Bald heissts "Moce Fiji"

Hallihallo ihr liebe!
Ich bin bereits uf minre letschte Insle na die letschte paar Täg Fiji am gnüsse... Mir gahts sit mim letschte Post sehr vill besser. Han ächt scho en huufe neui Lüüt känneglärnt. Es hett eifach chli aagwöhnigsziit brucht. Ich bin nach Bountyisland uf Nanuya Lailai Island gsi und han mich i die Insle verliebt. D Natur dete isch atemberaubend, sowohl Flora als au Fauna! S Resort isch uf de windige Siite vode Insle gläge - de Tag dur isch das aagnähm, am Abig isches meischt chli frisch worde... De Strand isch nöd so schön gsi drum simmer amigs eppe 30 Minute über d Insle ad Blue Lagoon gloffe und die isch atemberaubend schön gsi! Während em Fuessmarsch hesch di ameds gfühlt wie ide Masoalahalle, nume dasi gwüsst han, das isch d Realität.

S Resort sälber isch sehr basic gsi - kei Strom, nume wenig flüssends Wasser, am Abig kei Liecht, Freiluft WC - immerhin mit Spüelig. Das hett ächt mal guet tah, sochli z Entschlacke und genau das machts mer so schwär mich an neue Ort z gwöhne. Bin momentan im Octopus resort und es isch alles so luxuriös! Pool, bequemi Liegestüel, en huuufe Ässe. Das macht mer chli Müeh, nachdem ich am letschte Ort praktisch nüüt gha han. Und au wenns da schön isch. Gege Nanuya Lailai chunts definitiv nöd aa! Bald scho heissts für mich "Moce (Mothe) Fiji" Tschüss Fiji, bis zum nächste Mal!Read more