Tetapkan semula carian
Südostasien 2025/26
  • Anita unterwegs
Semasa
  • Anita unterwegs

Südostasien 2025/26

Pengembaraan terbuka oleh Anita unterwegs Baca lagi
IkutiRingkasanRingkasanKalendarKalendarGambarGambarKongsiKongsiSenarai baldi
Paling lama dahulu
  • Anita unterwegsSüdostasien 2025/26Pengembara
    Schwimmends Dorf in dr Cat Ba Bucht
    ... sogar mit HuustiarVelotour durch dr Nationalpark in as FischerdorfFisch-MassageZmittag ufem Boot 😋Kajaktour in dr versteckta Lagunalangsam Ziit zum zruck ufs Cruise-Schiff für dr Znacht

    Lan Ha Bay (Tag 1)

    4–5 Dis, Vietnam ⋅ ⛅ 22 °C

    Dia letschta 2 Täg han a Bootstour in dr Lan Ha Bay mit Übernachtig ufem Boot und ganz a huufa coola Aktivitäta gmacht.
    Als erschts simmer as schwimmends Dorf goh aluaga. Denn simmer wiiter gfahra zwüscha unzähliga Karstfelsa duura bis zum na klina Bootaleger. Döt simmer denn usgschtiiga und hend a klini Velotour durch dr Nationalpark zum na kliina Fischerdorf gmacht. D Landschaft do isch dr Hammer, alles mega grüan. Im Dorf hemmer denn no kli meh über Cat Ba Island, dr Nationalpark und dia verschidena Tiar dörfa erfahra und am Schluss au no könna a Fisch-Massage usprobiara. Also natürli hemmer nit Fisch massiart, sondern üsi Füass in as Becki mit Fisch könna inaheba, dia machen denn dia abgstorbena Huutpartikel wäg. Aber Afang rächt ungwohnt, aber mit dr Ziit rächt agnehm und liicht kützlend 😆.
    Nochär ischs mim Velo zruck zum Boot und denn wiiter in an andera Tail vur Lan Ha Bay ganga. Döt hemmer denn im Meer zwüscha all dena Karstfelsa könna bada/schwimma... und wiit und brait kai anderi Lüüt. Nochem Bada häts denn Zmittag gäh ufem Boot. Z Ässa isch unglaublich gsi - a riisa Uswahl und super fain 😋.
    Nochem Zmittag hemmer denn uf as grössers Boot mit Schlofkabina gwächslet und üsi Zimmer bezoga. Vum gröösera Boot us hemmer denn a Kajaktour gmacht durch a Höhli wo in a versteckti Laguna füart. In dära Laguna hemmer denn schön Ziit kha zum Kajak fahra und au nomol schwimma.
    Zruck ufem Boot hemmer kli tschilla könna bis es denn Znacht gäh hät. Au zum Zacht hends mega viil verschideni, mega faini Sacha uftischt.
    Nochem Znacht hemmer denn nomol a Kajaktour gmacht zum biolumineszents Plankton goh aluaga (sorry, loht sich nit so aifach fötala). Miar sind alli völlig gfläscht gsi und hend wia klini Kind mit da Händ immer Wasser umaplanscht und mit üsa Paddel Wasser umagsprützt (denn gseht mas am Beschta). Denn isch denn au schu bald Ziit gsi zum go schlofa....    Baca lagi

    Lihat terjemahan
  • Anita unterwegsSüdostasien 2025/26Pengembara
    das wär d Alternativa zur Fähra gsidia Promenada mit da Palma isch vor biz meh als am na Johr no quasi am Meer entlang gangadöt ufa will i ☺️schu kli igwachsadr Ufschtiig hät sich glohnt 🤩nomol a Retorta-Siedlig am entschtoh... wias uf Phu Quoc au schu hät

