Återställ sökningen
Newzeeland Adventure
  • IRMAundMIAD
  • IRMAundMIAD

Newzeeland Adventure

Zu viert auf den Spuren des Kakapo Läs mer
FöljÖversiktÖversiktKalenderKalenderFotonFotonDelaDelaBucket list
ÖversiktKalenderFoton
  • IRMAundMIADNewzeeland AdventureResenär

    Übernachtung mit ruhigen Nachbarn

    11 november 2023, Nya Zeeland ⋅ ☀️ 13 °C

    Nachere kurvige Pässefahrt, simer ufemne Friedhofcamping glandet. Gwüss no speziell, aber klar isch, das die Nochbere ke Radau mache dür d’Nacht🤪

    Diräkt näbe üs, isch es Groseli, wo die ganz Zyt im Camper läbt. Si het üs viu wöue verzöue-ds Iheimische Änglisch isch für üs mängisch e Herusforderig. Aber mit fründlech lächle simer immer derbii.

    Der Platz choschtet hinech 10$/Person was e Füfliber isch. Auso ganz okey und de no mit Strom.

    Teamwork ir Chuchi isch immer gfrogt-es isch äng und muess Hand in Hand go. 🙋‍♀️    Läs mer

    Se översättning
  • IRMAundMIADNewzeeland AdventureResenär

    Mohaka River Farm

    11 november 2023, Nya Zeeland ⋅ ☀️ 12 °C

    Hüt stüre mir e ganz abglägnige Camp a-ufem Wäg dört häre froge mir üs-chunnt do no öpis? D Stross wird immer wie holpriger und sehr stotzig. Zum Glück hets ke Schnee, süsch hättemer ächt es Problem.

    Dört acho, gsehmer Ching spile vorusse und e Frou isch im Garte. Si beachte üs aber gar nüt ind d Rezeption isch nid bsetzt.
    Mir lütte ufene Nummere ah, wo uf der Tafelw steit. Glii chunnt de e Ma, wo üs cha ichecke. Aues zrügg fahre wäri süsch chline Seich gsi.

    Mir finge es Paradis vor-z Mitts im Nirwana.
    Hütt Obe choche d Manne e feine Burger ufem Grill.    Läs mer

    Se översättning
  • IRMAundMIADNewzeeland AdventureResenär
    1Wär guet luegt erkennt vilech no die RobbeSüdinsle mitem Schneebärg gaaanz wit hinge

    Wellington Red Rocks

    12 november 2023, Nya Zeeland ⋅ 🌬 18 °C

    Letschti Station uf der Nordinsle! Wellington!
    Hie simer no chli go loufe, hei schöni Stränd atroffe u no e Robbe! Es het sooo fest gwindet das mir fasch si sandgstahlet worde! Aber das sig hie normau sägesi🤷🏻‍♀️ Vo hie heimer o scho üsi nöchsti Station d Südinsle erblickt!Läs mer

    Se översättning
  • IRMAundMIADNewzeeland AdventureResenär
    2

    Wellington Interislandferry

    13 november 2023, Nya Zeeland ⋅ 🌬 16 °C

    Hüt isch planet gsi, das mir am 13.00 uf d Fähre für uf d Südinsle chöi! Leider isch üsi Fähre aber defekt u mir si gstrandet! Mit vöööu Geduld u Hartnäckigkeit hei mir no es Plätzli ufere spöter Fähre chönne ergattere! Schwein gha! Süsch hätte mir nämlech bis em Samsti am 17.00 müässe warte! Wo de z Go isch cho hei mir du müässe pressiere! Es hetsech glohnt, de chöi mir morn wi plaanet witers reise

    Hüt hei mir chönne bewiise wie geduldig mir si und Närve us Droht hei🧶    Läs mer

    Se översättning
  • IRMAundMIADNewzeeland AdventureResenär
    Üse Scoby isch der gross obe rächts!1Tiertransport.. 4 Chüä i somne änge Abteili

    Ankunft in Picton

    13 november 2023, Nya Zeeland ⋅ 🌙 14 °C

    Juhuuu mir heis gschafft u wider Land unger de Füäss! Jetz cha z Abentüür Südinsle los go! Mir si mit sammt üsem Haab u Guet rund 3,5 Std. uf der Fähre gsi! Hei ziemlech Wäuegang gha! Leider hei mir im Dunkle bir Akunft der Blick uf die wunderschöne Fjorde verpasst! De müässmer die haut de morn go aluege😉

    Mir fahre z mitts ir Nacht no e haub Stung richtig Blenheim. Hüt parkiere mir üse Scoby ufemene Parkplatz. Am haubi Zwöi isch de ändlech Nachtrueh und mir chöi go lige🙋‍♀️

    Am morge müesse mir de scho widr früeh uf, wüu mir e Trip buechet hei.

