, het als einzigi Erfolg gha. Aber o ihre Pool isch immer wieder de Wälle zum Opfer gfalle. Mehreri Lüt hei probiert, d Löcher z flicke. Mir si im Meer gstande u hei müesse ufpasse, dass mir üs d Füess nid verbrönne. Ds Wasser wo unde ufe chunnt isch bis zu 70 Grad warm/heiss.
    Itz rägnets, perfekt für under dr Dechi ufem Sofa z Buech fertig z läse😃.    Read more

    See translation
  • Manuela MichelAustralien / NeuseelandTraveler
    Ds Cottage
    Cathedral CaveHahei BeachÄtti het ä Grill gfunde😉

    Cathedral Cove

    January 12 in New Zealand ⋅ ☀️ 24 °C

    Vo üsem Cottage ischs nume öppe e Stund zum Loufe gsi, bis mir ir Bucht si gsi. Nach es paar Föteli si mir no ids Meer ga bade. Luut eme Fischer isch ds Wasser öppe 21 Grad. Dr Räste vom Tag hani mit läse im Cottage oder am Strand verbracht.Read more

    See translation
  • Manuela MichelAustralien / NeuseelandTraveler
    2Orewa Beach

    Mount Manaia

    January 10 in New Zealand ⋅ ☀️ 27 °C

    Hüt hei mir Bay of Islands müesse verlah.
    Ufem Wäg nach Orewa hei mir no dr Ufstieg zum Mount Manaia i Agriff gno. D Karin het vor vielne Jahr gschribe, es sige viel Stäge gsi - das isch geng no so😉. Über 1100, ds Mami het se sogar zellt.
    Nähr si mir uf Orewa gfahre. Da si mir nume e Nacht als Zwüschestopp, wüll s süsch z wyt wäri gsi zum Fahre.
    Hüt am Abe träffe mir nomal d Vicky zum Znacht.    Read more

    See translation
  • Manuela MichelAustralien / NeuseelandTraveler

    Rainbow Falls

    January 9 in New Zealand ⋅ 🌙 20 °C

    Wo mir si acho hets ä Tafele gha, wie lang dasses zu de verschiedene Lookouts geit - maximal 10 Minute. Drum hei mir entschiede, dr Kerikeri River Trail z mache. Es isch ei Wäg ca. 4 km gsi, dert hets äs härzigs Café gha. Zrugg het me dr glich Wäg müesse. Uf ds Bad bim Wasserfall hei mir verzichtet, aber meh wüll mir z fuul si gsi zum anders aalege. Dr Strand isch schliesslech nume öppe 2 Minute z Fuess vor Unterkunft us.Read more

    See translation
  • Manuela MichelAustralien / NeuseelandTraveler
    22Es Gsicht im Felse

    Hole in the Rock

    January 8 in New Zealand ⋅ ☀️ 22 °C

    Mir si ufne Bootstour zum Hole in the Rock. Dr erst Stop isch bi de Twin Lagoons uf Roberton Island gsi. Ufem Rückwäg hei mir nähr ir Otehei Bay chönne ga bade.

    See translation
  • Manuela MichelAustralien / NeuseelandTraveler
    PaihiaSound on

    Bay of Islands

    January 7 in New Zealand ⋅ ⛅ 23 °C

    Gester si mir ufem Wäg i Norde no ide Milky Way Caves gsi u hei d Glüehwürmli gseh.
    Hüt si mir mit dr Fähre vo Opua uf Okiato übere u nähr bis uf Russell gloffe. Es isch zersch dür dichte Wald uf und ab gange, dr Wäg isch schmal gsi. Zum guete Glück gits da keni Schlange, süsch hätti öppe glitte🤣.
    Dr letscht Bitz isch nomal stotzig uf und ab, aber für d Ussicht bim Chair het sech das glohnt. Ds Russell acho isch ds chüele Meer die perfekti Erfrüschig gsi.    Read more

    See translation
  • Manuela MichelAustralien / NeuseelandTraveler
    2

    Mount Eden

    January 5 in New Zealand ⋅ ☁️ 23 °C

    Herrlech, wenn me ke Wecker het wo lütet😍.
    Ersch nach de 10e (eher gäg di 11i🤪) bini es paar Blocks wyter fein ga zmörgele. Drna bini ufe Mount Eden gloffe. D Ussicht isch super gsi, dr Wäg häre mehrheitlech ar Strass nah.
    Zum Zrugg hani für paar Statione dr Bus gno u bi nähr zrugg ids Hotel. Wüll eis vo üsne Zimmer isch upgradet worde hei d Eltere es Appartement mit Chuchi u Wöschturm. Das hei mir hüt beides brucht🙂.    Read more

    See translation
  • Manuela MichelAustralien / NeuseelandTraveler
    Es si no anderi uf die Idee cho...😉

    Auckland & Waiheke Island

    January 4 in New Zealand ⋅ ⛅ 20 °C

    Hüt hei mir dr Tag mit dr Vicky verbracht, sie isch im März mit mir ds Sri Lanka gsi. Mir hei üs uf Waiheke Island, 40 Min. mit dr Fähre vo Auckland us, troffe. Wüll ds Restaurant ufem einte Wyguet no bsetzt isch gsi, si mir zersch ga bade. Dr Onetangi Beach isch super schön gsi🤩. Nähr si mir zrugg ids the Heke u hei sehr fein Zmittag gässe. Es isch nach de 6e gsi, wo mir zrugg si gsi, drum si mir gar nid ids Hotel. Nachem Ässe si mir zuefällig no im Hafe bim Wynyard Crossing glandet u hei gseh, wie dr Viadukt für d Schiff ufgeit.Read more

    See translation
  • Manuela MichelAustralien / NeuseelandTraveler
    1

    Sydney again

    January 2 in Australia ⋅ ☁️ 21 °C

    Gester bini zersch i Waverton-Park, bevor mir de nähr über d Harbour Bridge ids the Rocks Quartier gloffe si. Es het o denn no mega viel Lüt gha.
    Hüt hani mi im Stadtteil Newtown miteme ehemalige Arbeitskolleg, Ricardo, troffe. Es isch mega zfriede gsi. Zum Abschluss hei mir im Tower Eye uf Papas Geburi agstosse.

    Füf Wuche Oustralie - love at first sight. Es isch grossartig gsi!    Read more

    See translation
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice