Reset search
Südostasien 2025/26
  • Anita unterwegs
Current
  • Anita unterwegs

Südostasien 2025/26

An open-ended adventure by Anita unterwegs Read more
FollowInsightsInsightsCalendarCalendarPhotosPhotosShareShareBucket list
Oldest first
  • Currently in
    🇻🇳 Phường Hà Giang 1, Vietnam
  • Anita unterwegsSüdostasien 2025/26Traveler
    Wasserpuppa-Theater
    1. Intro: Konzert mit traditionella MusikinstrumentĐàn Bầu (so haisst das Instrument)2. Chu Teu, Erzähler4. Drachentanz15. Kleiner Junge mit Flöte auf Büffel6. Vietnamesische Bauern bei der Arbeit8. Fuchskampf / Enten fangen9. Fischen10. Glorreiche Rückkehr nach bestandener Prüfung12. Phönixtanz13. Bootsfahrt von Kaiser Le Loi14. Regatta15. Einhorntanz (do in Viatnam und au China gsehn Einhörner definitiv anders us)116. Feentanz17. Tanz der vier heiligen Tiere (Drache - Einhorn - Schildkröte - Phönix)2

    Wasserpuppa-Theater

    December 14 in Vietnam ⋅ ⛅ 18 °C

    Gäga Obig bin i denn ins Wasserpuppa-Theater, das isch ganz typisch für Viatnam, gits nur do und das schu sit em 11. Johrhundert.

    [Klina Exkurs:
    Ufem Wäg döt hära hät mi an Buab agsprocha, ob i biz Englisch mit ihm reda well. Är hät denn verzellt, das är 7 Johr alt isch, jez eba Englisch lärnt in dr Schual und hät miar denn so dia typischa Afängerfroga gschtellt wia zum Bispiil wia i haissa, wohär i kuma, wia alt i bin, Liablingsfarb, ob i gärn Cola trinka und Hamburger ässa (sis Liablingstrinka und -ässa) und ob i gärn Fuassball spiila etc. Dä isch zum Frässa gsi und für sis Alter au mega muatig. D Kind sind sowiso mega härzig do in Viatnam.]

    Ds Wasserpuppa-Theater isch mega cool und fasziniarend gsi - viil besser als erwartet. Muass ma miner Mainig no umbedingt gseh ha, wenn ma do härakunnt.    Read more

    See translation
  • Anita unterwegsSüdostasien 2025/26Traveler
    Nhân Nội Linh Từ - Andachtstätte zmizt in dr Altstadt
    Kampf bis zum Tod für das Überleben des VaterlandsDenkmal "Kampf bis zum Tod für das Überleben des Vaterlandes"KlosterKathedrala St. JosefTrain StreetSoooo fain 😋mini Souvenir vur Train Street

    Sightseeing & Train Street

    December 13 in Vietnam ⋅ ☁️ 20 °C

    Mini Tour durch d Altstadt vu Hanoi isch denn wiiterganga, verbi an verschidena religiösa Stätta, Denkmöler und entlang dr Zuglinia mit divera Murals.
    Aigentli wär no viil meh ufem Programm gschtanda, aber dr Räga hät mim Händy zimli zuagsetzt und as hät nüma wella lada, will dr USB-Aschluss nass gsi isch. Mit läärem Akku han i denn mini Tour abbrocha und bin zruck zum Hotel (han zum Glück dr physischi Stadtplan wo i bim Ichecka im Hotel kriagt han dabi kha) zruck go a halb Schtund lang mis Händy föhna bis is wider lada han könna 🙈.
    Gäga Obig bim i denn nomol loszoga zur Train Street - ais vu da typischa Touri-Ziil in Hanoi. Ds aigentlicha Highlight für mi isch allerdings gar nit dr Zug gsi, sondern dr Typ mit dr Pfiifa, wo drfür sorga sött, dass d Lüüt rächtzitig vu da Glais göhnd und fasch Zuaschtänd kriagt, will d Touris trotzdem no hin und här springen... und dr Egg Cacao, han grad no an zwaita müassa trinka 😊    Read more

