Reset search
Thailand Ferien
  • Raphael Müller
  • Raphael Müller

Thailand Ferien

Sawadee khap zu mim chline Reiseblog über min Thailand Trip :) Cool dass ihr mini Reis verfolged und üch es bitzli lönd niedisch mache vo mir :) ich poste wens gaht jede Tag öbis zum üch vo mine Ferie verzelle! Für Tipps und Idee bini offe 😊🇹🇭 Read more
FollowInsightsInsightsCalendarCalendarPhotosPhotosShareShareBucket list
InsightsCalendarPhotos
  • Trip start
    November 8, 2024
  • Raphael MüllerThailand FerienRaphael Müller

    Ankunftstag

    Nov 9–10, 2024 in Thailand ⋅ ☀️ 32 °C

    So s hütig Tägeli hed echli müed gstartet. Wie mers so kennt us de Economie Class chan mer dete eifach ned de beschti Schlaf tanke. Darum hani denkt Yolo lass de hütig Tag gnüsse und fiere mit de ganze Thailändische Kultur. Somit hemmer einigi Lüt kenneglernt und sind ah einige Örtli glandet, aber lueged doch am beschte selber :) En local debi ha hed ebe scho einigi Vorteil!Read more

    See translation
  • Raphael MüllerThailand FerienRaphael Müller

    Elefant Elefant Elefant

    November 11, 2024 in Thailand ⋅ ☀️ 31 °C

    De ersti Tag isch immer sehr speziell. Es isch immer es ersts Mal… ersts Mal Zmorge mit allne, erstmals schaffe und au es ersts Mal Elefantefüettere und ihne nöchher cho als es im Zoo erlaubt isch. Es isch sehr ihdrücklich zgseh wie sich die Organisation für die hilflose Tier ihsetzt und drum kümmeret, es gid au für jede einzeln Elefant en persönliche Spiessplan… das kenn ich ned mal diheime vo mim super Fürsorgliche Mami ;) ps han di lieb Mami au wen dir grad Sorge machsch und hoffsch dass mer nüt passiert <3 isch en super schöni Arbeit woni jedem empfehle chan zum emale mache!Read more

    See translation
  • Raphael MüllerThailand FerienRaphael Müller
    1
    1

    Harvest/ Elefant

    November 12, 2024 in Thailand ⋅ ☀️ 30 °C

    Hüt hemmer wieder ahfgange mit Füettere vo de Tier da die ja bekanntlich als erstes Zmorge bechömed und erst danach mir. Und den simmer echli go Bananebäum fälle und ufmafe will mer die de Elefante verfüetteret will sie die gern hend. Und s coole isch gsi dass mer nachher go Bade sind in Fluss, echt en gueti Abchüehlig :)Read more

    See translation
  • Raphael MüllerThailand FerienRaphael Müller

    Lichterfestival

    November 15, 2024 in Thailand ⋅ ☀️ 30 °C

    Ah üsem freie Tag hemmer üs en Moment in Hua Hin gönnt. Dafür simmer mit em Taxi usegfahre und sind echli dur d Stadt gschlenderet zum üs s Lichterfest „Loy Krathong“ ahluege. Hed sich mega glohnt bis mer den am Schluss hend welle heigah und gmerkt hend dass keis Bolt üs wot zrugg fahre will mer ah nem ned so prickelnden Ort üses Elefantecamp hend, aber am Schluss hemmers glich gschafft.Read more

    See translation
  • Raphael MüllerThailand FerienRaphael Müller
    1

    Travelday to Phuket

    November 17, 2024 in Thailand ⋅ ☁️ 24 °C

    Es Endi isch au en Ahfang heissts ja so schön :) aber isch ned immer so liecht vo Lüt Abschied neh wo einem recht as Herze gwachse sind :/ Innert so churzer Ziit so viel schöni Moment machts ned eifach wieder Abschied neh. Doch au d Elefante sind nume vorübergehend. Über Bangkok han ich mich wieder uf de Weg gmacht an Flughafe in Richtig Phuket (da hed mi sogar de Bolt Driver welle über de Tisch zieh). Und jz ischs Motto untertauche aber au wieder uftauche :)🤿Read more

    See translation
  • Raphael MüllerThailand FerienRaphael Müller

    Phuket Diving

    November 18, 2024 in Thailand ⋅ ☁️ 30 °C

    Morgenstund hat Gold im Mund. Genau eso ischs früeh los gange am Mentig zum erste Mal tauche. Erstmals im „confined Water“ zum Technik lerne und sich ahgwöhne. Am Namitag ischs den au scho fertig gsi und ich bin wieder zrugg nach Patong zum no Theorie lerne (das isch meh Stoff als für d Autoprüefig). Am beschte gaht das natürli bi Sunneuntergang mit nem chüehlem Bier am Strand :)