    Cat Ba

    3–8 Dis, Vietnam ⋅ ⛅ 23 °C

    Bim Aschtoh für d Fähra hät mi denn aina aghaua, ob i englisch könn. Är hät mi denn gfrogt, ob i in dr Hauptort müass und ob i schu an Transport han... han denn gsait i näm dr Bus (han denkt: schu wider aina wo miar as übertüürts Taxi adräha will)... denn hät är gsait, si hend no Platz im Car, i könn gratis mitfahra, wenn i wett 😊 mega nätt 😊 han i denn natürli gära gmacht 😊...
    Noch dr Akunft im Hotel han i denn no an Spaziargang durch dr Hauptort und zum na Ussichtpunkt gmacht.
    Do im Hauptort wird grad massiv Land ufgschüttet und grossi Hotel-Resorts baut... 🙄 ächt schad... dr Grosstail vur Insla isch aber Naturschutz-Gebiat und blibt hoffentli so grüan wias jez isch.    Baca lagi

    Lihat terjemahan
  • Anita unterwegsSüdostasien 2025/26Pengembara
    3

    Akunft in Hai Phong

    1–3 Dis, Vietnam ⋅ ⛅ 25 °C

    Mis Hotel für dia nöchschta 2 Nächt 🤩

    Lihat terjemahan
  • Anita unterwegsSüdostasien 2025/26Pengembara
    Banh Xeo - immer wider lecker
    Pho mit FischFrittiarti Süasshärdöpfel mit Käspulver3Zwaierlai Hackflaisch - aimol mit Lemongrass und aimol in irgendwelcha Blätter igwickletSo öppis wia BananacräckerViatnamesischi PizzaFlussschnäcka2RiiscräckerFlan mit Kaffee und roti Bohna mit Kokos und Kakao

    Streetfood-Tour

    30 November, Vietnam ⋅ ⛅ 33 °C

    An minem letschta Obig in Ho-Chi-Minh-City han i no a Scooter-Streetfoodtour gmacht. Im ganza häts 3 Hauptgricht in verschidena Strossarestaurants und 8 Snacks vu Marktständ zum Probiara gäh. Ainiges han i schu kennt, aber as hät au no ganz neui Sacha dabi kha.
    Alles isch mega fain gsi 😋    Baca lagi

    Lihat terjemahan
  • Anita unterwegsSüdostasien 2025/26Pengembara
    Ingwer und Zwibla für d Pho (traditionelli vietnamesischi Suppa)Gwürzmischig für d Phod Basis für d Dip-Sossaalles schön gmörseret bis d Zuckerkrischtall wäg sindund denn ufgfüllt

    Kochkurs

    28 November, Vietnam ⋅ ☁️ 29 °C

    nochem Markt isch es denn zum Kochkurs ganga - mega cool und spannend gsi... sicher nit min letschti Kochkurs 😋

    Afanga hemmer mit dr Suppa. Denn hemmer d Dip-Sossa und d Summer Rolls gmacht und denn au gässa. Als nöchscht isch denn d Banh Xeo dra kho und am Schluss hemmer denn d Suppa färtig gmacht und gässa.

    Denn häts no as Zertifikat und as Kochbuach gäh.

    Chúc ngon miêng!
    (an Guata 😋)    Baca lagi

    Lihat terjemahan
  • Anita unterwegsSüdostasien 2025/26Pengembara
    21dank The Taste vu letscht Wucha han i sogar gwüsst, was das und links sind - Flügelbohna 😊BananablüataSeegurka

    Markttour

    28 November, Vietnam ⋅ ☁️ 29 °C

    Hüt morga han i a Markttour gmacht mim na lokala Koch. Mega interessant gsi... d Hälfti vu da Sacha han i vorhär weder gseh no gässa

    Lihat terjemahan
  • Anita unterwegsSüdostasien 2025/26Pengembara
    Ben Thanh Markt - dinna bin i no nit gsi 😊 - kunnt denn mora
    Schtadtverwaltig vu HCMC mit Statua vum Ho-Chi-MinhSaigon OperahuusBanh Mi zum sälber fülla