    See translation
  • Anita unterwegsSüdostasien 2025/26Traveler

    Jadeberg-Tempel & Old House 89 Mã Mây

    December 13 in Vietnam ⋅ 🌧 21 °C

    Hüt isch dr erschti Rägatag sit langem, do i aber nit so viil Ziit han do in Hanoi, haissts Rägajacka alegga und los zum d Stadt erkunda. Als erscht zum Jadeberg-Tempel(chen), wo ufem na Inseli im Hoan-Kiem-See stoht, verbunda durch as Holzbrüggli.
    Nöchscht Stopp isch denn as typischs Huus in dr Altstadt mit engem Igang und Stägahuus, verwinkleta Rüüm, härziga Innahöf und klina Terässli, ds Old House 89 Mã Mây. Ds Huus isch mega härzig igrichtet und beherbergt au as Künschtler-Alterlier, was ma au an dr Innadekoration guat erkennt, und as Kaffi - Ziit für an leckera Kokosnuss-Kaffi 😊.    Read more

    See translation
  • Anita unterwegsSüdostasien 2025/26Traveler

    Marktbsuach und Kochkurs

    December 12 in Vietnam ⋅ ☁️ 24 °C

    I han für hüt Nomi nomol an Kochkurs buacht, au zum gseh was denn do im Norda anders isch als im Süda.
    Das Mol isch folgendes uf am Menüplan gsi:
    - (sehr kurza) Marktbsuach
    - Pho Bo (Suppa Rindflaisch)
    - Fried Spring Rolls
    - Bun Cha
    - Papaya-Salat
    - Egg Coffee
    Widermol spannend gsi, obwohl miar ehrlich gsait dr Kurs in HCMC besser gfalla hät.    Read more

    See translation
  • Anita unterwegsSüdostasien 2025/26Traveler

    Akunft in Hanoi

    Dec 12–16 in Vietnam ⋅ ☁️ 24 °C

    Hüt isch widermol Ziit gsi zum min Rucksack packa und wiiter z ziah... mim na Minivan noch Hanoi 😊
    Han miar as 4-Stern-Hotel gönnt... isch relativ günschtig mit zimli Late-Escape-Rabatt und as Gratis-Upgrade han i au no kriagt, aifach will a bessers Zimmer grad au no frei gsi isch und i 3 Nächt buacht han 😊.Read more

    See translation
  • Anita unterwegsSüdostasien 2025/26Traveler
    Träppa zum Lying Dragon MountainBlick über dr Lotus Lake und Riisfälder1. UssichtspunktBlick vum erschta Ussichtspunkt uf dr Lying Dragon Mountainkurz vorem Ziil 😊Blick über d Riisfälder - laider kurz noch dr Ärnti, drum nit so grüannur no as paar MeterJuhui 🤩1Mua ValleyMua Cave mit Tiger🤩🌸

    Mua Cave & Lying Dragon Mountain

    December 11 in Vietnam ⋅ ☁️ 23 °C

    Hüt han i wider as Velo usglehnt zum zur Mua Cave und am Lying Dragon Mountain z fahra.
    Am Fuass vum Bärg häts a klini Höhli mim na wiissa Tiger, aber d Hauptattraktion isch dr Lying Dragon Mountain und an zwaita Ussichtspunkt näbadra.
    Noch knapp 500 Stufa wird ma denn mi an ara mega tolla Ussicht belohnt.
    Zum Glück bin i ainigermassa früa ufgstanda und beziita los, ufem Abawäg isch miar denn nämli schu a rächti Touri-Massa entgäga koh.    Read more

    See translation
  • Anita unterwegsSüdostasien 2025/26Traveler
    Hành Lang La Hán (Arhat Korridor)Gác Chuông (Glockaturm)2Điện Quán Âm (Kuan-yin Tempel)2Hố Tiên (Feea See)Điện Giáo Chủ (Buddha Sakyamuni Tempel)

    Bái Ðính Pagoda (Tail 1)

    December 10 in Vietnam ⋅ ⛅ 26 °C

    Am Nomittag bin i denn no d Bai Dinh Pagoda go aluaga.