    Hüt ischs den au endli richtig los gange mit Tauche vom Boot. S erstmal so vieli Fischli gseh und fühle wies isch zum unter Wasser atme isch eifach nume atemberaubend. Darum machis morn grad wieder!    Read more

    See translation
  • Raphael MüllerThailand FerienRaphael Müller
    111

    Phi Phi Island Diving

    November 20, 2024, Strait of Malacca ⋅ ☁️ 29 °C

    I did it! Bin jz Open Water Diver :) Mit Tauche machts Lebe eifach Spass. Unter Wasser heds en Welt wo no die wenigste kenned wo echt schön isch. Leider hemmer kein Hai gseh oder Delfin aber das wär den au grad de Oberhammer gsi.

    Hüt heds wieder 3 Täuchgäng bi de Phi Phi Islands geh was öbe 2h unter Wasser sind bi ca 12-20m Tüüfi. Und das lohnt sich esoo zums gmacht ha, isch eifach nume schön zgseh was mer no alles für Lebewese hend und wies Meer überall set usgseh dank üsere tolle Verschmutzig. Aber lueged selber.    Read more

    See translation
  • Raphael MüllerThailand FerienRaphael Müller

    Abtauche und wieder uftauche

    November 21, 2024 in Thailand ⋅ 🌧 27 °C

    No hüt s letscht Mal früeh ufstah bevori endli Mal wieder chan länger schlafe. Nomal 3 Tauchgäng zum Open Water Advanced Certificate. Aber es hed sich meh als glohnt. Mer sind nomal zu de Ko Racha Noi/ Yai gange zum de Deep Dive und Coordination Dive mache. Es isch leider echli enttüschend gsi dass mer fast kei Fischli gseh hend und s Wetter ziemli bewölkt gsi isch. Dafür heds Wasser ahgnehmi 30 Grad gha, da hed mer den schön warm. Mit fast 23m hani hüt au min tüüfste Tauchgang gmacht.

    Am Abig bini jetzt no es bitzli id Stadt go Gügsle was so lauft und han mi zu de Ping Pong Show hirisse lah. Nur scho uf em Hiweg hani denkt ich wirde jetzt sterbe so wie min Döfffahrer wie en hohle über d Strass gfahre isch und den no d Show wo au en Story für sich selber isch :) Zum ehrli si bini immerno gschockt was dete abgange isch aber das muesch eifach einmal gseh ha im Lebe das isch eifach so :)    Read more

    See translation
  • Raphael MüllerThailand FerienRaphael Müller

    Sightseeing… was Touris halt so mached✌️

    November 22, 2024 in Thailand ⋅ ☁️ 28 °C

    Endli Mal wieder usschlafe :) solang hani das nüme chöne willi eifach zu verplant gsi bin ;) Und genau den luegt de inneri Rythmus dass glich wieder früeh wach bisch. Aber isch ja halb so wild, ztue hani einewäg. Aber erstmals es richtigs Zmorge und es guets Kaffi zum de Tag richtig starte, de Riis hani keis bitzli vermisst.

    Den hopp hopp alles zemme packe und Zimmer abgeh zum id Stadt gah. Schnell s Gepäck bi de Kollegin heregrüehrt und den simmer scho los gange id Old Town vo Phuket. Da simmer den schön echli ume gammlet und hend üs d Strasse ahgluegt wo echt schön mit alte Hüser usgstattet gsi sind.

    Und den heds au scho am Abig gheisse ab an Flughafe es gilt s Flugzüg verwüsche. Ich han natürli ned an Abigverchehr denkt und bin den knapp nume en Stund vor plantem Abflug dete gsi, da hani scho churz Panik gha, aber isch alles guet cho. Und schlussendli simmer den glich mit 30min Verspötig gstartet.    Read more

    See translation
  • Raphael MüllerThailand FerienRaphael Müller

    Next Stop: Hua Hin

    November 23, 2024 in Thailand ⋅ ☁️ 30 °C

    Bädele am Pool, de beschti Start in Morge natürli :) und den erstmals fein go Zmorge esse (natürli ohni Riis) so chönts immer si.