    HCMC-Sightseeing Tail 1

    27 November, Vietnam ⋅ ☁️ 25 °C

    Hüt bin i kli krüüz und quer in dr Schtadt unterwägs gsi... i wärda wohl nia meh an Fän vu Grossschtädt 🤪
    D Schtross überquera, sälbscht mit Liachtsignal bruucht au nochem x-ta Mol no rächt Muat und kli Gottvertraua... aber i han überschtanda 😆😅
    Und plötzlich zwüscha all dena Hüüser und em Verkehr und Lärm häts schöni grüani Fläckli wo ma sich ganz wo anders fühlt...    Baca lagi

    Lihat terjemahan
  • Anita unterwegsSüdostasien 2025/26Pengembara
    1
    1111

    Ho-Chi-Minh-City

    26 Nov–1 Dis, Vietnam ⋅ ⛅ 31 °C

    Hüt bin i mim Bus vu Vinh Long noch Ho-Chi-Minh-City gfahra, also eher schu Limousina-Van 😅. Unterwägs han i denn no so an Laschtwaga gseh mit gschnitzter, bunt agmolter Holzverklaidig.
    Ds Hotelzimmer isch ganz ok und zimli zentral. Allgemein isch d Schtadt halt wia dia maischta Grossschtädt luut und busy...
    I han do aber as ganz schöns Plätzli in ara Rooftop Bar gfunda, was fains gässa (usnahmswiis mol nit viatnamesisch) und gnüssa min Drink und d Ussicht.    Baca lagi

    Lihat terjemahan
  • Anita unterwegsSüdostasien 2025/26Pengembara
    1

    Vinh Long Provinzmuseum

    25 November, Vietnam ⋅ ⛅ 31 °C

    Am Nomittag bin i denn no ds Provinzmuseum go aluaga. Döt häts alti Fundstück und Handwerkskunscht us dr Region usgschtellt und au ainiges zum Thema Kriag resp. Widerstandkampf in dr Provinz.
    Do in Vinh Long han i ds maischta mittlerwiila agluagt und mora gohts wiiter mitem Bus noch Ho-Chi-Minh-City - hoffentlich mit trochna Füass 🙏Baca lagi

    Lihat terjemahan
  • Anita unterwegsSüdostasien 2025/26Pengembara
    Literaturtempel Vinh Long

    Chùa Long Viễn + Văn Thánh Miếu

    25 November, Vietnam ⋅ ⛅ 31 °C

    Am Vormittag bin i a Pagoda und an Tempel kli usserhalb vum Zentrum im na Vorort vu Vinh Long go aluaga.
    D Pagoda isch am Buddhismus gwidmet und wird au aktiv bsuacht vu Iihaimischa zum bätta.
    Dr Tempel stammt usem 19. Johrhundert und isch zur Förderig vum Konfuzianismus erbaut worda.

    Ufem Wäg döt hära han i am na Schtrossastand no was z ässa kauft - öppis wo usgeh hät wia igrollts Gmüas, möglicherwiis Artischocka... as isch zimli bitter gsi und z erschta wo i do gässa han, wo miar nit so gschmöckt hät. Sorry, laider kai Foti 🙈    Baca lagi

    Lihat terjemahan
  • Anita unterwegsSüdostasien 2025/26Pengembara
    Papaya-Smoothie - mmmmmhh lecker 😋Bún Bì - min Znacht 😍

    Zruck in Vinh Long

    24 November, Vietnam ⋅ ⛅ 27 °C

    Noch dr Rückfahrt mit dr Fähra han i denn zerscht mol an Zvieri resp. a Abküalig bruucht.
    Noch dem Päusali han i denn no a klini Rundi durch Vinh Long gmacht anstatt uf direktem Wäg zum Hotel zruck z goh.
    I bin denn per Zuafall an ara Schual verbikho, wo grad Pausa gsi isch... und bin plötzlich quasi d Hauptattraktion gsi... dr halbi Schualhof hät gwunka und "Hello, hello" gruafa - d Kind sind allgemein mega härzig, winken und grüassen. Aber au dia Erwachsena sind mega fründlich, aifach kli zruckhaltender... si luagen aim aa und wenn ma fründlich lächlet, denn lächlens fründlich zruck.    Baca lagi

