Cañon City 22.-24.10.2022

Die letzte zwöi Täg heimer in Cañon City vrbracht.

•Am Samsti simer nach öpe 4h Fahrzyt in Cañon City acho. Wüu si Schnee und stürmischs Wetter hei gmeudet, heimer für 2 Nächt es Motel buechet. Ungerwegs heimer in Gunnison und Salida je ä Zwüschehaut gmacht u hei die Städtli churz agluegt.
•Am Nami simer no z'Audstädtli vo Cañon City ga aluege u när ga esse. Ä Restaurantbsuech hie isch für üs immer no gwöhnigsbedürftig. Ihres grösste Ziu isches, d'Lüt müglechst schnäu z'bediene u dr Tisch wiedr frei z'übercho. So simer no zmitz ir Vorspies gsy, wo dr Houptgang scho isch serviert worde u währendem Houptgang simer scho gfragt worde, was mr zum Dessert wei. Sobaud mä dr letzt Biss het abegschlückt bringe si när scho d'Rechnig. Mir si knapp 1h dert inne gsy obwou mrs hei wöue gmüetlech nä😅. Andere Länder - andere Sitten🤷‍♀️.

▪︎Es het zwar nid gschneit aber z'Wetter am Sunnti isch nid grad top gsy. Drum simer am Morge iz Museum of Colorado Prisons wo direkt nebeme Gfängnis steit wo no in Betrieb isch.
▪︎När heimer ä Scenic Drive gmacht u drbi über d'Stadt gseh.
▪︎Am Nami simer när no i Chino bevor mr ines indisches Restaurant si ga Znacht esse.Read more