Nulstil søgning
Australien
  • Annina Probst
  • Annina Probst

Australien

Et 46-dags eventyr af Annina Læs mere
FølgOversigtOversigtKalenderKalenderBillederBillederDelDelTræskoliste
OversigtKalenderBilleder
  • Start på rejsen
    10. december 2022
    Annina ProbstAustralienRejsende
    13Der botanical garden isch umgäh vode hochüser vo brisbane.Mitem boot chunntme schnäu vo A nach B.

    Hello down under!

    12. december 2022, Australien ⋅ ⛅ 30 °C

    Nach ere seeeehr lange Reis si mir ändlech z Brisbane ahcho. Mir hei üses airbnb bezoge und si gli mau go d stadt erkunde.
    Mir hei der wunderschön botanical garden vo brisbane gseh, hei üs um internet und angeri sache kümmeret. Zobe simer de gli mau hei wüumer doch seeehr müed gsi si, vor auem ig.. :P
    Jez gömer go luege was das brisbane süsch no z biete het bevor mir de am donnschti s auto hole und wiiterzieh.    Læs mere

    Se oversættelse
  • Annina ProbstAustralienRejsende
    4

    Brisbane

    14. december 2022, Australien ⋅ ⛅ 28 °C

    Geschter und hüt heimer Brisbane nochli unsicher gmacht.
    S Wätter geschter isch nid so guet gmäudet gsi. Drum heimer e Kunstgallerie bsuech und si chli dür die grossi Mall vo Brisbane gloffe.
    Hüt simer ine tierpark ganz ir Nöchi. Natürlech hoffemer dasmer au die tolle Tier aui no in freier Wildbahn gseh. ;)    Læs mere

    Se oversættelse
  • Annina ProbstAustralienRejsende

    Gold Coast

    16. december 2022, Australien ⋅ ⛅ 24 °C

    Geschter heimer üses mietauto abghout. Mir hei sogar es Upgrade zumne SUV becho, mit däm chöimer jez bis ändi Januar tiptop umeflizze.
    Erscht stop isch de d Gold Coast gsi. Dr Philipp het der Ahfang gmacht mit fahre und het üs ömu sicher as Ziel brocht. (Es het nur mängisch schibegwüscht, statt blinket.. :P)
    In Gold Coast heimer de zersch mäu dä wunderschön Sandstrand unmittibar a dere wahnsinnige Skyline gnosse.
    Hüt simer ufem Nerang River nochli go stand up paddle. D Fotis si mitere sehr billige GoPro gmacht und dementsprechend unscharf. :D
    Morn gots de gli scho wiiter. D Grosstädt heimer füre Momänt gseh, jez wöimer chli id Natur! :)    Læs mere

    Se oversættelse
  • Annina ProbstAustralienRejsende
    11

    Byron Bay

    18. december 2022, Australien ⋅ ⛅ 23 °C

    die letschte drü Nächt heimer in Byron Bay verbrocht. E sehr chlini Stadt mitemne ganz eigete Vibe. Vüu Surfer, vüu Alternativs, vüu easypeasy. Am Samschti simer ahcho und de zobe chli i Usgang. 😇 am Sunndi hättemer e kuhli Schnorkel-Tour buecht gha. Leider isch die gancelled worde ufgrund vo starke Winde und unruhigem Meer.
    Mir hei de die angere Stränd chli abklapperet. Wunderschöni wissi sandstränd mit zum Teil keine Lüt. Leider aber würklech sehr windig.
    uf jede Fall e schöni Ziit gsi i dem Byron Bay.
    morn probieremer de mau chli Meter z mache mitem Auto, schliesslech söttemer Silvester in Sydney sii.    Læs mere

    Se oversættelse
  • Annina ProbstAustralienRejsende
    1

    Yarrahapinni

    21. december 2022, Australien ⋅ ⛅ 22 °C

    Die letschte 2 Nächt heimer in Yarrahapinni imne Zäut verbrocht. S Camp dört het e kuhli Outdoorchuchi gha, aues zwar sehr eifach und nid super hygienisch. 😅 aber es isch seehr schön gsi. bim ässe dusse am tisch si sogar zwüschedüre wüudi kangoroos düreghopst. 😍
    düre tag heimer chli stränd bsuecht und si nöime wieder ufne ganzi kangoroofamilie gstosse.    Læs mere