    Lihat terjemahan
  • Anita unterwegsSüdostasien 2025/26Pengembara
    21

    An Binh

    24 November, Vietnam ⋅ ⛅ 30 °C

    An Binh isch a Insla im Mekong mit viila Gärtnereia und Obschtgärta. As git do au as paar Homestays mit Öko-Tourismus, dia maischta Touris kömmen aber mit ara Mekong-Tour ab Ho-Chi-Minh-City.
    I han d Fähra gno ab Vinh Long für 1000 Dong (ca. 3 Rappa) und an Spaziargang über d Insla gmacht.
    As isch mega schön gsi, aber au zimli haiss 🥵    Baca lagi

    Lihat terjemahan
  • Anita unterwegsSüdostasien 2025/26Pengembara
    An Platzräga in Kombi mit Fluat.... as bizli Wasser uf dr Schtross...

    Vinh Long

    23–26 Nov, Vietnam ⋅ ☁️ 29 °C

    Nochdem i a halbi Ewigkait versuacht han usazfinda, wia ma mim öffentlicha Bus vu Can Tho noch Vinh Long kunnt, aber kai schlaui Infos gfunda han und dr Typ in dr Touri-Info au nit meh hät könna säga, als dass är dia Strecki nia mim Bus fahrt, sondern immer dr Scooter nimmt, han i mi denn entschida, das mim ÖV-Bus uf as anders Mol z verschiaba...
    Taxi fahra isch für üssi Verhältnis mega günschtig, drum han i miar denn ais buacht für dia ca. 40 km Strecki... hät super klappt...
    Jez bin i in Vinh Long akho und han au früaner ins mis Zimmer könna 😊 As hät zwar kai Fenschter, isch sus aber no hübsch und hät immerhin a separati Duschkabina, was es sus do nit so git. 😊
    Am Nomittag han i denn an klina Schtadtrundgang gmacht und was fains gässa.    Baca lagi

    Lihat terjemahan
  • Anita unterwegsSüdostasien 2025/26Pengembara
    Schwimmenda Markt in Cai RangZmorga ufem BootKocha bi ara vietnamesischa FamiliaMmmhh leckerBoot vu vietnameischa Grosdhändler mit Kuchi, Schlofplatz, etc. für 4 Persona

    Usflug ufem Mekong

    22 November, Vietnam ⋅ ☁️ 28 °C

    Hüt morga am halbi 6i isch mini Mekong-Tour losganga 🙈
    Als erschts simmer mim na klina Böötli zum na schwimmenda Markt gfahra und hend döt Kaffi, frischa O-saft und Kokosnüss könna trinka und as hät a warmi Suppa zum Zmorga gäh...
    Nochem Zmorga ufem Boot isch es denn wiiterganga uf klina Näbaarma vum Mekong bis miar plötzlich nüma wiiter kho sind... wägem extrem hoha Wasserschtand hemmer nit unter dr Brugg durapasst... as hät aber soviil klini Wasserwäg, dass miar denn gliich no bi üsem nöchschta Ziil akho sind.
    Miar hend denn bi ara iihaimischa Familia dörfa zualuaga und mithälfa bim Zmittag macha und natürli denn au ässa - isch mega fain gsi.
    Ufem Rückwäg hemmer denn nomol an Stop gmacht bim schwimmenda Markt und hend dörfa bi ara Familia uf ihres Boot und luaga wia si ufem Boot läben - Schlofplätz, Kuchi, Arbeitsplatz alles uf klinschtem Ruum - das isch au mega interessant gsi zum gseh... döt hemmer denn no verschidenschti Frücht könna probiara - und irgend as kochets Gricht mit Ananas und Schwiiinnereia...
    Kurz nochem Mittag simmer denn wider zruck in Can Tho gsi, pünktlich für as Nomittags-Schlöfli 😊
    Miar sind a klina, mega luschtigi Gruppa gsi und üsa Guide isch mega gsi - sehr informativ und au luschtig, miar hend üs mehrfach krümmt vor Lacha 😆    Baca lagi

