Resetuj wyszukiwanie
Australien / Neuseeland
  • Manuela Michel
obecny
  • Manuela Michel

Australien / Neuseeland

Otwarta przygoda według Manuela Czytaj więcej
ObserwujPodsumowaniePodsumowanieKalendarzKalendarzZdjęciaZdjęciaDzielićDzielićLista postanowień
Najpierw najstarsi
  • Manuela MichelAustralien / NeuseelandPodróżnik
    Darling HarbourSaint Mary's CathedralAnzac Memorial

    Darling Harbour und Hyde Park

    9 grudnia 2025, Australia ⋅ 🌬 22 °C

    Sydney zum Erste...und es wärde wyteri folge😉.

    I bi vom Hotel us losgloffe dür Chinatown bis zum Darling Harbour. Dä beläbt Egge het mir meega guet gfalle. Woni nähr Richtig Hyde Park gloffe bi, bini uf ds Mal ire riiesige Shopping-Strass glandet. Es het überall Stüehl gha, perfekt für däm Ganze zuezluege.
    Am Schluss bini no düre Hyde Park u paar tuusig Schritte später wieder ids Hotel zrugg.

    Am Abe hei mir ds erste Träffe mit dr Gruppe gha u si nähr ga Thai ässe.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    No ds Perth
    Apéro z Sydney

    Perth - Sydney...und time to relax!

    8 grudnia 2025, Australia ⋅ ☀️ 23 °C

    Nachere erläbnisriiche erste Wuche hani mir fest vorgno, mi no chli z erhole, bevors de wieder 3 Wuche lang viel z verzelle git.

    Gester hani Wösch gwäsche, s het im Hotel alles gha u isch gratis gsi. Da mi e Buechreihe zimlech fesslet, hanis süsch nume a Pool und zum Znacht gschafft.

    Hüt morge ischs wytergange richtig Sydney. D Inlandflüg si mega entspannt, we me da 45 Minute vorhär uftoucht, passt das. Mit dr Zytverschiebig isch nähr scho Abe gsi.
    Itz bini für 4 Nächt da, morn Abe geit d Tour los.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik

    Rottnest Island

    6 grudnia 2025, Australia ⋅ 🌬 21 °C

    E wunderschöne Tag mitem Velo uf Rotto😍.
    Chli meh Gäng wäre bi däm Gägewind gar nid so blöd gsi, aber es isch o so gange.
    Überall hei sech Quokkas versteckt - am eifachste findet me se aber dert, wos ds Ässe git. Leider verstöh o hie ganz viel Lüt "nid füettere" nid....

    Bim Bueche vor Fähre hani mi chli verta u hätt ersch am 7ni zrugg chönne uf Freemantle. Das hani aber am Morge problemlos chönne umbueche. D Lüt da si sowieso meega fründlech u hilfsbereit🙂.

    Zrugg ir Stadt hani mi dür gsperrti Strasse u viel "orangi" Chlöis müesse kämpfe.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    East Perth
    Kings ParkWar Memorial

    Perth

    5 grudnia 2025, Australia ⋅ ☀️ 23 °C

    Gester bini ds Exmouth no ga zmörgele u de gäge Mittag a Flughafe. Zrugg z Perth hani im Hotel ichecked. Paar Meter wyter hätti AC/DC gspielt, s het viel Fans umenand gha. I bi de no ga iichoufe u ha nähr d Rueh zum Läse nach de letschte Täg gnosse.

    O hüt morge hani mir o Zyt gla u bi de ersch nachem Mittag no id Stadt. Zersch bini am Swan River entlang spaziert u nähr Richtig Kings Park. Es het hie d CAT-Busse, wo gratis si. Die 5 Linie decke so zimlech alles ab, wo me brucht.

    Wenni so a die letschte Täg zruggdänke, chani fasch nid gloube, dassi ersch e Wuche da bi...     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik

    Exmouth

    3 grudnia 2025, Australia ⋅ 🌬 27 °C

    Hüt si mir nomal a Strand, ga schnorchle ir Turquoise Bay. Vergliche mit gester het me aber nüt gseh. Ir Sunne ischs so heiss gsi, dass mirs nid so lang hei usghalte.
    Am Nami hei mirs gmüetlech gno, si id Stadt ga Glace ässe u später ga Bier probiere. Dr Tag hei mir bim Sunneuntergang la usklinge.

