Đà Nẵng

Đà Nẵng isch de "place to be" womer bis etz dure sind. Es git unzählige (au mega touristischi) Sache zgseh. S erste Mal lömmer üs überrede nöd mitme Roller zfahre sondern es "Grab" zneh. Das isch s asiatische Uber🙈😂. Üse Fahrer isch en super Typ, fahrt üs überall here, macht Föteli und cha keis Wort Englisch😂 aber d Verständigung gaht mitem Übersetzer und Handzeiche glich. Erste Stopp, Lady Buddha. Eh riesige (gleb 67 Meter) höchi Statue vo de Madame Buddha. Wiiter gahts zum "Affeberg", dete gsehmer Affe aber was gwüssi Touriste mached isch eifach denebed. Überall staht, nöd füettere und trotzdem werfed d Lüüt mit Frücht um sich. Da de Berg kei Ihtritt kostet hets au niemer wo kontrolliert. Schnell as paar Föteli und weg simmer🙈 d Ussicht isch trotzdem de Hammer! De letschti Stopp mached mer bi de Marble Mountains, au dete isch d Ussicht super au wemer es bizli hend müesse laufe 🤫🤭 s Highlight vom Tag chunnt aber na: Dragonbridge! Jedes Wucheend sprüeht de Drache am 9i Füür & am Schluss na Wasser. Selbstverständli simmer nöd die Einzige wo das Spektakel wennd gseh 😂Leer más