Suche zurücksetzen
Abentüür Norwege
  • Marco Kräutli
  • Olivia Hiltebrand

Abentüür Norwege

2Woche Norwege mitem Camper Weiterlesen
FolgenÜbersichtKalenderTeilenTeilenBucket List
Neuste zuerst
  • Beginn der Reise
    11. August 2025
    Abentüür Norwege

    Startschuss

    11. August in der Schweiz ⋅ ☀️ 19 °C

    Mer schribet de 11.08.25 0900 und mir trättet üses bentüür ah. De ersti Tag bestaht eigendlich nor us fahre fahre fahre und camper abhole in Frankfurt 💪🏼
    dementsprechend schiessemer jetzt los und de ersti stopp wird Camperübergab in Friedberg bi Frankfurt am Main.Weiterlesen

  • Abentüür Norwege

    Warte uf D‘Fähre

    12. August in Dänemark ⋅ 🌬 16 °C

    Die ersti und grösti ettape hemmer hinder eus 🥳
    Mir sind i eim tag vo Züri uf Hirthals gfahre. Vo Züri direkt nach Frankfurt nachem sattle vom camper und underbringe vom Galaxy simmer direkt wiiter gfahre. im Camper gsehts us wie sau mir hend no nüt ihgrumt weil eus s navi gseit het mir sind erst am 01.45 in Hirthals. Im endeffekt simmer am 03.00 acho in hirthals, rechtig müed und groggi vom viele Fahre. Dennoch simmer öberglücklich is bettli gange und sind direkt is koma gheit. 4h spöter het eus de wecker usem bett grisse weil mer hend mösse ihchecke fürd fähre. jetzt wartemer da wie grupfti hüener, niedergschlage vode 18h fahrt und freued üs druf wenns los gad 💪🏼🔥Weiterlesen

  • Abentüür Norwege

    Next stop Norwege

    12. August in Norwegen

    Nachere lange ziet uf de Fähre simmer guet in Norwegen ah cho und grad mal zerst go poste.🙈 Den hämmer en herzige Campingplatz ganz i de nöchi gfunde und händ eus sehr uf eh duschi gfreut nach dere lange ahreis ziet. Nach dem mär euse Camper i grichtet händ und endli mal alles händ chöne uspacke häts en feine Trüffel Risotto geh😋 Jetzt lömmer de Abig na usklinge und händ vor na en chline spaziergang z mache.Weiterlesen

  • Abentüür Norwege

    Chiller Tag

    13. August in Norwegen ⋅ ☀️ 20 °C

    Nachere usgiebige rundi schlaf hemmer üs entschide nomal en Tag z blibe da de camping platz wunderschön isch. Mir sind den an Strand go sünnele, ich bin id Nordsee go Bade bi 17Grad Wassertemperatur und d‘Olivia hed sich es sunne bad gönnt. Es hed en sprungturm gha woni abem 5Meter gspronge bin und den hani welle abem 10meter springe. Dobe acho uf de Plattform hani vo obe ganz viel Löwenqualle im Wasser gse und ha mich den wieder omentschide 😅
    Am namittag hed d‘Olivia bruscetta zauberet und zum znacht hets selbergmachti bratherdöpfeli gä. Am abig hemmer den no d route für de nöchsti tag planed und hend denach en gmüetliche gmacht ☺️    Weiterlesen

  • Abentüür Norwege
    21

    Welde erste ritt

    15. August in Norwegen ⋅ ☁️ 15 °C

    Nach dem mir üse Camper ready gmacht händ zum de Roadtrip in Norwege ahträtte, heds eusi füdlis an südlichsti zipfel vo Norwege zoge. Natürlich schnell es Bild vom Lüchtturm ergateret und direkt wieder ufd strass. Langsam aber sicher isch de ersti Rege in Norwege ufem vormarsch. (mir hend es kapputs dachfenster gfasst wo provisorisch repariert worde isch)
    Ade kruvige köste entlang richtig weste hemmer 2 härzigi hüsli underem Felse ahpeilt und sind sie natürlich go ahluege.
    Am Camper acho nach de hüsli fallt üs uf dases zimlich fest inetropft, direkt hemmer en dude gsuecht wo üs en Leiter cha uslehne. Zum glöck hemmer Panzertape ihpackt mit dem ich ha chönne die defekti stell abchläbe nach dem mir en ramschverkäufer gfunde hend mit ganz viel Leitere 😁

