Vietnam

Hoi An isch en Traum. Eigentli au eher grösser aber mir hend s Hotel direkt nebed de Altstadt. D Altstadt isch autofrei und eifach wünderschön mitem Fluss wo dure gaht, alles chlini Restaurants & Bars und am Abig isch de Nachtmärt direkt vor de Tür.
Mir hend de grossteil ih de Altstadt verbracht und hend na en halbe Tag mitem Roller en Usflug gmacht echli meh richtig "Stadt". Mir sind denn au vonere nette Lady mit 60 km/h ahgsproche worde öb mer wennd s Coconut Village cho go ahluege. Hani denkt chamer mache. Böse Fehler gsi. De wo ruederet bewegt sich kein Meter ohni Trinkgeld, de Gspass hesch aber scho zahlt und denkt chasch am Endi denn öpis geh, nüt gsi. Au wenig Trinkgeld nützt nüt, ich bi die ganz ca. 45 minütig Fahrt ahgschisse gsi 😂😂 absolut kei Empfehlig, tüend eu das nöd ah. Ah jedem Egge chöntisch Föteli mache, überall wennds Geld defür. Die wüssed wies Touris usnehmed. Mir hend zu allem schneller Nei gseit als gfraged hend. Bis etz s Einzige wo üs gar nöd gflasht het. 😡😂 Hüt chunnt de Rege uf Hoi An und mir verbringed die letschte Stunde da bevors denn würkli in Süde gaht. Tauche und Badespass wird die negste Täg aktueller sii 😎🥳Read more