Restablecer búsqueda
Südostasien 2025/26
  • Anita unterwegs
Actual
  • Anita unterwegs

Südostasien 2025/26

Una aventura abierta de Anita unterwegs Leer más
SeguirResumenResumenCalendarioCalendarioFotosFotosCompartirCompartirLista de deseos
Más antiguos primero
  • Actualmente en
    🇻🇳 Xã Đàm Thủy, Vietnam
  • Anita unterwegsSüdostasien 2025/26Viajero

    Thác Bản Giốc

    Ayer, Vietnam ⋅ ☀️ 22 °C

    Ds zwaita Ziil vu hüt sind d Bản Giốc-Wasserfäll gsi. Dr aigentlichi Grund, warum i mi für di langi Tour (5 Täg/4 Nächt) entschida han. Das isch so schön gsi, bin immerno zimli gfläscht. Und ds Wätter hät au super mitgspiilt 😊.

    PS: uf dr andera Siita vum Fluss isch China    Leer más

    Ver traducción
  • Anita unterwegsSüdostasien 2025/26Viajero

    Mắt Thần Núi - Mountain Angel Eye

    Ayer, Vietnam ⋅ ⛅ 18 °C

    I han endli widermol richtig guat gschlofa. Am Morga nochdem i us dr Duschi kho bin, han i denn allerdings an klina Schockmoment kha... wo i uf mis Händy gluagt han, isch plötzlich a Schtund spöter gsi und i han mi denn ächt an Moment gfrogt, wo jez dia Schtund hii isch. Bim zwaita Blick han i denn gmerkt, dass mis Händy sich im chinesischa Netz igwählt hät und plötzlich China-Ziit azaigt 😅😆.
    Dr erschti Zwüschastopp vu hüt isch an Karstfels mit am na Loch gsi - Mountain Angel Eye oder au God's Eye Mountain. Normalerwiis isch d Umgebig no kli grüaner und dr See unna in dr Ebeni wesentlich grösser als im Moment. As isch aber trotzdem mega schön gsi.    Leer más

    Ver traducción
  • Anita unterwegsSüdostasien 2025/26Viajero
    Wasserpuppa-Theater
    1. Intro: Konzert mit traditionella MusikinstrumentĐàn Bầu (so haisst das Instrument)2. Chu Teu, Erzähler4. Drachentanz15. Kleiner Junge mit Flöte auf Büffel6. Vietnamesische Bauern bei der Arbeit8. Fuchskampf / Enten fangen9. Fischen10. Glorreiche Rückkehr nach bestandener Prüfung12. Phönixtanz13. Bootsfahrt von Kaiser Le Loi14. Regatta15. Einhorntanz (do in Viatnam und au China gsehn Einhörner definitiv anders us)116. Feentanz17. Tanz der vier heiligen Tiere (Drache - Einhorn - Schildkröte - Phönix)2

    Wasserpuppa-Theater

    14 de diciembre, Vietnam ⋅ ⛅ 18 °C

    Gäga Obig bin i denn ins Wasserpuppa-Theater, das isch ganz typisch für Viatnam, gits nur do und das schu sit em 11. Johrhundert.

    [Klina Exkurs:
    Ufem Wäg döt hära hät mi an Buab agsprocha, ob i biz Englisch mit ihm reda well. Är hät denn verzellt, das är 7 Johr alt isch, jez eba Englisch lärnt in dr Schual und hät miar denn so dia typischa Afängerfroga gschtellt wia zum Bispiil wia i haissa, wohär i kuma, wia alt i bin, Liablingsfarb, ob i gärn Cola trinka und Hamburger ässa (sis Liablingstrinka und -ässa) und ob i gärn Fuassball spiila etc. Dä isch zum Frässa gsi und für sis Alter au mega muatig. D Kind sind sowiso mega härzig do in Viatnam.]