    Nach üsem Fiasco simmer rechtig Dirdal gfahre zum Manafossen Wasserfall, de 9. höchsti in Norwege. Da es aber scho spaat gsi isch hemmer det ufem Parkplatz pfused und die chorzi aber enorm steili Wanderig rechtig Wasserfall am nöchste morge ahträtte. En Wunderschöne Wasserfall!
    Glöcklich aber au erschöpft wieder unde acho simmer in rechtig Preikestolen campingplatz gfahre. Da erholemer eus guet und tanked energie zum morn d Wanderig zum Preikestolen starte.    Weiterlesen

  • Abentüür Norwege

    Wanderung Preikestolen

    16. August in Norwegen ⋅ ⛅ 10 °C

    Gester simmer bezite uf gstande zum d Wanderig in Preikestolen ufe z mache. Mir händ supper wätter gha und sind wie jungi Reeli döte duruf gwanderet. Mir sind überwältigt gsi vo all dene schöne Ussichte. Womär dobe ah cho sind hämmer zerst mal die hammer Ussicht gnosse und all die andere Touristen versuecht us z blände😅 mir händ na es feins Sandwich schnabuliert und händ eus den wider uf de abeweg gmacht. Da hämmer schnell gmerkt das es eh gueti entscheidig gsi isch das mär so früeh los sind, dah immer meh lüt cho sind. Jedoch simmer frisch fröhlich ah all dene verbie gloffe uf em wäg zu eusem Camper. Bim Camper ah cho hämmer eus dezue entschide namal uf de glich Camping z gah da mär den doch chli uf de schnorre gsi sind.🙈
    Hüt hämmer eh langi fahrt vor eus gha mir sind vom Campingplatz Preikestolen nach Flåm gfahre also gueti 8h mit chline pausene debie. Uf dere fahrt simmer a wunderschöne Wasserfäll verbie gfahre und händ verschidensti Music glost😄 Ich han am Marco es lustigs lied zeigt (Das Rap Huhn😂) und will mir so i dem lied vertüft gsi sind hämmer gar ned gmerkt, das eine e Radarkontrole macht und zäck hämmer eh Bues vo lächerliche 3250 Nok😅 (8kmh z schnell im 60er) jetzt lömmer de Abig uf eme Camping da in Flåm usklinge und planed der Morgigi Tag.    Weiterlesen

  • Abentüür Norwege

    Adee Norwege

    20. August in Schweden ⋅ ⛅ 12 °C

    Am nöchste Tag hemmer eus früe am morge en Fjord-Safari inezoge mit em speedboat. Das isch richtig wild gsi dörr de Fjord heize und gschicht erklärt becho dezue.

    De Sognefjord isch de 2. Längsti und tüfsti Fjord uf de Wält. er isch 207km lang und ade tüfste stell 1200m. Mir sind fast ganz hinde im Nærøyfjorden gsi wo es unesco-kulturerbe isch. Wisseschaftler säged d fjorde hend sich bildet ide iiszit wo e 3000m höchi isschicht d felse usenand dröckt hend. Iheimischi säged das isch schwachsinn weil trolle damals wettgrabe gägenand gmacht hend und eso d fjorde entstande sind.

    nach dem hemmer üs mit 100te touris vomene chrüzfahrtschiff um en platz im resti kämpft, hend fein schnabuliert, sind den go ikaufe und sind witer rechtig stegastein ussichtsponkt wo mer de schöni fjord nomal vo obe hend chönne ahluege. Natürlich ned! Weder alles voller touris und de näbel hed d’sicht verpserrt 🤷🏼‍♂️ die engi passstrass voller touri-cars hed üs den 30‘ kostet statt 5‘

