Очистить поиск
Philippinen
Сначала новые
  • Lea ErniPhilippinenПутешественник

    Vo Guindulman nach Port of Ubay

    22 февраля 2023 г., Филиппины ⋅ 🌧 24 °C

    Am frühe Morge möchte mir mitem Bus vo Guindulmann nach Ubay fahre damit mir o gnue früeh bir Fähre si womer hüt hei buechet. Es isch lut Navi e 1 Stündigi fahrt und meistens chame ca 30min no drzue rechne da me nie weiss wie Strasseverhältniss si und wie schnell dr Bis vorwerts chunnt.
    I üsere Unterkunft wartet de pünktlich uf die 7.30Uhr üses z’Morge uf üs wo liebevoll vo üsere Gastgäberin dr Dell zuebereitet isch worde. Nachem z‘Morge wöi mir üs ufe Weg mache und üses Gepäck usem Zimmer hole und de zur Houptstrass loufe und dert ufe Bus warte. Doch leider geit üsi Zimmertür nüm uf, dr Schlüssu isch im Zimmer und mir dusse. Eigentlich sötts Tür nid outomatiach verrigle wenn sie zue geit, doch leider sis nid die neuschte schlösser und drum stöh mir jetzt da und müesse warte das dr passend ersatz Schlüssu gfunde isch worde. Nachdem gfühlt 40 Schlüssle probiert si worde und kenne Tür cha öffne wird versuecht mithilf vomne Draht üses Schloss z‘knacke. O das blibt erfolglos und mir luege immer wieder uf üsi Uhr und rechne us öbs üs de glich no längt wenn mir no 5-10min warte.
    Schlussendlich kletteret dr Älter Sohn vor Dell übers Fenster is Zimmer und cha Tür wieder öffne. Mir packe de schnell üsi Siebe Sache und mache üs ufe Weg richtig Houptstrass, nach churzer wartezit gseh mir ir ferni scho üse Bus uf üs zuefahre. Es churzes Winke später, e Stopp und mir hocke im nächste Bus richtig Ubay. Mir fahre a grosse Riisfälder verbi. Und erneut a chline Dörfli und Städt.
    Bim Busterminal müesse mir de ufnes Tuktuk umstige.
    Mir bezwifle stark das mir und üses Gepäck und 4 Witeri Passagier ufem Tuktuk platz hei aber üsi Köffer wärde churzerhand ufs Dach bunde und üs wird vore ir Sitekabine platz gmacht. So tukere mir langsam zum Hafe.    Читать далее

    Посмотреть перевод
  • Lea ErniPhilippinenПутешественник

    Port of Ubay

    22 февраля 2023 г., Филиппины ⋅ 🌧 25 °C

    Mir hei Online es Ticket vo Port of Ubay nach Port of Bato kouft, womer am Hafe achöme wird üs am ticket Schalter gseit dases die Firma gar nüm git wo üs üsi Tickets verchouft het, nachemne churze Telefon wird üs o dert beschtätigt das mir vo ihne nid abgholt werde und dases über sie ke Transport me nach Port of Bato (Leyte) git. Sie verspräche üs üses Geld zrügg z‘überwise. Alli um üs ume am Schalter entschuldige sich immer wieder das so öpis passiert isch o wenn sie gar nüt drfür chöi. O hie sie alli sehr Hilfsbereit und fründöich zu üs.
    Mir hei Glück, mir chöi de no grad es neus Ticket über e Schalter choufe und werde direkt zur Fähre gschickt wo so bald wie möglich söll ablege.
    Mir loufe übere Hafe und si nid immer sicher öb mir a richtig ort loufe bis mir 3 Fähre vor üs erblicke. Kenni isch zwar agschribe aber o hie wird wieder fründlichkeit und Hilfbereitschaft sichtbar da üs alli zum richtige Boot lotze.
    Jetzt sitze mir uf dr Fähre und warte uft Abfahrt und e 3 Stündigi Fahrt übers Meer.    Читать далее

    Посмотреть перевод
  • Lea ErniPhilippinenПутешественник

    Port of Bato

    22 февраля 2023 г., Филиппины ⋅ 🌧 25 °C

    Uf dr Fähre lehre mir Miranda und dr Ben kenne, sie Reise o grad dürt Philippine.
    Mir finde use das mir in Leyte ds gliche Ziel hei und mir beschliesse üs zämä uft suechi nachere Fahrmöglichkeit z‘mache und so üsi Köste chli minimiere.
    Am Hafe vo Bato müesse mir de übers Pier und no ca 5min zum Busbahnhof loufe. Dert wärde mir scho dür lut rüefendi Van Fahrer i Empfang gno. Mir finde de sehr schnell e Fahrmöglichkeit wo üs i Süde vo Leyte söll bringe. Nichtsahnend chömme mir zu dem besagt Van und gseh das grad 6 Lüt usem Van gschmisse wärde um üs Platz z‘mache. O nach kurzem protest wird üs versicheret das sie alli i nächst Van zu Ihrem Ziel chöi hocke. Und scho geit die ei Stündigi fahrt zum Southern Leyte Dive Resort los.    Читать далее

