Tag 5: Bridge of Orchy - Kingshouse

Nachme feine zMorge im Hotel, simer hochmotiviert losgloffe. De Pass hemer im nu überquert gha und sind uf disere Siite über d Victoria Bridge und hend üs a langsami ufstig is Rannoch Moor gmacht. Mer sind 3h lang nonstop berguf gloffe am Rand vom Moor entlang und mer hend absolut nüüt gseh (kei Strass, kei Hüser, absolut nüüt vo Menschegmachts ussert üsem Weg) Zum aller erste Mal uf dere Wanderig simer wüki im totale Niemandsland gsi. Am Nami simer in Kingshouse acho (de Ort bestahd usme Hotel und me Camping) und hend det per Zuefall anderi Wanderer atroffe wo mer scho paar Mal gseh hend uf üsem Weg. Sie hend üs überredt det z bliebe und mit ihne z Campe und so ischs de uf einisch e lange Abig mit bitzli (vell) Bier worde.Leggi altro