    Se oversættelse
  • Annina ProbstAustralienRejsende
    1

    Port Macquarie

    23. december 2022, Australien ⋅ 🌧 22 °C

    Die letschte zwöi Nächt heimer in Port Macquarie verbrocht. Leider ischs Wätter nid mitgmacht drum hei mir d Stränd nid so chönne go ahluege. Trotzdäm simer is Koala Hospital und ufne Rägewaldtrack gange.
    Geschter het dr Bsitzer vo üsem AirBnb plötzlech ganz ufgregt gchlopft und gruefe es sig e Koala dusse. Är het d Stross überquert und sich de imne garte e nöie Eukalyptus Baum gsuecht. Do si sogar d Locals usme Hüüsli gsi, das isch au für die immerno speziell. Bide letschte Busch Füür si leider vili gstorbe..    Læs mere

    Se oversættelse
  • Annina ProbstAustralienRejsende
    3

    Forster

    25. december 2022, Australien ⋅ ☀️ 25 °C

    Wiehnachte heimir im schöne chline Forster verbrocht. Am 24. hei no vüu Sache off gha, drum simer fein go ässe. 😋 am 25. heimer es Doppukajak buecht gha und hei mit däm über die schöni Flusslandschaft mit glasklarem Wasser wöue fahre. Nachdäm ig am Philipp sis Paddel es paar mau am Chopf gha ha und mir es Schiff grammt hei simer de no amne schöne Plätzli chli aneghöcklet.. 😅Læs mere

    Se oversættelse
  • Annina ProbstAustralienRejsende

    Newcastle

    27. december 2022, Australien ⋅ ☀️ 26 °C

    witer geit üsi Reis in Newcastle. S Wätter isch und blibt sit Wiehnachte wiiterhin wunderschön, sit Tage heimer keis Wöukli me am Himmu gseh. Drum het üsi Huut geschter echli Sunnepause brucht 😅 Mir si ines Naturreservat mitte ir Stadt wosi au vili Tier und e wunderschöne Wald gha hei.
    am Namittag simer nochli go ihchaufe und hei d Reis nach Sydney mau chli wiiterplanet, was au immer sehr vüu Ziit beasprucht wüu eifach jedes Örtli do wunderschön wär und me sich mues entscheide. Ou wäsche isch mau nötig worde. 😜
    Hüt simer ufe uf Nelson Bay, dört simer mitene Schiff id Nucht usegfahre und hei s Glück gha ganz vüu Delfine z gseh. 😍 leider chani d videos vo däm do mid ufelade. 😔    Læs mere

    Se oversættelse
  • Annina ProbstAustralienRejsende

    Blue Mountains

    29. december 2022, Australien ⋅ ☁️ 22 °C

    Geschter si mir id Blue Mountains go wandere. Wahrschinlech hani s Wätter letscht mau z'fescht grüehmt.. es isch nämlich nümm so schön gsi 😅 wenigstens ischs gad denne troch blibe wo mir ungerwägs si gsi. Am zwöite Tag hets de vom Morge ah grägnet, drum si mir de direkt uf sydney wiitergfahre.
    Trotzdem isches sehr schön gsi i de Blue Mountains. 😍    Læs mere

  • Annina ProbstAustralienRejsende
    do hei ganz vüu angeri Lüt mit üs ufs grosse Fürwärk gwartet..

    Sydney

    1. januar 2023, Australien ⋅ ⛅ 26 °C

    Über Silvester und Nöijohr si mir in Sydney gsi. Scho gli heimer gmerkt, dass die ganzi Stadt im Usnahmezustand isch über die Täg. Womer am 30. ahcho si simer natürlich no go s Operehuus, Harbour-Bridge und co. go ahluege wüu me am 31. überau nurno mit Tickets zude Fürwärk inecho wär.
    Natürlich heimer das Spektakel de au beobachtet, eifach vo usserhaub im Sydney Park ufemne Hügeli. (D Lüt wo s Fürwärk us nöchschter Nöchi und gratis hei wöue gseh, si der ganz Tag scho ahgstange, dass si e Platz hei 😅)
    Der 1. Tag vom nöie Johr heimer mitere grosse Party begrüesst. Mir si im Botanical Garden am Fieldday gsi, das isch es eitägigs Openair. Es isch mega kuhl gsi, scho nur d Kulisse isch eimalig gsi. 🤩🥳    Læs mere

