Phu Quoc - endlich uf dr Insla

Noch ara gar nit mol sooo erholsama Nacht han i hüt morga zimli früa ufschtoh müassa zum wider zruck an Flughafa für min letschti Tail vum Hiflug - vu Ho-Chi-Minh-City noch Phu Quoc. Noch längerem Aschtoh, han i denn könna ichecka und as isch gar nit soooo as klisas Flugzüüg gsi 😊

Mit knapp ara Schtund Verspötig bin i denn uf Phu Quoc glandet. Do isch kli weniger drückend und haiss als in Ho-Chi-Minh-City und kli meh Wind - viil besser für min Kraislauf 😊

Mis Homestay isch no härzig, vor allem d Terrassa direkt am Meer mit Zuagang ins Wasser.
Noch minera Akunft am Mittag han i denn aber zerscht mol müassa as Mittagsschlöfli macha 😊 und denn kli im Meer schwimma.

Dr Sandstrand 250m witer vorna, tuan i denn mora erkunda. 😊Read more