    Da mir kes WC ir nechi hei u ke Strom, gö mir am Morge i MC Donalds gones Kaffi trinke….    Läs mer

    Se översättning
  • IRMAundMIADNewzeeland AdventureResenär
    2

    Weintasting Marlborough

    14 november 2023, Nya Zeeland ⋅ ⛅ 19 °C

    Nach däm gestrige Tag hei mir üs hüt e chliini Uszyt verdient! Mir si zu zwöine Wygüeter go Degustiere u hei üs für die nöchste 3 Wuche mit feinsten Wy ideckt! Si boue zu 80% Sauvingnon Blanc a.. Mir hei üs aber fürne Chardonnay und fürne Pinot Noir entschide!Läs mer

    Se översättning
  • IRMAundMIADNewzeeland AdventureResenär
    Muschufarm423Campingoffice muess ou si, Route studiere für die nächschte Täg

    Katamaran Marlborough Sounds

    14 november 2023, Nya Zeeland ⋅ 🌬 17 °C

    Witer geits mitem Katamaran id Fjordlandschaft! Fasch allei es Schiff für üs. Zersch het üs der Captain es Barbecue zuebereitet, spöter het d Crew für üs Greenshellmussels zuebereitet u zuguterletzt heimer no der best Lachs uf Ärde zuebereitet übercho! Rundum e glungnige Tag gsi! Trotz Rägewätter hei mirs mega gmüätlech gha!

    Hüt gits nüt meh zNacht, hei der ganz Tag so viu gässe, dass mi ds choche lö lo si.

    Mir fahre zumene Camp in Blenheim wo mir der Tag hei gstartet. So müesse mir nüme wit fahre…
    Si aui kaputt und müed. Im Fluss vom Camping hets Aale wome cha beobachte, dört wett niemer vo üs ids Wasser…    Läs mer

    Se översättning
  • IRMAundMIADNewzeeland AdventureResenär

    Kaikura

    15 november 2023, Nya Zeeland

    Hüt wird zmörgelet (meischtens isches der glich wos parat macht, wüu är ja am erschte uf isch) und zämepackt und los gfahre.

    Meischtens mache mir üs zwüsche haubi zähni/zähni ufe Wäg. So längts no für jede sich parat ds mache (mängisch müesse mir ou dusche) und natürlech füre Abwasch und der Camper ufdsruume.

    Nachere Stung ar Küschte entlang richtig Süde, mache mir haut und beobachte X Robbe mit ihrne Junge. Do chönntme Stungelang zueluege….

    Üses hütige Ziel isch Kaikoura, wo mir üs fürne Whalewatchingtour agmäldet hei. Die isch aber ersch morn am Morgen. Auso hei mir no Zyt fürne Walkway zirka 100 Höhenmeter ufere Klippe obe. Sonhei mir e super Usblick uf ds Meer.

    Nachdäm checke mir i, ufem nochglägnige Camp mit 8 Plätzli. Sehr ruehig und idyllisch mit Flüssli.

    De mache mir üs ids Stedtli ds Fuess für go ds Shoppe und hüt ässe mir widr mou uswärts.
    Es git feini Pizza, e Chickenburger und e Tagespasta mit Scampi

    Imne alte Irische Pup, mache mir de no e Stopp fürne Schlumi.
    När müesse mer sofort go lige, da mir ja früeh ufmüesse.    Läs mer

    Se översättning
  • IRMAundMIADNewzeeland AdventureResenär
    Hie ischsi, die Flosse vo däm Wal...

    Whalewatching

    16 november 2023, Südsee ⋅ ☀️ 13 °C

    Früeh heimer hüt ufmüesse. Am haubi Sibni wär Tagwach gsi, döu si aber dcho vorhär desumeghüeneret-äuä senili Bettflucht….

    Es het es verchürzts zMorge gä im Stoh. Aber für die Schifffahrt muess öpis i Mage.

    Loos, richtig Meetingpoint, wo mir viu ds Früeh si dört gsi. Ichecke chöit dir ersch am achti, het das nätte Frölein gseit-heimer äch öppe öpis fausch gläse i üsem Mail?!
    Plötzlich seit si cool-dusse sige de Delfine ds gseh. Drum heimer de üsi Wartezyt mit Beobachtig vo dene Tierli überbrüggt.

    Am haubi nüni isch de üse Bus üs cho abhole für a Hafe ds fahre.

    Nätt het üs der Maorimaa härzlech Willkomme gheisse.

    Und los geits mitem Katamaran für 100 Lüt. Hoffe mir chöi de ir erschte Reihe die mängi Wale beobachte…
    Mit 70km/h simer uf ds offene Meer usebräteret-hetsechs äch glohnt no es Reisetablettli ds gänggele u idsfrese? Mir si gspannt, ob die Tütene vor üs im Sitz gfüellt wärde🧐

    Nach gfüehlte Stunge, hei mir de plötzlech e ‚Spherm Wale‘ gseh. Nach 2.5 Stung muess är uftouche für cho ds schnuufe, Nach ere profesionelle Suechi vom Captain heimerne de würklech gfunge und chönne bestuune.

