Reimposta ricerca
Australien / Neuseeland
  • Manuela Michel
Attuale
  • Manuela Michel

Australien / Neuseeland

Un’avventura a tempo indeterminato di Manuela Leggi altro
SeguiPanoramicaPanoramicaCalendarioCalendarioFotografieFotografieCondividiCondividiLista dei desideri
Prima i più vecchi
  • Attualmente a
    🇳🇿 Whangārei Heads, Neuseeland
    Manuela MichelAustralien / NeuseelandViaggiatore
    Orewa Beach

    Mount Manaia

    5 ore fa, Nuova Zelanda ⋅ ☀️ 27 °C

    Hüt hei mir Bay of Islands müesse verlah.
    Ufem Wäg nach Orewa hei mir no dr Ufstieg zum Mount Manaia i Agriff gno. D Karin het vor vielne Jahr gschribe, es sige viel Stäge gsi - das isch geng no so😉. Über 1100, ds Mami het se sogar zellt.
    Nähr si mir uf Orewa gfahre. Da si mir nume e Nacht als Zwüschestopp, wüll s süsch z wyt wäri gsi zum Fahre.
    Hüt am Abe träffe mir nomal d Vicky zum Znacht.    Leggi altro

    Guarda la traduzione
  • Manuela MichelAustralien / NeuseelandViaggiatore

    Rainbow Falls

    Ieri, Nuova Zelanda ⋅ 🌙 20 °C

    Wo mir si acho hets ä Tafele gha, wie lang dasses zu de verschiedene Lookouts geit - maximal 10 Minute. Drum hei mir entschiede, dr Kerikeri River Trail z mache. Es isch ei Wäg ca. 4 km gsi, dert hets äs härzigs Café gha. Zrugg het me dr glich Wäg müesse. Uf ds Bad bim Wasserfall hei mir verzichtet, aber meh wüll mir z fuul si gsi zum anders aalege. Dr Strand isch schliesslech nume öppe 2 Minute z Fuess vor Unterkunft us.Leggi altro

    Guarda la traduzione
  • Manuela MichelAustralien / NeuseelandViaggiatore
    22Es Gsicht im Felse

    Hole in the Rock

    8 gennaio, Nuova Zelanda ⋅ ☀️ 22 °C

    Mir si ufne Bootstour zum Hole in the Rock. Dr erst Stop isch bi de Twin Lagoons uf Roberton Island gsi. Ufem Rückwäg hei mir nähr ir Otehei Bay chönne ga bade.

    Guarda la traduzione
  • Manuela MichelAustralien / NeuseelandViaggiatore
    PaihiaSound on

    Bay of Islands

    7 gennaio, Nuova Zelanda ⋅ ⛅ 23 °C

    Gester si mir ufem Wäg i Norde no ide Milky Way Caves gsi u hei d Glüehwürmli gseh.
    Hüt si mir mit dr Fähre vo Opua uf Okiato übere u nähr bis uf Russell gloffe. Es isch zersch dür dichte Wald uf und ab gange, dr Wäg isch schmal gsi. Zum guete Glück gits da keni Schlange, süsch hätti öppe glitte🤣.
    Dr letscht Bitz isch nomal stotzig uf und ab, aber für d Ussicht bim Chair het sech das glohnt. Ds Russell acho isch ds chüele Meer die perfekti Erfrüschig gsi.    Leggi altro

    Guarda la traduzione
  • Manuela MichelAustralien / NeuseelandViaggiatore
    2

    Mount Eden

    5 gennaio, Nuova Zelanda ⋅ ☁️ 23 °C

    Herrlech, wenn me ke Wecker het wo lütet😍.
    Ersch nach de 10e (eher gäg di 11i🤪) bini es paar Blocks wyter fein ga zmörgele. Drna bini ufe Mount Eden gloffe. D Ussicht isch super gsi, dr Wäg häre mehrheitlech ar Strass nah.
    Zum Zrugg hani für paar Statione dr Bus gno u bi nähr zrugg ids Hotel. Wüll eis vo üsne Zimmer isch upgradet worde hei d Eltere es Appartement mit Chuchi u Wöschturm. Das hei mir hüt beides brucht🙂.    Leggi altro

    Guarda la traduzione
  • Manuela MichelAustralien / NeuseelandViaggiatore
    Es si no anderi uf die Idee cho...😉

    Auckland & Waiheke Island

    4 gennaio, Nuova Zelanda ⋅ ⛅ 20 °C

    Hüt hei mir dr Tag mit dr Vicky verbracht, sie isch im März mit mir ds Sri Lanka gsi. Mir hei üs uf Waiheke Island, 40 Min. mit dr Fähre vo Auckland us, troffe. Wüll ds Restaurant ufem einte Wyguet no bsetzt isch gsi, si mir zersch ga bade. Dr Onetangi Beach isch super schön gsi🤩. Nähr si mir zrugg ids the Heke u hei sehr fein Zmittag gässe. Es isch nach de 6e gsi, wo mir zrugg si gsi, drum si mir gar nid ids Hotel. Nachem Ässe si mir zuefällig no im Hafe bim Wynyard Crossing glandet u hei gseh, wie dr Viadukt für d Schiff ufgeit.Leggi altro