    Ds Wasserpuppa-Theater isch mega cool und fasziniarend gsi - viil besser als erwartet. Muass ma miner Mainig no umbedingt gseh ha, wenn ma do härakunnt.    Leer más

    Ver traducción
  • Anita unterwegsSüdostasien 2025/26Viajero
    Nhân Nội Linh Từ - Andachtstätte zmizt in dr Altstadt
    Kampf bis zum Tod für das Überleben des VaterlandsDenkmal "Kampf bis zum Tod für das Überleben des Vaterlandes"KlosterKathedrala St. JosefTrain StreetSoooo fain 😋mini Souvenir vur Train Street

    Sightseeing & Train Street

    13 de diciembre, Vietnam ⋅ ☁️ 20 °C

    Mini Tour durch d Altstadt vu Hanoi isch denn wiiterganga, verbi an verschidena religiösa Stätta, Denkmöler und entlang dr Zuglinia mit divera Murals.
    Aigentli wär no viil meh ufem Programm gschtanda, aber dr Räga hät mim Händy zimli zuagsetzt und as hät nüma wella lada, will dr USB-Aschluss nass gsi isch. Mit läärem Akku han i denn mini Tour abbrocha und bin zruck zum Hotel (han zum Glück dr physischi Stadtplan wo i bim Ichecka im Hotel kriagt han dabi kha) zruck go a halb Schtund lang mis Händy föhna bis is wider lada han könna 🙈.
    Gäga Obig bim i denn nomol loszoga zur Train Street - ais vu da typischa Touri-Ziil in Hanoi. Ds aigentlicha Highlight für mi isch allerdings gar nit dr Zug gsi, sondern dr Typ mit dr Pfiifa, wo drfür sorga sött, dass d Lüüt rächtzitig vu da Glais göhnd und fasch Zuaschtänd kriagt, will d Touris trotzdem no hin und här springen... und dr Egg Cacao, han grad no an zwaita müassa trinka 😊    Leer más

    Ver traducción
  • Anita unterwegsSüdostasien 2025/26Viajero

    Jadeberg-Tempel & Old House 89 Mã Mây

    13 de diciembre, Vietnam ⋅ 🌧 21 °C

    Hüt isch dr erschti Rägatag sit langem, do i aber nit so viil Ziit han do in Hanoi, haissts Rägajacka alegga und los zum d Stadt erkunda. Als erscht zum Jadeberg-Tempel(chen), wo ufem na Inseli im Hoan-Kiem-See stoht, verbunda durch as Holzbrüggli.
    Nöchscht Stopp isch denn as typischs Huus in dr Altstadt mit engem Igang und Stägahuus, verwinkleta Rüüm, härziga Innahöf und klina Terässli, ds Old House 89 Mã Mây. Ds Huus isch mega härzig igrichtet und beherbergt au as Künschtler-Alterlier, was ma au an dr Innadekoration guat erkennt, und as Kaffi - Ziit für an leckera Kokosnuss-Kaffi 😊.    Leer más

    Ver traducción
  • Anita unterwegsSüdostasien 2025/26Viajero

    Marktbsuach und Kochkurs

    12 de diciembre, Vietnam ⋅ ☁️ 24 °C

    I han für hüt Nomi nomol an Kochkurs buacht, au zum gseh was denn do im Norda anders isch als im Süda.
    Das Mol isch folgendes uf am Menüplan gsi:
    - (sehr kurza) Marktbsuach
    - Pho Bo (Suppa Rindflaisch)
    - Fried Spring Rolls
    - Bun Cha
    - Papaya-Salat
    - Egg Coffee
    Widermol spannend gsi, obwohl miar ehrlich gsait dr Kurs in HCMC besser gfalla hät.    Leer más

    Ver traducción
  • Anita unterwegsSüdostasien 2025/26Viajero

    Akunft in Hanoi

    12–16 dic., Vietnam ⋅ ☁️ 24 °C

    Hüt isch widermol Ziit gsi zum min Rucksack packa und wiiter z ziah... mim na Minivan noch Hanoi 😊
    Han miar as 4-Stern-Hotel gönnt... isch relativ günschtig mit zimli Late-Escape-Rabatt und as Gratis-Upgrade han i au no kriagt, aifach will a bessers Zimmer grad au no frei gsi isch und i 3 Nächt buacht han 😊.Leer más

    Ver traducción
  • Anita unterwegsSüdostasien 2025/26Viajero
    Träppa zum Lying Dragon MountainBlick über dr Lotus Lake und Riisfälder1. UssichtspunktBlick vum erschta Ussichtspunkt uf dr Lying Dragon Mountainkurz vorem Ziil 😊Blick über d Riisfälder - laider kurz noch dr Ärnti, drum nit so grüannur no as paar MeterJuhui 🤩1Mua ValleyMua Cave mit Tiger🤩🌸