    Nachher simmer den witer gange in ein vo de schönste Nationalpark Thailands wo du en mega Usblick uf die ganzi Sumpflandschaft hesch mit nem super Steg. Nach so viel ahluege hemmer üs den aber au scho gli mal en gueti Massage no verdient gha wo mer üs verwöhne lah hend (natürli en seriösi ohni Happy End)

    Und ganz nach em Motto Good Food, Good Mood simmer am Abig no die gröschte Schnitzel go esse vo Thailand (bin fast platzt am Schluss)    Read more

    See translation
  • Raphael MüllerThailand FerienRaphael Müller

    Hole in One oder Schläger in zwei

    November 24, 2024 in Thailand ⋅ ☁️ 31 °C

    En guete Tag startet natürli immer mit nem feinem Zmorge! So bin ich mit mim Unkel den au guet gstärcht uf de „Majestatic Golf Hua Hin“ Platz gange. Oh je han ich scho lang nüme Golf gspielt, mis letzte Mal liegt au scho es Jöhrli zrugg. Aber de Schwung hani zumindest no druf gha. Bim Probeschwung heds meistens no sehr optimistisch usgseh, was nachher passiert isch bliebt es Gheimnis. (Chlini Nebeinformation, passed guet uf wen ihr uf em Golfplatz sind, mengisch flüged Golfschläger-Chöpf dur d Luft🤭)

    Aber Ende gut alles gut. So han ichs au zum Loch 18 gschafft und bin heil vo mim Caddie zrugg zum Auto bracht worde. Isch übrigens echt entspannt wen dich öber umefahrt, de Schläger gid und no Tipps gid bim Spiele. Die mached echt en guete Job!    Read more

    See translation
  • Raphael MüllerThailand FerienRaphael Müller

    Relax Day

    November 25, 2024 in Thailand ⋅ ☁️ 31 °C

    Au en ruhige Tag chan ned ganz ruhig starte. Da wet mer sich nume gmüetlich es Zmorge mache und den findet mer im Müesli chrabelndi Ameisi. Ja logo sind gueti Proteine, aber hani jetzt ned würkli nötig gha…

    Guet erstes Problem glöst✅ den chan de Tag endli starte. Churze Trip in legendäri 7/11 hed ned döffe fehle da isch eifach Pflicht. Und den erstmals chillen :) min erste Tag woni eifach nüt gmacht han sit langem und wird au bestimmt min letzte Chillertag si das Jahr!

    Aber sowiit nonig gnueg, wend hunger hesch bruchsch esse. Also hani mer Esse bstellt bi Grab und denkt chunt scho guet. Oh gott die Thai‘s chönd oder wend ned lese chöne. Hani am Fahrer extra sorgfältig mini Route beschriebe? Ja. Isch er fadegrad am Huus verbi gfahre? Natürli! Aber Ende gut alles gut, han den mis Mac and Chese becho und bin happy gsi.    Read more

    See translation
  • Raphael MüllerThailand FerienRaphael Müller

    Last Day

    November 26, 2024 in Thailand ⋅ ⛅ 31 °C

    Last but not least isch au de letzti volli Tag über d Bühni gange. Dafür han ich mich mit minere Tante uf d Spure vom Tempel gmacht und die besichtiged. Klassisch dezue hani mi passend ganz unuffällig dezue ihgchleidet im Thaistyle, dass bestimmt au niemertem uffallt dassi Tourist bin ;)

    Ahschlüssend heds den feins Thai Zmittag geh mit Fleisch, Fisch und Chang. Nomal en wahre Gnuss gsi vor minere Heireis. Doch jetzt freui mi au wieder uf es bitzli Abwechslig zum ganze Riis. Danach hemmer üs no uf en chlini Bootstour begeh zum echli verdaue und üs die Sehenswürdigkeite vo Ayutthaya ahzluege. Aber das isch nonig gnueg, bevor mer hei gange sind hemmer no de Früchtemarkt bsuecht vo Bangkok wo mer fast überfluetet worde sind vo all de Banane, Mangos und andere Frücht woni selber ned kenne.

    Doch s absolute Highlight isch uf jede Fall am Abig d Roof Top Bar gsi. Wow, vo dere Ussicht hesch di fast ned chöne satt luege will sie so crazy höch gsi isch us em 61. Stock. Da laht sich en Drink viel besser gnüsse :)    Read more

    See translation
  • Raphael MüllerThailand FerienRaphael Müller

    Back to Reality🇨🇭

    November 27, 2024 in Thailand ⋅ ☁️ 28 °C

    Soooo es isch au wieder verbi. Ich sege khap khun khap für alles woni han chöne erlebe :) Mit de Heireis gaht au min chline Trip zu Endi. Aber ohni Action isch er natürli ned blobe. Als Tourist hani natürli no müsse s abligatorische Shopoing betriebe dass es nomal richtig spannend wird öb mis Gepäck ned Übergwicht hed, isch den aber ned so gsi. Und somit hani mit guetem Gwüsse chöne is Flugzüg ihstiege.Read more

    See translation
    Trip end
    November 27, 2024
  • 2026© FindPenguins
  • Home
  • About us
  • Group Tracking
  • Press
  • Terms
  • Privacy Policy & Cookies
  • Help Center
  • Legal notice