Joined August 2014
  • Day51

    Shoji - Fuji Five Lakes

    December 7, 2019 in Japan ⋅ ☁️ 3 °C

    De letschti Tag isch chalt, windig und bewölkt, aber alles guet, das hämmer gwüsst und isch iiplanet.

    Am Vormittag gömmer na rasch en Lava Cave go aaluege, de Rescht vom Tag isch Hotelzimmer.

    Japan isch sehr cool und spannend gsi, aber au (vor allem ide Nacht i Bad- und Schlafzimmer) sehrsehr chalt. Ich han jetzt absoluts Verständnis für Onsen-Bad und gheizti WC-Sitz!

    Usem Bett, Yukata-Mantel überwerfen und direkt is heisse Gmeinschafts-Onsen, das isch ganz schnell Standard worde.
    Read more

  • Explore, what other travelers do in:
  • Day50

    Fujiyoshida

    December 6, 2019 in Japan ⋅ ⛅ 5 °C

    Während d Lüüt massenhaft per Auto aareised, stahn ich im Pyji ufem Balkon uf mach mini Morgen-Stimmig Fuji-Fotis (Sunneufgang isch nöd so recht).

    Nachher mitem Bus nach Fujiyoshida, zum PreFujibestiigigs-Schrein (offiziell Kitaguchi Hongu Fuji Sengen Jinjya) und em bekannte Ussichtspunkt mit Pagode.Read more

  • Day49

    Fuji Five Lakes Region

    December 5, 2019 in Japan ⋅ ☀️ 7 °C

    Sorry für de Fuji-Foti Spam, aber er isch halt scho ziemlich de Hammer, de Cheib.

    Mir started mitem Koanso-Ussichtspunkt. Deet isch s Foti gmacht worde wos ufd 1000-Yen Note gschafft hätt. Sett eigentlich touristisch und guet erschlossen sii, oder? Hah, denkste.

    1 Bus am Tag. Alli Infos nur uf Japanisch. Au üsen Hotelbsitzer isch sich nöd sicher, ob de au würklich fahrt hütt. Di eigentlich harmlos Frag sorgt für Ufregig. Nöd mal es Telefon mit de Busgsellschaft bringt richtig Klarheit.
    Schlussendlich riskieremers eifach, und: er fahrt. Phew.
    Retour müemer laufen, e knappi Stund de Strass nah. Müehsam aber hett sich glohnt!

    Denn es japanisches Ballenberg (s Original-Dorf isch 1966 miteme Erdrutsch mitgange) und zum Abschluss namal en Fuji-Ussichtspunkt. De wär bsunders schön im Herbschtlaub. Mir sind es Wücheli oder zwei z spat.
    Aber au so: de Berg isch eifach grandios.
    Read more

  • Day48

    Shoji - Fuji Five Lakes

    December 4, 2019 in Japan ⋅ ☀️ 8 °C

    De Abschluss macht de Fuji-san.

    Churz vor Abreis hämmer s Hotel da na umbuecht. Und das isch vermuetlich en Glücksfall gsi. Mir sind nöd recht sicher ob euses Zimmer es Upgrade isch, es isch nöd wiit her da mit Englisch.

    Aber es isch riesig, im oberschte Stock, mit Sitzegge, Balkon und Badewanne, alles direkte Blick uf de Fuji.

    Mir mached na e chliini Abig-Wanderig zume Ussichtspunkt und verwütsched de Fuji wulchelos im Abigliecht.
    Bucket List - Check. ☑
    Read more

  • Day47

    Matsumoto - Wasabi Farm Hotaka

    December 3, 2019 in Japan ⋅ ☀️ 8 °C

    Wieder bi schönem Wetter nämemer s Zügli bis Hotaka und mached e Velotour (LINKS fahren, gopferdelli 🙈) zunere Wasabi-Farm.

    Wasabi-Bier, Wasabi-Glace und Wasabi pur wird probiert.

    Zrugg in Matsumoto na gschwind Schloss mit blauem Himmel. Scho schö.

    Und zum Znacht gitts Pizza. Richtigi, napoletanisch zertifizierti Pizza. Scho guet!Read more

  • Day46

    Matsumoto

    December 2, 2019 in Japan ⋅ 🌧 11 °C

    Matsumoto.
    Es Hotel. Es Bett. E Duschi. Schueh aalah. Brot zum Zmorge. Und Kafi!

    Und en total verregnete Tag wo aber niene besser gläge chämt als da. E mittelgrossi Stadt mit Läden und Restaurants.
    Dä Benno gaht go shoppen, ich is Schloss und susch isch eifach chli Pause.

    Zum Znacht gitts Katsu. Frittierts Schwiinsfilet.Read more

  • Day44

    Kiso - Narai - Karuizawa

    November 30, 2019 in Japan ⋅ ☀️ 3 °C

    Eng dureplante Tag:
    Zersch werdemer vode Unterkunft 40min zum Bahnhof gfahre. 20min mitem Zug nach Yabuhara. 10km laufen bis Narai. 3h Zug nach Karuizawa.
    Und das wär denn s Endi vo üsere Nakasendo-Tour, di letscht Etappe isch wäg Taifun-Schäde gesperrt.

  • Day43

    Kiso-Fukushima - Kaida Plateau

    November 29, 2019 in Japan ⋅ ☀️ 1 °C

    Pünktlich wos id Berge gaht chunnt s schöne Wetter wieder. Aber uf 1'300m Höchi isch jetzt doch scho recht chüel.

    Ob di allgegewärtig Bären-Glogge würklich Bären vertriibt oder eher aalockt sinmer üs nöd so sicher... Bären sind doch nöd blöd, oder?
    S Glöggli bimmlet => de Znacht isch da!

    Und denn stolperemer mitzt im Nirgendwo über en RhB-Fan (sis Kafi Poppo-ya isch üsen Mittagessen-Stopp). Und au wenner nöd viel English chan: ab 'Switzerland' und 'Railway' verstömmer üs. Mir schenkedem üses SBB-Sackmesser, er wirft für eus sini Modell-Isebahn mit RhB-Zügli und Bernina-Chehrtunnell aa.
    Read more

  • Day42

    O'Tsumago - Nagiso - Kiso Fukushima

    November 28, 2019 in Japan ⋅ ⛅ 3 °C

    Hütt d Wahl zwüscheteme ganz lange Tag (25km Wandere und denn na Zug-Transfer, nöd vorem 7ni ide Unterkunft) undeme ganz churze... 6km und en bitzli längere Zug-Transfer, ab Nagiso.

    Es isch chalt und regnerisch, mir nämed di churz und gönnd defür bitz länger is Onsen-Bad.

Never miss updates of Simone H with our app:

FindPenguins for iOS FindPenguins for Android