Football Eagles @Cowboys

D'Vorfreud uf de Sunntig isch scho lang gross gsi! D'Eagles spieled in Dallas und das während eusere Honeymoon, das hämmer eus natürli nöd dörfe entgah lah.
Zum s'Maximum us dem Tag usehole simmer bereits uf de Mittag zum Stadion gange und händ alli Namittagsspiel ide gigantische coole Sportsbar näbed em Stadion gluegt. Bereits det sind d Fan-Gsäng für de Abig losgange und händ igheizt.
Eusi Plätz im Stadion sind perfekt und jede Franke wert gsi, genau ide Mitti und vorem grosse Screen.
S'Stadion isch bis uf de letschti Platz volle gsi und d'Stimmig isch bombastisch gsi. Wies im Sport isch gits immer en Verlürer und en Gwünner. D'Cowboys sind eifach überläge gsi und hend verdient gunne, ganz zur Freud vom heimische Publikum und em Rööb! Es isch es wahnsinns Erläbnis gsi und definitiv nöd euses letschte Footballspiel.Read more