    Guarda la traduzione
  • Manuela MichelAustralien / NeuseelandViaggiatore
    1

    Sydney again

    2 gennaio, Australia ⋅ ☁️ 21 °C

    Gester bini zersch i Waverton-Park, bevor mir de nähr über d Harbour Bridge ids the Rocks Quartier gloffe si. Es het o denn no mega viel Lüt gha.
    Hüt hani mi im Stadtteil Newtown miteme ehemalige Arbeitskolleg, Ricardo, troffe. Es isch mega zfriede gsi. Zum Abschluss hei mir im Tower Eye uf Papas Geburi agstosse.

    Füf Wuche Oustralie - love at first sight. Es isch grossartig gsi!    Leggi altro

    Guarda la traduzione
  • Manuela MichelAustralien / NeuseelandViaggiatore

    Happy New Year

    1 gennaio, Australia ⋅ ☁️ 20 °C

    Nacheme letschte Kaffee mit neue Fründe us Kanada hani uf d Nordsite vor Stadt gwächslet. Mir si nähr chli ga d Umgäbig erkunde u ds Mami isch spontan zum Coiffeur.
    Mir hei ä Tisch reserviert gha für ds Znacht, hei aber nid gwüsst dass es dert es Silvestermenu git. Es isch lang gange, bis sie hei agfange serviere. Wo mir hei gfragt, ob mir dr Houptgang früecher dörfe ha, ischs uf z Mal schnäll gange u s het problemlos zum Blues Point glängt. D Sicht uf d Brügg isch super gsi und o süsch e zfriedni Stimmig u e super Organisation.

    Happy New Year🍾    Leggi altro

    Guarda la traduzione
  • Manuela MichelAustralien / NeuseelandViaggiatore
    Die KI-Bilder hei üs dür die zwöi Wuche begleitet😉

    Sydney

    30 dicembre 2025, Australia ⋅ ☁️ 19 °C

    Mir si gester wieder ir Stadt acho.
    I ha d Zyt gnützt für mi chli z erhole und d Iidrück ds verarbeite. Hüt am Abe si mir z letschte mal mit allne ga ässe. Die 23 Täg si wie im Flug vergange. Vor allem ide letschte 2 Wuche hei mir e super Gruppe gha, das het ungloublech gfägt🙂.Leggi altro

    Guarda la traduzione
  • Manuela MichelAustralien / NeuseelandViaggiatore
    The Three SistersJamison Valley3

    Blue Mountains

    28 dicembre 2025, Australia ⋅ ☀️ 18 °C

    Üse Tag het am 7:00 miteme Kaffee agfange. Dr Coffeeshop isch scho voll gsi, di pensionierte Lüt vom Ort träffe sech jede morge dert - s het paar spannendi Gspräch gä!

    Nähr si mir i Park Scenic World u si mit Gondle und äm steilste Zug vor Wält gfahre, d Ussichte si super gsi. Uf em einte Wanderwäg hei sie im Moment e Dino-Usstellig.
    Nachem Zmittag si mir no zu de Wentworth-Fäll gloffe. Es isch uf mehreri Arte atemberoubend gsi - die 258 Stägetritte ads untere Ändi vom Wasserfall heis in sech gha, ämel bim Ufstieg.

    Dr Tag hei mir bim Sunneuntergang mit Blick uf The Three Sisters abgschlosse.    Leggi altro

    Guarda la traduzione
  • Manuela MichelAustralien / NeuseelandViaggiatore
    Dr Nigel cha nümm zrugg, er het nume no eis Bei...aber chlättere chaner no😍11Mit Laura, Katka & Zuzi

    Blue Mountains

    27 dicembre 2025, Australia ⋅ 🌙 13 °C

    Nacheme lange Bustag si mir ds Leura acho. Fasch uf 1000 M. ü. Meer ischs doch o hie chli chüeler, es het sogar e Heizdechi im Bett🙂.
    Mir si nachem Znacht no ga dr Sunneuntergang luege.