    Посмотреть перевод
  • Lea ErniPhilippinenПутешественник

    Southern Leyte Divers

    22 февраля 2023 г., Филиппины ⋅ ☁️ 26 °C

    Im Southern Leyte Dive Resort wärde mir sehr Härzlich empfange und gfühlt weiss nach churzer Zit die ganz Crew üse Name.
    Mir bezieh es sehr grümigs Bungalow und mache üs nachere churze stärkig ufe Weg zum Zentrum vom chlie Dörfli. Mir loufe ar Strass entlang bis mir bim Hafe achöme. Dert herscht grad chli es dürenand da grad e Fähre agleit het und jetzt Outos usladet aber scho ganz viel Outos wo uft Fähre wöi Strass blockiere.
    Trotz stark befahrener Strass spiele Kinder dert, sie renne teilwis vo Strasseaite zu Strassesite oder spile mit steine ufem Bordstei. Sehr gross isch das Städtli nid und sehr viel z‘gseh gits o nid. Drum Spaziere mir zrügg zum Dive Resort wo mir de dr Günter de Bsitzer und Gründer vom Dive Resort kenne lehre.
    Mir Ihm bespräche mir die nächste Täg, wo vorallem Touche und Schnorchle ufem Programm wird stah.
    Dr Rob probiert evt e Try Dive zum luege öb ihm Touche o gfallt und öber evt de sis Zertifikat möcht mache.
    Am Abe lehre mir de dr Loni kenne, er isch dr Dive Instructor vom Dive Resort und wird die nächste Täg mit üs ufem Boot unterwegs si.
    Dr Abe wird dürne wunderschöne Sunneuntergang abgrundet.    Читать далее

    Посмотреть перевод
  • Lea ErniPhilippinenПутешественник

    Hello Turtle and discover Dive

    23 февраля 2023 г., Филиппины ⋅ ☀️ 27 °C

    Wär möcht go touche cha usschlafe grad vergässe.
    Mir träffe üs am 07.30 Uhr mitem Loni und düe üs mit dr Touchusrüstig usrüste, de gits es feins z‘morge und am 08.30 isch de Versammlig hinterem Houpthus.
    Mir lehre dr Georg und Matthias kenne, die zwöi guete Fründe gö sit fast 30 Jahr einisch im Jahr zämä it Touchferie. Das Jahr hets se uft Philippine verschlage und sie freue sich genau wie mir ufs Touche und Schnorchle.
    Mir loufe de am Strand entlang wo mir die Ihrimische chöi bim z‘Morge esse beobachte, sie hei am früehe Morge alli Seeigle gsamlet und esse die jetzt roh mit Essig und Riis.
    Vom Strand us wärde mir mitemne chline Motorboot es paar Meter zum grosse Schiff gfahre. Nachemne churze Briefing wo mir Regle vom Boot kenne lehre geits los witer südlich anes sehr schöns Riff. Me findet wubderschöni Koralle, viel Anemone und vorallem chlineri Fischarte.
    Am zweite Touchplatz düe mir churz Ankere und chöi Sunne ufem Sunnedeck gniesse. Weme vo dert is Wasser luegt entdeckt me immer wieder das Meeresschildkröt ar Wasseroberfläche nach Luft schnappe bevor sie wieder im tüfe Wasser verschwinde. Wo mir das ganz erfreut bemerke wird üs vom Loni gseit das üse nechst Touchplatz Turtle Rock heisst und me teilwis bis zu 10 Schildkröt uf einisch cha beobachte.
    Chum im Wasser chrützt üs die erste zwöi scho ufem Weg zum Riff, sie verschwinde aber im blaue Wasser und si nach churzer Zit nüm sichtbar.
    O hie finde mir es schöns und gsunds Riff vor. Uf üsem Touchgang entdecke mit de no e witeri Schildkrot wo sich grad ufemne Riffvorsprung chli usrueht. Mir chöi se de beobachte wie si um üs umeschwimmt und de o im tiefe blaue Wasser verschwindet. Dr Rob entdeckt leider bim Schnorchle kenni, er macht aber e schmerzhafti Begegnig mitere Qualle wo am sim Rücke und de Arme Spure hinterlaht.
    Sobald me vore Qualle gstoche wird sött me die Stelle mit Essig reinige, das sött dr Juckreiz mindere. Leider finde mir das zu spät use und üsi super Creme Solarcain gege verbrönnige muess gege Schmerz und Juckreiz helfe.
    Da mir scho früeh zrügg si het dr Loni zit mitem Rob am Namitag no e Discover Dive z‘mache. Um dä o i volle züg chönne gnüsse geiter aber drvor no zum Barber da ihm ufgrund vo de Barthaar immer wieder Wasser it Maske chunnt und ke Vaseline ir Griffnächi isch.
    Drum sitz de dr Rob nachem Mittag bim Barber i sire selber boute Hütte und wartet uf si Termin.
    Zrügg im Dive Resort gits per Video es chlises Info Video und de trenne sich üsi Wegä. I mache mi uf zumne Spaziergang und dr Rob geit mitem Loni zrügg ufs chline Motorschiff woner als ersts im flache Wasser es paar Üebige wie Maske mit Wasser Fülle, wieder läre, abzieh usw macht. Nach dänä üebige geits am Husriff de witer mitemne 30minütige Touchgang.
    Mitemne Strahle im Gsicht gseht me ne scho vo witem zrügg loufe. Lust am touche isch gweckt! 🍀    Читать далее

    Посмотреть перевод
    Окончание поездки
    10 марта 2023 г.