    Das isch aber de ou scho aues gsi-isch nid Saison vode 🐳. D Erwartige si haut ou höch gsi, da mir ds Santa Barbara dennzumou X Wale gseh hei.

    Nach der Tour-gömer no i zwe Surferschuppe und sueche es Beizli fürne chline Lunch.    Läs mer

    Se översättning
  • IRMAundMIADNewzeeland AdventureResenär
    2

    Charleston

    17 november 2023, Nya Zeeland ⋅ 🌧 14 °C

    In Charleston acho, hei mir üs grad ufe Wäg gmacht für ne Küschtewanderig. Wo mir dört acho si-hets liecht afo nisele und de immer ä chli meh, bis es richtig abgloh het. Mir si innert Sekunde bis uf d Ungerhose nass gsi.
    Es isch haut eifach Neuseeland hie.

    Drum gniesse mirs im Camper ds si und schärme ds ha-uf üsere Reis ds erschte mou dinne gässe.    Läs mer

  • IRMAundMIADNewzeeland AdventureResenär

    Mitchels historic Goldmine

    18 november 2023, Nya Zeeland ⋅ ☀️ 12 °C

    Hüt am morge heimer diräkt mit emne Freiliechtmuseum gstartet. Das isch der Vorschlag vom Adi gsi-mir hei scho chli d Nase grümpft, wüu Museum isch nid so üses.

    Aber mir si ja offe und schliesslich darf jede u jedi sini Wünsch vorschloh.

    Mir si aber de positiv überrascht gsi und dankbar für dä Vorschlag. Hie heimer d Gschicht vom Gold schürfe diräkt erläbt in Natur.    Läs mer

    Se översättning
  • IRMAundMIADNewzeeland AdventureResenär

    Glowworms

    18 november 2023, Nya Zeeland ⋅ ☁️ 13 °C

    Mir hei ja bis jetz scho paar Glüewürmli gseh, aber geschter isch der absolut wahnsinn gsi und de das no ohni Itritt.

    Chli überwindig hets scho brucht vo dere Irreastalt ir Nacht am zähni im Dunkle dä schmal Wäg abedsloufe…..

    Aber das het aues entschädigt und d Überwindig het sech glohnt….    Läs mer

    Se översättning
  • IRMAundMIADNewzeeland AdventureResenär
    13

    Goudwäsche

    19 november 2023, Nya Zeeland ⋅ ☀️ 16 °C

    In Roos hei mir üsi Goudgräberfähigkeite uspackt. Jede het e Pfanne übercho mit Steine drinne, dört heisi scho Goud drigmischt gha.
    Auso muess kene mit lääre Häng hei…

    Döu hei ds Gfüehl, mi chönnt de grad d Ferie verlängere…..🤣Läs mer

    Se översättning
  • IRMAundMIADNewzeeland AdventureResenär

    Franz Josef & Foxglacier

    19 november 2023, Nya Zeeland ⋅ ☀️ 17 °C

    Znüni bim Chartestudiere isch wichtig.

    Hüt starte mir Richtig Gletscher. Hei scho vou ghört und si gspannt, wie das isch, wenn der Gletscher fasch bis ids Meer chunnt…

    Glii einisch steue mir fescht, dass in NZ wou ds gliche passiert mit de Gletscher wie bi üs.
    In Franz Josef müesstme fasch e Heliflug bueche, dasme der Gletscher überhoupt no gseht oder e längi Wanderig mache.

    Drum entscheide mir üs für im Stedtli die Kiwiuffangstation go ds bsueche. Hie wärde si ufpäpelet und de widr idi frei Natur gsetzt.
    Mir beobachte die zwöi Jungtier und gsehse nöcher aus im Wald. 🥰

    Witer richtig Foxgletscher-fahre mir 10 km zumene Viewpoint wome der Gletscher vo witem gseht.
    E Gletscher isch immer imposant, aber für üs🇨🇭, nüt neus.    Läs mer

  • IRMAundMIADNewzeeland AdventureResenär

    Haast Beach

    19 november 2023, Nya Zeeland ⋅ ☁️ 15 °C

    Viu Möglichkeite hei mir hüt nid zum übernachte, wennmer nid im übertürete Gletschergebiet (NZ Zermatt) wei blibe.

    Drum zieh mir no witer bis Haast Beach.
    Dört chöi mir de ou guet Wösch mache und d Manne choche feine Fisch mit Salzhärdöpfu und Mais/Erbsligmües.

    Ungerwägs hei mir es paar mou a däre wunderdchöne Küschte haut gmacht und d Ussicht gnosse, sogar spilendi Seelöie beobachret. Der Feldstächer mit ds nä hetsech scho mängisch uszahlt.    Läs mer

    Se översättning
  • 2026© FindPenguins
  • Hem
  • Om oss
  • Spåra gruppen
  • Press
  • Villkor
  • Integritet & Cookies
  • Hjälpcenter
  • Avtryck