Joined July 2015 Message
  • Day14

    New York - Tags im Museum

    July 28, 2015 in the United States ⋅ ☀️ 31 °C

    Hütte sin mer go die beschte Doghnuts vo ganz New York go ässe. Die sin super gsi, aber i glaub mer wärde wie du gseit hesch eher 2-3kg schwerer heime cho :) Mit zwüschestopp bim Flatironbuilding sin mr im Museum vo Nachts im Museum go dr Nomidaag verdue, das isch grandios schön gmacht. Aber s beschte isch gsi, dass mer Zoobe grad vor Sunneuntergang ufs Rockefeller Center uffe sin und New York bi Daag und bi Nacht hän chönne überblicke.Read more

  • Explore, what other travelers do in:
  • Day13

    New York - MoMA

    July 27, 2015 in the United States ⋅ ⛅ 24 °C

    Hütte hän mer gmietlich Bagels zmörgelet und sin dr ganz Nomidaag im Museum of Modern Art gsi. An de eifarbige Liinwänd sin mer nur duregloffe aber s het ganz viel tolli Bilder und Skulpture sunscht gha. (Sogar d Standortazeig vo Google Maps isch ummegstande :)Read more

  • Day13

    New York - Midtown

    July 27, 2015 in the United States ⋅ ⛅ 23 °C

    Hütt sin mer am Morge in Central Park go jogge. S Jogge isch zwar dr Tod gsi, aber jetzt chöne mer sage "mr sin im Central Park go jogge" ;). Noch me Päuseli sin mer in Midtown go lädele und hän s Empire State Building und d Grand Central Station gseh. Und jetzt sin mr grad zrugcho us re Rooftop-Bar mit megagigageilem Usblick.Read more

  • Day11

    New York - Downtown

    July 25, 2015 in the United States ⋅ ⛅ 24 °C

    Mir sin hütte in ganz Downtown ummegspeedet. Nochdäm mer d Wallstreet mit dr Trinity Church bsuecht und am Stier d Eier krault hän, hets am Hudson Zmorge gä. D Freiheitsstatue und d Brooklin-Bridge hän mer vo dr Fähri us bewunderet. Und nochdäm mer uns durch Chinatown kämpft hän (wo wirklich alles chinesisch agschriibe isch) hän mer in Little Italy käffelet. Durch s mega coole SoHo zrugg sin mer im Washington Square Park glandet wo eine sis Klavier anegschleift het (wie cool isch das denn?!) So hän mer gmietlich zur Musik unseri Fiess chöne usruehe :)Read more

  • Day11

    New York

    July 25, 2015 in the United States ⋅ 🌙 20 °C

    Mir sin super in NY acho und sin dr ganz Oobe uf em Time Square ummegspeedet. Do cha mer sich garnid sattluege a all de komische Gstalte. Oben ohne Fraue mit agmolte Brüst renne zwüschem Spiderman und em Batman umme. Alles voller Cops und Cabs (Taxis) und wenn das nid längt fahrt e goldige Ferrari odr e Gruppe mit hüpfende Lowrider duure. Und d Läde hän bis am 1 am Morge offe O.ORead more

  • Day9

    Woodburry Outlet

    July 23, 2015 in the United States ⋅ ⛅ 17 °C

    Am ne riise Harleylade verbii het uns dr Manuel uf einere Bagge wider in Norde zrugg gfahre. Do gsehts us wie dehei :) Und im Outlet ha i mol alles inspiziert... Das isch kei Dorf, das sin alles Läde... 220 Stück :) Jetzt sin mer beidi k.o. und pfuuse erschtmol e Rundi.Read more

  • Day8

    Washington D.C.

    July 22, 2015 in the United States ⋅ ☀️ 28 °C

    Mir hän hütte vom Abe, zum Washington Memorial, em White House, Capitol bis zur Congress Library und em Jefferson Memorial alles im ne riise Spaziergang bsuecht. S wisse Huus isch winzig im vergliich zu de andere Baute, defür s einzige Huus wo Scharfschütze druf ummehogge. Und s Capitol isch grad ipackt gsi. Washington isch aber au sunscht e ächt schöni Stadt zum gmietlich ummeläufele.Read more

  • Day8

    Arlington

    July 22, 2015 in the United States ⋅ ⛅ 24 °C

    Mir sind guet in Arlington bi Washington D.C. acho. Hän hütte au grad dr Nationalfriedhof bsuecht. Isch ganz beklemmend gsi, all die Grabstei mol live z gseh. Hän drum au kei Tourifötteli gmacht. Mir hän agnämi aber düppigi 30-33 Grad, aber hütte mit lange Hose (wenigschtens mir zeige chli Respäkt) ischs heiss worde. S Pentagon isch au abghockt...nid wirklich spannend... es riisigs Gebäude, aber nid meh (uf em letschte Fötteli im Hintergrund)Read more

  • Day6

    Kulturschock...

    July 20, 2015 in the United States ⋅ 🌙 26 °C

    ...überwunde. Mir hän uns jetzt ans usgseh vo Amerika gwöhnt. Gseht alles verbruucht und provisorisch us. Fascht so wie in Italie, nur ohni dene ihre Charme ^^ Aber wenn mer sich dra gwöhnt het, luegt me au mol in so e Diner und bechunt die bescht Waffle ever :) Morn goots denn witter uf Washington, sin jetzt gnueg ummegläge.Read more

  • Day5

    Casinos

    July 19, 2015 in the United States ⋅ ☀️ 31 °C

    D Casinos sin voll cool. Alles voll Liechtli, Gebimmel und 24h lang voller Lüt. Aber i ha kei Ahnig was die do dr ganz Daag mache. Noch zwei Stund und 10 Dollar a de Automate bi i wider abzottlet. Defür stockt dr Manuel unser Feriegäld bim Roulette uf :)Read more

Never miss updates of Janka und Manuel with our app:

FindPenguins for iOS FindPenguins for Android