Resetuj wyszukiwanie
Südafrika
  • Raphael Müller
  • Raphael Müller

Südafrika

Lets join minere Reis nach Südafrika. Wens di niedisch macht ned mis Problem. Suscht döffsch gern mich verfolge und mini Bilder ahluege Czytaj więcej
ObserwujPodsumowaniePodsumowanieKalendarzKalendarzZdjęciaZdjęciaDzielićDzielićLista postanowień
PodsumowanieKalendarzZdjęcia
  • Rozpocznij wyprawę
    27 września 2025
  • Raphael MüllerSüdafrikaRaphael Müller
    21

    Da gaht öbis

    30 września 2025, Afryka Południowa ⋅ 🌙 20 °C

    Wen das ned mal en coole aber au strenge Tag gsi isch. Schuel chan ja streng si, aber wen no freiwillig die Schuel macht ischs ja no dümmer. Aber halb so wild isch ordentlich losgange hüt mit em erste Theorie Test und alles mögliche Zügs hemmer au scho gmacht vo Free Pouring, Flair, Bar etc. Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Vodka zum Zmorge

    1 października 2025, Afryka Południowa ⋅ ☁️ 17 °C

    Es sind ja nume Härdöpfel, ja okey destiliierti Härdöpfel und vlt ned ganz so gsund. Aber egal tönt doch guet. Ja also so hed min Tag ahgfange mit nem Vodkatasting am 10i am Morge. War toll bin nachher de ganz Tag irgendwie happy gsi, liegt bestimmt ah de Härdöpfel und ned am Alkohol. Chani nume witerempfehle😚! Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Barhopping

    3 października 2025, Afryka Południowa ⋅ 🌙 19 °C

    So wie de Tag ahfangt hört er au wieder uf! Erstmals wieder Rum Tasting, da bini natürli super interessiert gsi im theoretische wie au praktische Teil🤗 Und den ischs wieder an normale Unterricht gange. Mit Live Bar und allem was es suscht no gid. Am Abig den s erste Barhopping, da hemmer üs sehr druf gfreut. Mer hend richtig fancy Bars bsuecht mit de coolste Cocktails vo de Stadt✨ Und so hed den de Abig au geendet, alli zfriede, bsoffe und super Happy☺️ Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Sightseeing dump at Waterfront

    4 października 2025, Afryka Południowa ⋅ ☁️ 17 °C

    Mal churz echli Sightseeing mache ghört ja au dezue :) Darum simmer mal unter Touris gange und hend de Toristisch Stadtteil ahglueget. Hend öbis gesse ime coole Restaurant wo grad no es riese Public Viewing gsi isch und alli Lüt für s Nationalteam im Rugby Stimmig gmacht hend. Ich glaube das isch ihre ganzi Nationalstolz wo die da träged😅🙈 Czytaj więcej

    Zobacz tłumaczenie
  • Raphael MüllerSüdafrikaRaphael Müller
    1

    De Berg deruf

    12 października 2025, Afryka Południowa ⋅ ☀️ 17 °C

    Touri Ort Nr. 1: Check✅ Table Mountain gseh. Und was das für en Leistig gsi isch: ganzi 600 Höhemeter in 1h und binere choge Hitz wo mer da gha hend. Aber wir waren oben und das zellt! D Ussicht isch den nachher s Paradies gsi☺️ Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Week 3 done… und ich au done

    14 października 2025, Afryka Południowa ⋅ ☁️ 17 °C

    Die Wuche isch ja scho ziemli schnell verbi gange… aber hoppala isch da öbis los gsi😮‍💨 jetzt gahts richtig ab. Mer sind ja eig so gfühlsmässig erst grad ahcho aber das blendemer emale us. Die erst Final Exam usch dure, Free Pour isch abgschlosse. Und i bin ned unglücklich drüber will i has echt ned möge und bin total froh dassi das nüme muen mache🤫😅 aber gmüetlich ischs danach glich ned gsi. Die letzte Theorieprüefige sind gsi und Cocktailrezepttests (müehsams Wort) hemmer au no gmacht. Und s trinke isch dementsprechend au ned zchurz cho. Aber bekanntlich isch ja learning by doing die bescht Lernmethode. In dem Sinn cheers🥂 Czytaj więcej