    Zrugg uf kurs simmer ufem weg rechtig oste (wäg vo de touris) per zuefall dür de längsti strasse-tunnel vo de wält gfahre 45,5km. lostigerwis semmer nach dem tunnel beid wie hypnotisiert fast ihgschlafe im auto. Wo mer eus den entschide hend es gmüetlichs plätzli am fluss sueche wo mer pfuse chönd.

    Endlich chli weg vo mönsche ide ungstörte natur, am fluss höklend hemmer eus dezue entschide das üsi Reis rechtig Schwede gad. Norwege isch wunderschön und mir hend jedi minute gnosse. Jedoch heds eus überall z viel mönsche. egal wo mer isch ade köste vo norwege es hed lüüt 😅 ide hoffnig das mer in Schwede ide unberührte Natur chönd eusi zit verbringe hemmer am nöchste morge en langi reis in richtig oste ahträtte.
    Gesagt getan!

    Am 9.00 los und am 17.00 acho am plätzli wo ich letstjahr scho mitem Hurni gsi ben.
    D‘Olivia und ich sind groggi aber überglöcklich acho. s plätzli isch frei und mir werded mit 2 wunderschöne rägeböge und eme sunneuntergang belohnt.

    Jetzt wird Chillt! 😉    Weiterlesen

  • Abentüür Norwege

    D Natur in Schwede isch es Träumli

    23. August in Schweden ⋅ 🌙 14 °C

    3Täg hemmer üsi seele baumele la in Schwede. Vo leckerem Schlangebrot bis zu Holzschnitzereie isch alles debi gsi. Zudem hed mich d Olivia i dene täg Brändi Dog söchtig gmacht 😅

    Damit d retour reis ned sone tortur wird wie d hireis, simmer am Samstigmorge los rechtig süde. D Olivia hed sich am monster vo Camper gstellt und isch au gfahre uf de fast unbefahrene strasse vo schwede 😉 Nach 7h simmer den amene schöne Campingplatz ade küste churz vor Malmö acho. Schnell under duschi ghöpft und direkt an Strand zum de Wunderschöni sunneuntergang ahluege ☺️

    Morn gads wiiter rechtig Dänemark.    Weiterlesen

  • Abentüür Norwege

    home sweet home

    24. August in Schweden ⋅ 🌬 17 °C

    Mir hend scho afange abschliesse mit üsere reis nach dem mir üs ufe weg gmacht hend rechtig dänemark. Chorz vor Malmö hemmer üs no spontan dezue entschide s vikingermuseum go ahluege zum glich no öbis schöns erläbe trozt heireis. Das isch mega cool gsi aber mer hed au schnell alles gse, mir hends aber ned chönne la si no en armreif zkaufe 😁 Wiiter öber d öresand brugg uf kopenhagen simmer den an streetfood market Reffen. det heds asiatisch und indisch gä. super lecker gsi!

    Denach simmer ide nöchi vom Rodby Havn ine westerncamping go öbernachte und am nöchste morge ufd fähre und den wiiter rechtig frankfurt. bis am halbi 10 am abig hemmer den no de camper putzt und ufeme parkplatz vomene grosse baumarkt pfuused.

    Am nöchste morge hemmer de camper abgä. (sie hed gstuuned wie suber daser gsi isch 😅) denn mitem galaxy wiiter rechtig hei.

    5000km insgesamt isch echt heavy gsi aber jedi minute hed sich glohnt!    Weiterlesen

    Ende der Reise
    26. August 2025
  • 2025© FindPenguins
  • Start
  • Über uns
  • Gruppen-Tracking
  • Presse
  • Nutzungsbedingungen
  • Datenschutz & Cookies
  • Hilfe-Center
  • Impressum