    Die Truppe geit morn no wyter ga campe ids Outback. I ga zrugg uf Perth.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    1

    Coral Bay

    2 grudnia 2025, Australia ⋅ ☀️ 26 °C

    Hüt simer dr ganz Tag ir Bucht ga schnorchle. Ds Ningaloo-Riff isch subtropisch u het drum d Farbe Bruun, Blau u Grüen. Ufem Boot ischs eifach herrlech gsi. Z Ziel isch gsi, e Manta-Roche z finde, gfunde hei mir 5😍. D Föteli vo däm tolle Tag het ä Profi-Unterwasserfotografin gmacht.

    Später si mir no uf Exmouth gfahre u hei z erste Mal i Cape Range Nationalpark gseh. Dert gö mir de morn nomal ga schnorchle.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    Ir Mitti vo AustralieEagle BluffCoral Bay

    Monkey Mia - Coral Bay

    1 grudnia 2025, Australia ⋅ ☀️ 24 °C

    Am Morge si mir ga luege ob mir d Delfine gseh - sie si aber wyt usse bi de Boot blibe.
    Nachere Abchüelig im Meer u Bsuech vo de Emu's zum Abschied si mir Richtig Norde gfahre. Dr Halt bim Eagle Bluff isch uu schön gsi, mir wäre am Liebste ids kristallklare Wasser gumpet. Für das ischs doch chli z höch gsi. Itz si mer ds Coral Bay u fröie üs uf d Schnorcheltour morn. Czytaj więcej

    Zobacz tłumaczenie
  • Manuela MichelAustralien / NeuseelandPodróżnik

    Kalbarri - Monkey Mia

    30 listopada 2025, Australia ⋅ ☀️ 30 °C

    Wo mir hei ghört, dasses am 5i Zmorge git, simer nid so begeisteret gsi. Am 6i si mier fasch die Einzige gsi im Kalbarri Nationalpark, si zum Nature's Window, Z-Bend und River-Trail gloffe. Gäge Mittag het ds Thermometer chüeli 40-42 Grad aazeigt - da simer plötzlech dankbar gsi füre früech Start.🥵 Ds Jäggli, wo mir gester no mehrheitlech hei anne gha, isch hüt nume no Chopfchüssi gsi😉.
    Nachem Shell Beach si mir nähr uf Monkey Mia gfahre. S het nume chönne besser wärde nach däm schreckleche Hostel vo gester, hie isches es Paradies direkt am Strand. Es paar Meeresbewohner si o cho Hallo säge🩷.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    11

    Perth - Kalbarri

    29 listopada 2025, Australia ⋅ 🌬 21 °C

    No vor 7:00 si mir hüt losgfahre richtig Norde. Mir si 10 Persone, drvo 9 Froue.
    Mir hei e Halt gmacht idr Pinnacles Desert, si über Geraldton am Pink Lake verbi bis uf Kalbarri gfahre u hei dert im Hostel üse Mehrbettschlag bezoge. O wenn mir üs chli meh Komfort würde wünsche si mir üs einig - für d Landschaft lohnt sechs.
    Zum Znacht hani mi mit zwöi bekannte Gsichter troffe, d Prawn-Pasta isch super gsi🥰.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    1
    Stirling Gardens und Government HouseThe Bell TowerElizabeth Quai

    Perth

    28 listopada 2025, Australia ⋅ ☀️ 21 °C

    Nacheme Zwüschestopp ds Singapur bini guet ds Perth acho. Woni ds Singapur ha gseh, dass es vor Akunft bis zum nächste Boarding nume no 20 Minute geit, hani nid no Zyt gha z Fötele.
    Ds Perth bini no chli dür d Malls (isch ja schliesslech Black Friday) u ad Waterfront.
    Itz bini am umpacke, wülls de morn scho ganz früeh wytergeit.     Czytaj więcej

    Zobacz tłumaczenie
  • Manuela MichelAustralien / NeuseelandPodróżnik
    1

    Los geits!

    26 listopada 2025, Szwajcaria ⋅ ☁️ 1 °C

    Jetz isches so wyt...
    Vor 1,5 Jahr hani dä Urloub beatreit. Es isch viel passiert i dere Zyt, umso meh fröits mi, dass sich dä Plan nid het gänderet.
    Hüt hani Deheime no di letschte Sache erlediget, fein gässe u liebi Lüt troffe.
    Itz hocki im Zug uf Zürich u fröie mi uf alles, wo chunnt🥰.     Czytaj więcej

    Zobacz tłumaczenie
    Rozpocznij wyprawę
    26 listopada 2025
  • 2026© FindPenguins
  • Strona główna
  • O nas
  • Śledzenie grupy
  • Wciśnij
  • Warunki
  • Prywatność & Cookies
  • Centrum pomocy
  • Odcisk