    Zobacz tłumaczenie
  • Raphael MüllerSüdafrikaRaphael Müller
    1

    Busy Saturday

    18 października 2025, Afryka Południowa ⋅ ☀️ 20 °C

    Erstmals glücklicherwiis ohni Kater ufgstande :) als ersts natürlich pflichtbewusst und seriös glernt da bald d Final Exams vo de EBS (European Bartender School) ahstönd. Danach den schön an Neighbourhood Market gfahre zum dete es bitzeli umegammle und en chline Mittagssnack gönne :) Ahschlüssend den go power Nape dassi de Tag überlebe. Füre Sunset hemmer den de best Place usgsuecht und sind schnell uf de Lion‘s Head ufegloffe und hend die best Ussicht uf Camps Bay gha😊 und das isch den ned mal so easy will da muesch fast no Chlettere das heil dobe ahchunsch. Aber isch ja keis Problem da ich ja en waschechte Schwizerwandervogel bin. Btw Google seit 1,5h zum ufe gah, aber mir hends in 45min gmacht (sind schneller als Google erlaubt)

    Und den hemmer üs den verdient nach em Abstieg zum Znacht begeh ines Steakrestaurant und Chateaubriand gegönnt😋 und zum Schluss heds den no Cocktails geh dass mers trinke ned abgwöhned!     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Vino & Pinguino

    19 października 2025, Afryka Południowa ⋅ 🌬 19 °C

    Nachhere viel zchurze Nacht bini emale ufgstande zum mir Zmorge mache. Echli bödele fürs Winetasting spöter hani no wichtig gfunde. Danach simmer den au scho los, sind dur die schöne Rebplantage gfahre bis nach Constantia. Dete hemmers üs guet gah lah mamma Mia es Träumli🥰 7 verschiedeni Wi zum teste Tapas vom feinste! Da mer dete aber nume bis am 2 hend döffe verhöckle simmer den witer gange nach Steenberg, wieder zum Wi taste :) Danach simmer den guet verpflegt und bestimmt nüm durstig witergfahre nach Boulders Beach zu de Pinguine🐧 und den simmer au scho wieder hei Czytaj więcej

    Zobacz tłumaczenie
  • Raphael MüllerSüdafrikaRaphael Müller
    2
    1

    I am a Bartender🍸

    23 października 2025, Afryka Południowa ⋅ ☁️ 20 °C

    Yes ihr hend richtig ghört. I han bestande, i bin jz Bartender🥳! Nachere intensive Prüefigswuche hani gester mini letzt Prüefig gha und erfolgrich die ganz Usbildig abgschlosse. Was mir das Zertifikat genau bringt weissi au nonig so genau aber das findi gli mal use. I denke das wär den au de Moment woni richtig chan ahfange mini Ferie gnüsse und kei Druck meh han :)

    Churzi Poete zum Schluss: „Man bekommt den Bartender aus der Bar, aber nicht die Bar aus dem Bartender.“     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Mal öbis zemme mische

    24 października 2025, Afryka Południowa ⋅ ☀️ 20 °C

    Mixologie was das? Ja i han glaub au kei Ahnig gha was das isch, aber tönt no nach öbis bruchbarem. Also hani de Kurs au no gmacht, ja hed sogar no Spass gmacht abgseh devo dass mer alli total übermüedet gsi sind. Irgendwie isch de Schlaf wohl echli zchurz cho ide letzte Nächt aber chan ja ned schlim si 🤷‍♂️

    Also verzelli au no öbis schlaus zur Freude vo euch: De Unterschied vo Bartending und Mixologie liegt darin dass de Bartender de Cocktail uf Grundlag vome bestehende Rezept macht. De Mixologist isch de wo no zerst sich öbis überleggt und probiert paar gschiedi Sache zemme mische. Meistens tuet er au no defür selber Sirups, Cordials, Shrubs, Säft oder Likör erstelle. Huere kreativ muesch defür si!