    Lihat terjemahan
  • Anita unterwegsSüdostasien 2025/26Pengembara
    zum Abschied hend denn dr Toan und sin Kolleg no 3 verschideni Mangos, Peanuts und Küachli uftischt
    Fahrt durch Ho-Chi-Minh-Cityunterwägs noch Can ThoNachtmarktkli viil Wasser häts...1damit d Füass trocha bliben...mis Zimmer

    Can Tho

    21–23 Nov, Vietnam ⋅ ☁️ 29 °C

    Mit am na Tag Verspötig bin i hüt im Mekong Delta, in Can Tho, akho.
    Aigentli hätti geschter morga uf d Fähra vu Phu Quoc noch Rach Gia und denn wiiter uf dr Bus noch Can Tho sölla... wo i denn aber bim Zmorga-Kaffi ghockt bin, parat zum ufbrecha, isch dr Toan (dr Manager vum Homestay) zu miar kho und hät mi informiart, dass alli Fährverbindiga cancelled sind und dass es bis zu 3 Täg könnt goh, bis wider Fähra fahren... han denn umdisponiart und miar für hüt an Flug noch HCMS und an Waga mit Fahrer noch Can Tho buacht.
    Can Tho isch dia gröschti Schtadt im Mekong-Delta und hät öppa 1.3 Mio. Iiwohner. Mis Zimmer für dia nöchschta 2, evt. 3 Nächt isch rächt aifach, dafür aber zmizt im Schtadtkern (und mega günschtig 😊).
    Nochem Znacht han i denn au no an Rundgang durchs Zentrum, entlang am Fluss und über dr Nachtmarkt gmacht.
    Mora morga gohts früa los (am halbi 6i), drum gohts hüt definitiv früa ins Bett.    Baca lagi

    Lihat terjemahan
  • Anita unterwegsSüdostasien 2025/26Pengembara

    Suoi Da Ban

    19 November, Vietnam ⋅ 🌬 28 °C

    Am Vormittag simmer mim Roller zum erschta Wasserfall gfahra, zum Suoi Da Ban.
    Da Ban haisst flacha Schtai und dr Nama passt würkli.
    Au wenns jez nit dr gröschti Wasserfall isch, isch es trotzdem sehr schön gsi. Miar sind dr erschti Roller gsi und as isch mega ruhig und friedlich gsi.Baca lagi

    Lihat terjemahan
  • Anita unterwegsSüdostasien 2025/26Pengembara

    Erkundigstour durch dr Norda

    18 November, Vietnam ⋅ ☁️ 29 °C

    Hüt hemmer an Roller gmiatet und hend an Usflug in Norda gmacht.
    Usser am na zimli läära Vergnüagigsdorf im Stil vu Venedig, Holperschtrossa und viil grüan und as paar Stränd gits döt nit so viil zum aluaga.
    Am Nomittag isch denn bada bim Homestay ufem Programm gschtanda - wia immer angnehm erfrischend gsi 😊.
    Morga hätti aigentli schu sölli abraisa, han aber dia zwai Wasserfäll no nit gseh und drum no a Nacht verlängeret 😊.    Baca lagi

    Lihat terjemahan
  • 2025© FindPenguins
  • Utama
  • Mengenai kami
  • Penjejakan kumpulan
  • Akhbar
  • Terma
  • Privasi & Cookies
  • Pusat Bantuan
  • Cetakan