Die ganzi Reis

Hallihallo from beautiful Fiji😍 ich bin nach 2 Tag reise endlich au na aacho... Die ganzi Reis isch es Abentüür gsi, won eigentlich scho am Tag vorher aagfange hett. Am Abig vorem Abflug hani es SMS vode Singapore Airlines becho - your flight is delayed... Supidupi, min Aschluss in Singapur chani demfall vergässe. Han sofort es Mail a mis Reisebüro gmacht, wie dases wiitergaht. Am Schluss isches denn so gsi, das mer mit 4 Stund Verspötig denn doch na gschtartet sind. Und rated mal was mir tolls passiert isch. Ich han dörfe obe im Flugi hocke, ame Fänschter und han kein Sitznachber gha... 13 Stund Flug mit zwei Sitzplätz zur Verfüegig. ;-) In Singapur isch scho alles vorbereitet gsi und ich han für es paar Stund ines Hotel dörfe. Da bini ächt froh gsi drum! Nachene isches wiitergange uf Sydney - sehr en unruhige Flug gsi. D Cabin
crew hett ständig müesse härehocke wells so ufe und abe/ hii und här gschüttlet hätt und irgendwänn chunt d Durchsag vom Kapitän, mer müessed eus denn aso überhaupt kei Sorge mache, das segi alles ganz normal... Mmmh, sehr beruhigend oder?! Vo Sydney uus isches denn wiiter uf Fiji und nach eppe 24 Flugstunde und Füdlischmärze hanis denn au na gschafft^^Read more