    Mua Cave & Lying Dragon Mountain

    11 de diciembre, Vietnam ⋅ ☁️ 23 °C

    Hüt han i wider as Velo usglehnt zum zur Mua Cave und am Lying Dragon Mountain z fahra.
    Am Fuass vum Bärg häts a klini Höhli mim na wiissa Tiger, aber d Hauptattraktion isch dr Lying Dragon Mountain und an zwaita Ussichtspunkt näbadra.
    Noch knapp 500 Stufa wird ma denn mi an ara mega tolla Ussicht belohnt.
    Zum Glück bin i ainigermassa früa ufgstanda und beziita los, ufem Abawäg isch miar denn nämli schu a rächti Touri-Massa entgäga koh.    Leer más

    Ver traducción
  • Anita unterwegsSüdostasien 2025/26Viajero
    Hành Lang La Hán (Arhat Korridor)Gác Chuông (Glockaturm)2Điện Quán Âm (Kuan-yin Tempel)2Hố Tiên (Feea See)Điện Giáo Chủ (Buddha Sakyamuni Tempel)

    Bái Ðính Pagoda (Tail 1)

    10 de diciembre, Vietnam ⋅ ⛅ 26 °C

    Am Nomittag bin i denn no d Bai Dinh Pagoda go aluaga.

    Dia gsamti Alag isch riiiiisagross - dia gröschti Pagoda vu Viatnam und aini vu da gröschta wältwiit. Sie umfasst verschideni Tempel, an Korridor mit 500 riisiga Statua vu Schüaler vum Buddha Shakyamuni (Arhats), an Glockaturm, a Stupa und verschideni anderi, klineri Gebäude etc.
    I bin meh als 3 Schtund döt gsi und usem Stuuna fascht nüm usakho.    Leer más

    Ver traducción
  • Anita unterwegsSüdostasien 2025/26Viajero

    Cuc Phuong Nationalpark (Affa)

    10 de diciembre, Vietnam ⋅ ☁️ 24 °C

    Hüt Vormittag han i an Usflug in Cuc Phuong Nationalpark. Dä Nationalpark isch schu 1963 gründet worda und dr ältischti in Viatnam.
    Sit 1993 gits döt a Rettigs-/Uffangstation für bedrohti Affaarta unterstützt vum Zoo Leipzig. Döt hära wärden vor allem Affa brocht, wo us illegaler Tiarhaltig resp. us -handel befreit wärden, aber au Affa wo durch Zerstückelig vu ihrem Läbensruum dia notwendigi genetischi Viilfalt verlüüren. In dr Uffangstation wird denn für gnuag Durchmischig gsorgt resp. ds natürlicha Verhalta bi dena Affa us Gfangaschaft wider atrainiart. Schritt für Schritt wärdens denn wider uswilderet in gschützti Läbensrüüm, wia eba dem Nationalpark.
    Bi da Affababies wo durch illegali Jagd zu Waisa worda sind, isch das aber laider nit immer möglich, will ds natürlicha Verhalta komplett fählt.
    Das isch mega interessant gsi und natürli au cool zum luaga, vor allem dia Klina 😍.    Leer más

    Ver traducción
  • Anita unterwegsSüdostasien 2025/26Viajero
    2

    Hoa Lu - di alti Hauptstadt

    9 de diciembre, Vietnam ⋅ ☁️ 25 °C

    Als letschta Stopp uf minera Velotour bin i no dia alti Hauptstadt Hoa Lu im Dorf Truong Yen go aluaga. Das isch d Hauptstadt gsi vu da erschta Dynastia (968 bis 1009 n. Chr.) noch dr Befreiig us über 1000-jähriger chinesischer Herrschaft. Han denkt, as gäb meh gseh...Leer más

    Ver traducción
  • Anita unterwegsSüdostasien 2025/26Viajero
    1

    Velotour

    9 de diciembre, Vietnam ⋅ ☁️ 25 °C

    Hüt han i as Velo usglehnt in minem Homestay zum bizli d Gegend erkunda. As isch mega schön do, aber irgendwia rächt ähnlich wia Cat Ba Island, aifach ohni Meer. Kai Wundet hät Ninh Binh dr Übernama Trochani Ha Long Bucht 😊
    Zum Zmittag han i denn widermol was Neus probiart 😊 Pho mit Gaissaflaisch - isch überraschend guat gsi 😊    Leer más

    Ver traducción