    Dia gsamti Alag isch riiiiisagross - dia gröschti Pagoda vu Viatnam und aini vu da gröschta wältwiit. Sie umfasst verschideni Tempel, an Korridor mit 500 riisiga Statua vu Schüaler vum Buddha Shakyamuni (Arhats), an Glockaturm, a Stupa und verschideni anderi, klineri Gebäude etc.
    I bin meh als 3 Schtund döt gsi und usem Stuuna fascht nüm usakho.    Read more

    See translation
  • Anita unterwegsSüdostasien 2025/26Traveler

    Cuc Phuong Nationalpark (Affa)

    December 10 in Vietnam ⋅ ☁️ 24 °C

    Hüt Vormittag han i an Usflug in Cuc Phuong Nationalpark. Dä Nationalpark isch schu 1963 gründet worda und dr ältischti in Viatnam.
    Sit 1993 gits döt a Rettigs-/Uffangstation für bedrohti Affaarta unterstützt vum Zoo Leipzig. Döt hära wärden vor allem Affa brocht, wo us illegaler Tiarhaltig resp. us -handel befreit wärden, aber au Affa wo durch Zerstückelig vu ihrem Läbensruum dia notwendigi genetischi Viilfalt verlüüren. In dr Uffangstation wird denn für gnuag Durchmischig gsorgt resp. ds natürlicha Verhalta bi dena Affa us Gfangaschaft wider atrainiart. Schritt für Schritt wärdens denn wider uswilderet in gschützti Läbensrüüm, wia eba dem Nationalpark.
    Bi da Affababies wo durch illegali Jagd zu Waisa worda sind, isch das aber laider nit immer möglich, will ds natürlicha Verhalta komplett fählt.
    Das isch mega interessant gsi und natürli au cool zum luaga, vor allem dia Klina 😍.    Read more

    See translation
  • Anita unterwegsSüdostasien 2025/26Traveler
    2

    Hoa Lu - di alti Hauptstadt

    December 9 in Vietnam ⋅ ☁️ 25 °C

    Als letschta Stopp uf minera Velotour bin i no dia alti Hauptstadt Hoa Lu im Dorf Truong Yen go aluaga. Das isch d Hauptstadt gsi vu da erschta Dynastia (968 bis 1009 n. Chr.) noch dr Befreiig us über 1000-jähriger chinesischer Herrschaft. Han denkt, as gäb meh gseh...Read more

    See translation
  • Anita unterwegsSüdostasien 2025/26Traveler
    1

    Velotour

    December 9 in Vietnam ⋅ ☁️ 25 °C

    Hüt han i as Velo usglehnt in minem Homestay zum bizli d Gegend erkunda. As isch mega schön do, aber irgendwia rächt ähnlich wia Cat Ba Island, aifach ohni Meer. Kai Wundet hät Ninh Binh dr Übernama Trochani Ha Long Bucht 😊
    Zum Zmittag han i denn widermol was Neus probiart 😊 Pho mit Gaissaflaisch - isch überraschend guat gsi 😊    Read more

    See translation
  • Anita unterwegsSüdostasien 2025/26Traveler
    1

    Cat Ba Nationalpark

    December 7 in Vietnam ⋅ ☀️ 24 °C

    Hüt han i an Usflug zur Hospital Cave und zum na Ussichtspunkt im Nationalpark gmacht.
    Als erschts bin i mim öffentlicha Bus zur Hospital Cave gfahra. Das isch as versteckts Spitol, wo in a natürlichi Höhli inabaut worda isch zum Verletzti z behandla während am Viatnamkriag. Isch no cool gsi zums mol gseh ha, aber nit mega speziell.
    Denn bin i wiiter gloffa Richtig Nationalpark. Dia gsamti Strecki wär knapp 5 km gsi, noch knapp 10 Minuta laufa hend mi denn as Grüppli, wo i am Obig vorhär schu im Usgang troffa han, mitgno bis zum Igang vum Nationslpark.
    Mit dena bin i denn au zum Ussichtspunkt gwanderet. As isch schu kli streng gsi, vor allem wäg dr hoha Luftfüachtigkait, aber mega schön grüan durch da Dschungel und d Ussicht isch genial gsi.
    I han mi denn dem Grüppli agschlossa zum no a abglägani Beach go aluaga. Das isch au uu schön gsi, volla Fischerboot in dr Bucht und meh Iihaimischi Fischer als Touris.
    An schöna letschta Tag uf Cat Ba Island 🤩😊.    Read more

    See translation
  • Anita unterwegsSüdostasien 2025/26Traveler
    Blick am Morga usem Fenschter
    1ds Ruaderböötli wo üs abgholt hät

    Lan Ha Bay (Tag 2)