    Ja mengisch losi ebe doch no zue.🤗 Chunt wohl ned so oft vor aber wens um Drinks gaht bini voll debi. Eigentlich ischs ja wie Choche eifach für durstigi Lüt. Aber hend würkli au müsse an Herd stah und echli Wasser erhitze, das isch den scho ahspruchsvoll gsi ;) Aber Spass bir Site isch cool gsi! Am erste Tag hemmer ganz vieli Zuetate hergstellt wie ich obe beschriebe han und hüt hemmer sie den in Cocktails integriert und glueget wie sie sich entfaltet und zur Geltig chömed.     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    My last Day in Cape Town

    26 października 2025, Afryka Południowa ⋅ ⛅ 17 °C

    Mengisch chunt alles anderst im Lebe. Ich bin am Sunntig ganz gmüetlich ufgwache und han denkt ich wirde en total gmüetliche Tag ha. Und den chunt de Schlag is Gsicht, min Barinstructor frögt üs öb mer sin Arsch chönd rette und cho go schaffe as Speed Classic Cape Town (es Autorenne mit verdammt geile Autos🔥). Und da hemmer natürli ned chöne nei sege und sind ad Bar go ushelfe. Doch d Pointe chunt erst jetzt no.

    Mer chömed ah die Bar und gsehnd alles wo da verchauft wird sind Softdrinks und Bier. Und für das bruchts top usbildeti Bartenders wo normalerwies Cocktails mached😅 total übertriebe. Und s beschte isch mer sind öbe 13 Lüt gsi, ide Schwiiz hettisch da maximal 6 Lüt und würdsch es immerno rocke. Und da hed min Instructor in vollem ernst üs bette cho zum helfe will die Bar suscht total „untergaht“ 🙈

    Ende der Geschichte isch dass ich den mich irgendwen usem Staub gmacht han und dafür en Gratis Ihtritt gha han zu dem Race und han überall chöne heregah, i like it :)

    Aber tbh die Autos sind scho de Hammer, in dem Fall hani jetzt au en Wiehnachtswunsch 😉     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Ab in Norde

    28 października 2025, Afryka Południowa ⋅ ☁️ 21 °C

    So vo Durban gaht au mini Reis witer. Mir sind vo dete mit üsem schöne Mietauto schön ufem Weg richtig Panorama Route :) Das sindöbe 800km und brucht öbe 12h Fahrt. Ganz schön lang aber für das hed mer ja viel Ziit ide Ferie und Ziit zum vertrödle.

    S Wetter isch ja mal da abartig wechselhaft. I bin no nie dur Ortschafte gfahre wos mal schön und nachher au wieder neblig chan si. Und den regnets no, und denach fahremer sogar no dur Rauch will die da d Bäum alli ahbrenned. I weiss aber au ned genau warum die das mached, muen wohl en Trend si.     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Rege macht schön🌧️

    30 października 2025, Afryka Południowa ⋅ 🌧 17 °C

    Schön usgschlafe hemmer üs ufe Weg gmacht nördlich. Aber s Wetter hed üs gar kei Freud welle mache, debi hemmer so guet ufgesse gester :( Janu heds halt selle regne. Sind den klatschnass vo Bourke‘s Luck Potholes zrugg cho und hend üs müsse umzieh. So nass ischs den au nüme lustig gsi aber Ussicht isch echt top gsi. Hetti am liebste Backflip in Wasserfall gmacht… chans nur leider ned ;)

    Den simmer halt super glunet den ih üses nechschte Camp gfahre wo ja echt tolli Unterkünft hed, nur bi üsere ischs nur es Campingzelt gsi will mer d billig Version gwählt hend🫣 aber au da ine laht sichs lebe.

    Aber au mir hend no Glück gha und den heds ufghört regne und mer hend no chöne an Ussichtspunkt gah und d Three Rondavels ahluege (oke tbh mer hend nur zwei gseh, eine isch im Nebel gsi). Aber d Ussicht isch eifach nur Wow gsi.     Czytaj więcej

    Zobacz tłumaczenie
  • Raphael MüllerSüdafrikaRaphael Müller
    1

    S Wetter uf Abstellgleis

    31 października 2025, Afryka Południowa ⋅ ☁️ 17 °C

    Ja was macht en rechte Schwizer, klar er gaht go wandere. Und das bi jedem Wetter. Natürli. Ja uf jede Fall hemmer d Ussicht gnosse. Isch es träumli gsi!!! Aber mer muen au sege isch no toll gsi han scho lang nüme so viel Bewegig gha :) Czytaj więcej

    Zobacz tłumaczenie
  • Raphael MüllerSüdafrikaRaphael Müller
    1

    Löwe und Elefante🦁🐘

    1 listopada 2025, Afryka Południowa ⋅ ☀️ 25 °C

    Feldstecher use und Kamera ready. Ab uf Safari bini am Tierli beobachte. Das lahni mir ned entgah wen de Löwe d Strass überquert. Uf de Ferse vo de Big 5 warti bisi alli gseh han. Bislang sinds erst 3/5… Elefant, Löwe und Büffel hani bereits gseh und de Leopard und Nashorn wirdi bestimmt no gseh :) Cross fingers🤞 Czytaj więcej

    Zobacz tłumaczenie
  • Raphael MüllerSüdafrikaRaphael Müller

    S Glück uf üsere Siite

    2 listopada 2025, Afryka Południowa ⋅ ☁️ 20 °C

    Mer weiss ja nie was mer so ahtrifft - aber mir hend wieder Mal sowas vo Glück gha. Es hed gheisse Löwe hegeds scho mehreri Mönet nüme gsichtet und den hemmer die scho nach Gester wieder gseh. Und den sowas vo nöch no! Es isch eifach nume es tolls Schauspiel vo de Natur was die Tier so zbiete hend.

    D Big 5 isch wohl immernonig komplett aber da drane schaffi fest no! Mier döffed üs ja au scho so sehr glücklich schätze dass sich zahlrichi Antilope, Elefante, Hyäne, Giraffe, Zebras, Gnus, Büffel, Nilpferd, Krokodile, vieli Vögel und Löwe blicke lönd.☺️     Czytaj więcej

    Zobacz tłumaczenie
  • Raphael MüllerSüdafrikaRaphael Müller

    Sunrise☀️

    4 listopada 2025, Afryka Południowa ⋅ ☁️ 17 °C

    Mengisch lohnt sichs eifach zum früeh ufstah. Tönt wohl komplett hirnverbrennt aber i bin am 3 amufgstande zum ufe Sunrisetour zgah und Tier beobachte☀️

    Ende der Geschichte isch mer hend en wunderschönd Sunrise gseh aber fast kei Tier und i han viel Schlaf defür verlore🫣 aber i würds wieder mache :) Czytaj więcej

    Zobacz tłumaczenie
  • Raphael MüllerSüdafrikaRaphael Müller
    1

    Leopard and Dive makes me feel alive

    5 listopada 2025, Afryka Południowa ⋅ ☁️ 21 °C

    Day 1: Vom Crocodile Bridge hemmer üs nomal übermüedet ufe Sunrise Tour begeh. S Wetter hed wiedermal zwünsche übrig glah und viel gseh hemmer au ned. Doch churz vor em Motivationsloch hemmer den glücklicherwies en Leopard gfunde🐆, üsi Befreiig. Happy hemmer den de Krügers verlah mit 4/5 vo de Big 5. Ab den heds gheisse ab in Süde… fahre fahre fahre…

    Day 2: Fahrt zum Coral Divers Camp nach Mbazwana🚗. Zerst nomal tanke und Lebensmittel chaufe bevor mer ihcheckt hend. Das isch den mal ime Ghetto gsi wos nume so gwimmlet hed vo Lüt, scho fast echli creapy gsi

    Day 3/4: Ganz viel Tauche🤿, zerst go refreshe im Pool zum wieder is Zügs ine cho und den ischs ab is Meer gange… und wow isch das toll unter Wasser… aber lueget selber. Chline Spoiler ihr werdet niedisch si☺️     Czytaj więcej

    Zobacz tłumaczenie
  • 2026© FindPenguins
  • Strona główna
  • O nas
  • Śledzenie grupy
  • Wciśnij
  • Warunki
  • Prywatność & Cookies
  • Centrum pomocy
  • Odcisk