    Am Morge si mir ds Koala Visitor Education Center ga aluege. Dert si im Momänt o alli verletzte Koalas, wüll sie ds Koala-Spital neu am boue si. Ds Ziel isch, Koalas ds rette, ds pflege u wieder uszwildere, aber o d Population z erhöche. Bi de grosse Buschfüür im 2020 si nume ir Region um Port Maquarie über 2'000 Koalas verbrönnt. Ds ganze wird, näb öppe 10 Festagstellte, mit über 200 frewillige Mitarbeitende unterhalte.Leggi altro

    Guarda la traduzione
  • Manuela MichelAustralien / NeuseelandViaggiatore
    Heiligabe mal anders ..😉Dr östlechst Punkt vo AustralieEs paar Haie...😉1Jonny isch dr ganz Mittag bi üs gsi

    Christmas in Byron Bay

    25 dicembre 2025, Australia ⋅ 🌬 25 °C

    Gester si mir spät im Surferparadies Byron Bay acho. Nachem Iichoufe füre 25. si mir no ga Burger ässe. Drna si mir ire Bar mit Livemusig gsi, d Stimmig isch super gsi!
    Hüt morge si mir zum Cape Byron Lighthouse gloffe u so o am östlechste Punkt vo däm Land gsi. Unterwägs hei d Aussies a allne Stränd ihri Chüelboxe u Surfbrätt usglade u Wiehnachte miteme Barbecue am Strand gfiiret. Drum hei mir de das am Mittag o gmacht. Am Nami si mir nomal a Strand u am Abe hei mir versuecht, d Räste vom Zmittag z ässe - chancelos🤣.

    Happy Christmas 🎅🎄    Leggi altro

    Guarda la traduzione
  • Manuela MichelAustralien / NeuseelandViaggiatore
    2

    Port Douglas

    21 dicembre 2025, Australia ⋅ ⛅ 27 °C

    Hüt si mir i däm härzige Städtli übere Märit - es hei alli verzwiiflet (oder o nid so verzwiiflet) nachem Wichtelgschänkli gsuecht🤣.
    Z Zmittag isch uungloublech fein gsi, Tempura Baramundi. Am Nami si mir wieder ds Cairns acho u hei die viele Iidrück chli la setze. Drna si mir nomal id Stadt ga ässe. Ufem Rückwäg am 10ni am Abe ischs no 29.7 Grad gsi.

    PS: chum si mir losgfahre gsi isch uf dr Strass e Kasuar (Cassowary) spaziert. Es isch eine vo de grösste flugunfähige Vögel u me gseht ne sehr sälte.    Leggi altro

    Guarda la traduzione
  • Manuela MichelAustralien / NeuseelandViaggiatore
    2

    Great Barrier Reef

    20 dicembre 2025, Australia ⋅ ☁️ 26 °C

    When dreams come true❤️

    Uf dä Tag hani mi scho meega lang gfreut. Mir si am Mittag öppe 30 Minute mitem Schnällboot usegfahre u nähr meh als 2h ga schnorchle. Es isch ungloublech schön gsi u nid i Bilder festzhalte. Da i ke Unterwasserkamera ha, si alli Ufnahme vo mine liebe Gruppemitglieder.
    Die andere si am Abe im Dunkle no freiwillig ga Spinnele u so luege, i ha das Gäld gärn gspart😉.    Leggi altro

    Guarda la traduzione
  • Manuela MichelAustralien / NeuseelandViaggiatore
    3Di giftligsti Pflanze im Rägewald2

    Mossman Gorge

    19 dicembre 2025, Australia ⋅ 🌙 26 °C

    Hüt hei mir üs ufe Wäg gmacht zum Cape Tribulation.
    Mir hei unterwägs in Mossman ghalte u dert e Tour düre Rägewald gmacht. Im Iigangsbereich si mehreri grossi Spinnele gsi🙈. Dr Guide usem Stamm vo de Kuku Yalanji het üs verschiedeni Pflanze erklärt und wie sie als Stamm im Rägewald läbe. Zum Bispiel überchöme si Markierige (meh Narbe) für ihres Wüsse wo sie hei und o wytergäbe. Är het afe 4 vo 12.
    Am spätere Nami hei mir i üsi Unterkunft zmitts im Daintree-Rägewald iichecked. Gli druf si mir scho ine natürleche Pool ir Nächi gumpet. Da mir immer no im Croc Country si, isch ds Meer tabu🙂.
    Zum Znacht hets feins Känguru gä.    Leggi altro

    Guarda la traduzione
  • Manuela MichelAustralien / NeuseelandViaggiatore

    Cairns

    18 dicembre 2025, Australia ⋅ ☁️ 26 °C

    Mir si früech abgholt worde für a Flughafe. Dr Flüger isch de aber afe 2h am Bode blibe wägeme technische Problem. Zum Glück hei sies chönne flicke u mir si nachem Mittag guet ds Cairns acho. Am Nami si mir i Pool, im Meer hets chli viel Krokis🐊.
    D Gruppe isch neu zämegsetzt. Es paar Lüt si wytergreist u Nöii si derzue cho.

    Das ischs gsi für die nächste paar Täg, da mir ab morn ke Empfang me hei.    Leggi altro

    Guarda la traduzione
  • Manuela MichelAustralien / NeuseelandViaggiatore
    111

    Great Ocean Road

    17 dicembre 2025, Australia ⋅ ⛅ 20 °C

    E Tag ar Küste mit wunderschöner Landschaft, Kängurus, Koalas, Sunne und Meer - ohne Worte🥰.
    Zum Znacht hets ä feini Pizza gä, Mami u Papa si o drbie gsi (das Mal ohni Bewiisfoto😉).

    Guarda la traduzione
  • Manuela MichelAustralien / NeuseelandViaggiatore
    Michela and the twins
    AC/DC LaneVictoria State Library

    Melbourne again

    16 dicembre 2025, Australia ⋅ ☀️ 19 °C

    Am Morge si mir zum Queen Victoria Market. Es isch überraschend ruhig gsi. D Walkingtour drna hani ussegla, wülli gester scho so viel ha gseh. Drfür hani i Rueh chönne wäsche u i mim Buech läse. Am spätere Nami bini mit dr Michela loszoge zur AC/DC Lane, Victoria State Library und id QT Rooftopbar.
    Hüt isch scho z Abschieds-Znacht mit dere Gruppe gsi, wüll mir de morn dr ganz Tag unterwägs si.
    Die Reis cha me o nume i Abschnitte mache, drum isch d Route vilech chli komisch.
    Mir si gspannt uf die neue Lüt, wo mir de Übermorn wärde träffe.    Leggi altro

    Guarda la traduzione
  • Manuela MichelAustralien / NeuseelandViaggiatore
    Früecher Post, hüt e riiese Shopping Mall
    Immer zur volle Stund duet sech d Uhr uf u zeigt die FigürliParliament of VictoriaYarra River

    Melbourne

    15 dicembre 2025, Australia ⋅ 🌙 14 °C

    Mir si dr ganz Tag unterwägs gsi u si guet z Melbourne acho. I ha mi nähr mit dr Evelyn troffe. Mit ihre hani uf dr Balkan-Reis z Zimmer teilt. Sie het mir d Stadt zeigt u mir si im Chinatown feins Pad Thai ga ässe.Leggi altro

    Guarda la traduzione
  • Manuela MichelAustralien / NeuseelandViaggiatore
    Anzac-Hill

    Kings Canyon bis Alice Springs

    14 dicembre 2025, Australia ⋅ ⛅ 28 °C

    Hüt het dr Wecker ersch 4:30 glüte. Am 6i si mir scho im Watarrka Nationalpark im Kings Canyon gsi u hei dert zersch dr South Rim Walk gmacht. Drna si mir no i Canyon ine gloffe.
    Nachem Packe u Verlade hei mir 5 Stund im Outo vor üs gha u si nähr guet z Alice Springs acho. Nachemne churze Stopp bim Anzac-Hill hei mir im Hotel iichecked. Am Abe hets äs feins australisches Barbecue gä, ds Highlight isch ds Känguru-Filet gsi.

    D Nachricht vom Bondi-Beach het d Busfahrt zrugg überschattet...    Leggi altro

    Guarda la traduzione
  • Manuela MichelAustralien / NeuseelandViaggiatore
    E Salzsee im Nirgendwo

    Kata Tjuta

    13 dicembre 2025, Australia ⋅ 🌬 32 °C

    Am 4i si mir uf füre Sunneufgang, leider o mit wenig Glück. Dr lüchtig rot Felse hei mir nid gseh.
    Nähr si mir zur Kata Tjuta Formation, das si 36 einzelni Felse. Dert hei mir dr Walpa Gorge Trail gmacht, es isch o hüt wieder mega heiss gsi.
    Itz si mir ir nechi vom Kings Canyon ufem Camping. Es isch alles sehr eifach, drum isch dr älter Teil vor Gruppe rächt unzfriede. Für d Stimmig ischs öppe besser, we mir morn wieder im Hotel si🤣.    Leggi altro

    Guarda la traduzione
  • Manuela MichelAustralien / NeuseelandViaggiatore
    11

    Ayers Rock

    12 dicembre 2025, Australia ⋅ 🌬 33 °C

    Ab ids Outback....

    Mir si direkt zum Flughafe Ayers Rock gfloge. Dert wärde mir vo Adventure Tours betreut, die glichi Organisation hani ar Westküste buechet.
    Mir hei zwöi churzi Wanderige rund ume Uluru gmacht bi 42 Grad. Es isch rächt bewölkt gsi drum hei mir nid sone schöne Sunneuntergang gseh. Itz chuttets mega, de isch de vilech dr Sunneufgang besser. Nachere nid bsunders chüele Duschi si mir itz im Zält u hoffe uf paar Stunde Schlaf.Leggi altro

    Guarda la traduzione