    Se oversættelse
  • Annina ProbstAustralienRejsende

    Jervis Bay

    3. januar 2023, Australien ⋅ ⛅ 25 °C

    E chli spot, aber nid weniger schön, folgt dr Ihtrag vo Jervis Bay. Nachem Fieldday heimer glich früeh us der Ungerkunft müesse und si öpe 3 stung nach Sydney ir Region vo Jervis Bay ahcho. Da mir vo dem Johresstart doch chli müed gsi si, heimer de nüm vüu gmacht.
    Am zwöite Tag heimer e schöni Wanderig im Booderee Nationalpark gmacht. Am Schluss vor Wanderig heimer am schöni Murray Beach chönne go abchüehle. 😊
    Inzwüsche simer scho in Canberra, vo däm ghöret dir de au gli. 😁    Læs mere

    Se oversættelse
  • Annina ProbstAustralienRejsende
    1

    Canberra

    5. januar 2023, Australien ⋅ ☁️ 20 °C

    Drü witeri Nächt hei mir in Canberra, der Hauptstadt vo Australie verbrocht. S Wätter isch zimlech schlächt gsi und het für die viele kulturelle Ahgebot vo Canberra ihglade. 😜
    Mir hei s Parlamäntsgebäude, s War Memorial und s Nationale Museum ahgluegt.
    Aues isch sehr intressant gsi. ☺️
    Hüt simer knappi 5 stung wiitergfahre uf Lakes Entrance, do simer jez e Nacht, bis es morn wiiter nach Melbourne geit.    Læs mere

    Se oversættelse
  • Annina ProbstAustralienRejsende

    Melbourne

    8. januar 2023, Australien ⋅ ☀️ 29 °C

    Nach Canberra heimer e langi Fahrt uf Lakes Entrance gha. Dört heimer de nur Znacht gässe, gschlofe und si am nöchschte Tag wiiter uf Melbourne. Am Obe si mir dört no e Schuttmatch vor australische A-League go luege. Leider verpasse mir d Cricket und Football Spiel und d Australian Open z Melbourne föh ersch Ändi Januar ah.. aber Schutte duets au 😜
    Mir si auno ufe höchscht Ussichtpunkt, im 88te Stock, Melbourne chli vo Obe go ahluege. 😊
    Melbourne isch e mega schöni Stadt mit ganz vüu schöne Pärk, härzige Gässli, vüu Sportstadie undundund. Schritte heimer schlussändlich sehr vüu gmacht gha. 😝    Læs mere

    Se oversættelse
  • Annina ProbstAustralienRejsende
    1

    Lorne

    10. januar 2023, Australien ⋅ ☀️ 20 °C

    Hüt Morge si mir z Melbourne wieder loos. Gli scho si mir uf der Great Ocean Road ahcho. Und si isch auso so schön wie sie tönt. Uf dere knapp 250km länge Strecki gits soo füu schöni Ort, Wasserfäll und Dörfli. Hüt hei mir sogar per Zuefall e chlini Schoggifabrik entdeckt.
    Jez schlofe mir e Nacht im schöne Lorne und gö de morn wieder wiiter.    Læs mere

    Se oversættelse
  • Annina ProbstAustralienRejsende
    22112

    Apollo Bay

    12. januar 2023, Australien ⋅ ⛅ 21 °C

    Uf der Great Ocean Road si mir wiitergfahre nach Apollo Bay. Und immerno stune mir konstant über d Schönheit und d Vielsiitigkeit vo däm Land. Einisch fahrtme ade schönschte Küsteformatione verbi und würd am liebste überau ahhaute und 2 Kilometer spöter stöhmer im Waud mit der gröschte Koala Population vo Australie.
    Mir hei wunderschöni Wäuder im Redwood Forrest entdeckt und si ide Jebbs-Pools Rägewald go schwümme.    Læs mere

    Se oversættelse
  • Annina ProbstAustralienRejsende
    1
    31

    Port Campbell

    13. januar 2023, Australien ⋅ ⛅ 24 °C

    E wiiteri Nacht uf der Great Ocean Road hei mir im chliine Port Campbell verbrocht.
    Mir si wiederum gfahre und hei immer wieder mau Stops gmacht zum d Ussicht gniesse. Ungerangerem heimer die berüehmte 12 Apostels gseh (wos leider nümm ganz 12 git 😅)
    Mir si au amne härzige Tierpärkli dürefahre und hei spontan ahghaute.. 😍
    Zobe heimer ändlech mau e schöne Sunneungergang dörfe gniesse. Uf der Ostsiite vo Australie hets das leider nie gä und zum früeh Ufstoh ischs schlussändlech au nie cho.. 😅😅    Læs mere

    Se oversættelse
  • Annina ProbstAustralienRejsende
    1
    111D Lisa und iri Tochter Charlotte.