    December 5 in Vietnam ⋅ ⛅ 22 °C

    ... i han super gschlofa ufem Boot, aini vu da beschta Nächt sit i do in Viatnam bin 😊. Und d Ussicht am Morga usem Fenschter isch aifach genial gsi.
    Am zwaita Tag simmer nochem Zmorga vu 2 klina Ruaderböötli abgholt worda. Miar hend denn a Höhli mit Tropfstai und nomol a versteckti Laguna könna goh aluaga - zum Glück hemmer hüt nit müassa sälber paddla, as isch nämli zimli windig gsi am Morga.
    Nochem Usflug mit em Ruaderböötli simmer zruck uf üses Cruise-Boot und denn no in a andera Tail vur Bucht gfahra, wo miar nomol hend könna bada, bevors denn laider schu wider Ziit gsi isch zum üsi Koffer etc. z packa und "uszchecka".
    Miar hend denn no andera super faina Zmittag kriagt ufem Schiff, bevor miar denn vum klinera Boot (das Boot, wo üs am erschta Tag ufs Cruise-Schiff brocht hät) abholt und zum Hafa zruckbrocht worda sind.
    Uf Hafa simmer denn alli wider in üsi Hotel resp. uf da Bus brocht worda sind.
    I han gar nüm vum Cruise-Schiff weg wella, as isch so schön gsi und i bin immerno völlig gflasht vu dära Tour mit dena viila Iidrück, Aktivitäta und vor allem vum bioluminesziarenda Plankton 🤩😍🤩    Read more

    See translation
  • Anita unterwegsSüdostasien 2025/26Traveler
    Schwimmends Dorf in dr Cat Ba Bucht
    ... sogar mit HuustiarVelotour durch dr Nationalpark in as FischerdorfFisch-MassageZmittag ufem Boot 😋Kajaktour in dr versteckta Lagunalangsam Ziit zum zruck ufs Cruise-Schiff für dr Znacht

    Lan Ha Bay (Tag 1)

    Dec 4–5 in Vietnam ⋅ ⛅ 22 °C

    Dia letschta 2 Täg han a Bootstour in dr Lan Ha Bay mit Übernachtig ufem Boot und ganz a huufa coola Aktivitäta gmacht.
    Als erschts simmer as schwimmends Dorf goh aluaga. Denn simmer wiiter gfahra zwüscha unzähliga Karstfelsa duura bis zum na klina Bootaleger. Döt simmer denn usgschtiiga und hend a klini Velotour durch dr Nationalpark zum na kliina Fischerdorf gmacht. D Landschaft do isch dr Hammer, alles mega grüan. Im Dorf hemmer denn no kli meh über Cat Ba Island, dr Nationalpark und dia verschidena Tiar dörfa erfahra und am Schluss au no könna a Fisch-Massage usprobiara. Also natürli hemmer nit Fisch massiart, sondern üsi Füass in as Becki mit Fisch könna inaheba, dia machen denn dia abgstorbena Huutpartikel wäg. Aber Afang rächt ungwohnt, aber mit dr Ziit rächt agnehm und liicht kützlend 😆.
    Nochär ischs mim Velo zruck zum Boot und denn wiiter in an andera Tail vur Lan Ha Bay ganga. Döt hemmer denn im Meer zwüscha all dena Karstfelsa könna bada/schwimma... und wiit und brait kai anderi Lüüt. Nochem Bada häts denn Zmittag gäh ufem Boot. Z Ässa isch unglaublich gsi - a riisa Uswahl und super fain 😋.
    Nochem Zmittag hemmer denn uf as grössers Boot mit Schlofkabina gwächslet und üsi Zimmer bezoga. Vum gröösera Boot us hemmer denn a Kajaktour gmacht durch a Höhli wo in a versteckti Laguna füart. In dära Laguna hemmer denn schön Ziit kha zum Kajak fahra und au nomol schwimma.
    Zruck ufem Boot hemmer kli tschilla könna bis es denn Znacht gäh hät. Au zum Zacht hends mega viil verschideni, mega faini Sacha uftischt.
    Nochem Znacht hemmer denn nomol a Kajaktour gmacht zum biolumineszents Plankton goh aluaga (sorry, loht sich nit so aifach fötala). Miar sind alli völlig gfläscht gsi und hend wia klini Kind mit da Händ immer Wasser umaplanscht und mit üsa Paddel Wasser umagsprützt (denn gseht mas am Beschta). Denn isch denn au schu bald Ziit gsi zum go schlofa....    Read more

    See translation
  • 2025© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice