Kino, Deep Ellum & NHL Dallas Stars

Fritig, 8.12.
No vorem Mittag hemmer am örtliche Kino en Bsuech abgstattet und hend de neui "Tribute von Panem" gluegt - sehr empfehlenswärt! Bsunders guet im Kino isch gsi das mers fast für eus allei gha händ und mer sogar bedient worde sind.
Am Namittag simmer nochli go Shoppe 🙂

Samstig, 9.12.
Uf de Zmittag hämmer en Spaziergang in Stadtteil "Deep Ellum" gmacht und händ det Texas BBQ - es richtig guets Brisket gässe. Aschlüssend simmer nochli go pöstele und denn simmer zum American Airlines Stadium gloffe, wo mer s NHL Spiel vode heimische Dallas Stars go luege sind. S Stadion isch imposant gsi, und agfange het s Spiel super. Leider händ d Stars dütlich verloore, aber s Erläbnis isch glich super gsi.

Zrugg im Hotel het e grossi Überraschig uf eus gwartet, nach 3 lange Täg händs eusi Koffere äntli zu eus gschafft, d Erliechterig isch gross!Baca lagi