    Warrnambool

    15. januar 2023, Australien ⋅ ⛅ 18 °C

    vo Port Campbell uus si mir der letscht Teil voder Great Ocean Road gfahre. Wiederum si üs wunderschöni Steiformatione begägnet und mir hei immer wieder ahghaute.
    Dr nöchscht Stop isch de Warrnambool gsi.
    Dört si mir Flagstaff Hill go ahluege. Das isch es Nachbau vomne Küste Dorf im 19te Johrhundert.
    Mir si auno go Minigolf spiele und heis sogar ufs Brätt vode Topscorer gschafft! (d Konkurränz isch au nid würklech vorhande gsi😅)
    Am Obe si mir mit der Lisa und der Charlotte vo Tasmanie go ässe, si hei au d Great Ocean Road gmacht. D Lisa isch e Fründin vom Philipp sim Mami, wo si us Familie scho vor 20 Johr bsuecht hei. Drum isch au das sehr speziell gsi. 😊    Læs mere

    Se oversættelse
  • Annina ProbstAustralienRejsende
    14

    Mount Gambier

    17. januar 2023, Australien ⋅ ☁️ 27 °C

    Die letschti Wuche uf üsere Reis heimer in Mount Gambier gstartet. Die chliini Stadt isch ungerangerem bekannt für ihri Vulkankrater und d Limestone-Höhlene.
    Mir hei verschidni Vulkansee gseh, im einte heimer sogar chönne bade. 😍
    es git au ganz vüu "Sinkholes" das si riese Löcher im Bode wo jez wunderschöni Gärte drin si oder der Zuegang zumne riiiese ungerirdische Höhlesystem hei.
    Eini vo dene Höhlene, d Engelbrecht Caves, si mir de au no go ahluege.    Læs mere

    Se oversættelse
  • Annina ProbstAustralienRejsende
    1
    näbe PWs hei au ganz angeri Sache Platz gha uf der Fähri..

    Kangaroo Island

    19. januar 2023, Australien ⋅ ⛅ 18 °C

    Mit der Fähri si mir am Donnschtig uf Kangoroo Island. Leider ischs Wätter a däm Morge sehr schlächt gsi. Es het grägnet, gluftet und isch zimli chaut gsi. Nichtsdestotrotz hei mir am Namittag üse Schnorkeltrip wohrgnoh, zum glück in Neopren. 😅
    Leider gits vo däm keni Fotis, wüumer s Handy nid hei chönne mitnäh ufs Boot. 🥲 aber es isch meeeega kuhl gsi. Näbe vüune Fischli heimer wüudi Robbe gseh wo richtig mit üs si cho spiele. Wennme chli Blöterli oder Sprützer het gmacht sisi zu eim anegschwumme und hei Piruette im Wasser gmacht.😍 Mitem Bootli simer de no chli wiiter is use gfahre und hei öppe 15 Delfine entdeckt. Wüu si gad jungi hei gha, hetme dört nid is Wasser dörfe. Aber mir hei se ganz nöch ungerem Boot gseh im klare Wasser und d Bebes hei au mega gspüut und si usem Wasser gumpet. Es wunderschöns Erläbnis isch das gsi. 😍😍
    bir Wiiterfahrt uf Adelaide isch de s Wätter vüu besser gsi, drum gits nochli schöni Fotis vo däm 😇    Læs mere

    Se oversættelse
  • Annina ProbstAustralienRejsende

    Adelaide

    22. januar 2023, Australien ⋅ ⛅ 27 °C

    Adelaide isch leider der letscht Stop gsi vo üsere Reis. Mir hei au die schöni Stadt no sehr gnosse. Mir si gone Schuttmatch luege, is Moonlight-Cinema, i Zoo und fein go ässe.
    Iez isch das Abentüür leider schowieder verbi. Mir si glücklech, müed und schochli wehmüetig.
    es isch wuunderschön gsi 😍    Læs mere

    Se oversættelse
    Slut på rejsen
    24. januar 2023
  • 2026© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk