Joined August 2022
  • Day25

    Tayrona Nationalpark

    November 24, 2022 in Colombia ⋅ ⛅ 27 °C

    üsi letsti gmeinsami sation isch de tayrona nationalpark, es großes naturschutzgebiet a der karibische küste. im park heds regewald, e grossi artevielvalt, mid palme gsümti buchte & wunderschöni stränd mit klarem, türkisem wasser. aber bevor mer zu de wunderschöne stränd chund, muess me zerst mal ca. 3 stund dur de heiss-füechti regewald wandere. innert chürzister ziit simer bachnass gsi 🤣 mier hend s pech gha, dass de weg ufgrund vode starche regefäll sehr schlammig gsi isch. di meiste lüüt hend d schueh abzoge, wil mer ufem weg oft sehr tüüf i schlamm igsunke isch. d serena und ich hends aber lustig gfunde & d challenge agnoh, e weg z gfinde, ohni i schlamm izsinke und mier hend d schueh de ganz weg lang abhalte - es isch zwar schwierig gsi, aber hed au mega spass gmacht & nachere gfühlte ewigkeit hemers schlussendlich au gschafft 😅🥳
    di wunderschön ussicht & d stränd sind de weg definitiv wert! 🌴☀️🌊😍
    nacheme feine, karibische zmittag & paar entspannte stund am strand, simer midenem boot direkt is hostel zrugg, wo ganz i de nöchi & au am strand glege isch 😍
    Read more

  • Day19

    Isla San Andres

    November 18, 2022 in Colombia ⋅ 🌧 28 °C

    wieder last minute hemer üs entschiede am negste tag ufd insle san andres z gah, um em regewetter ufem festland z entflieh, üs es paar strandtäg z gönne & wenn möglich sogar s tauchbrevet z mache 🏖😁
    leider isch s wetter unberechebar, ufde insle simer vonem sturm begrüesst worde. am 1. morge heds sogar is zimmer inegregned ☔️🌧 hend zjm glück grad ines anders zimmer chönne wechsle, det heds nur bide feister chli inegregnet, aber wenigstens nid vom dach😅 üses hostel isch allgemein nid grad luxus gsi: s wlan hed seeeehr schlecht funktioniert, s hed nur chalt wasser gha, d chuchi isch sehr dreckig gsi etc. ... aber hauptsach mier hend es dach überem chopf, chönd selber choche & anderi reisendi kennelerne 😃

    nach 2 täg isch s wetter immer besser worde & mier hend eis highlight nachem andere erlebt! 😍 wunderschöni natur, traumstränd, glasklars wasser, spannendi underwasserwelt, cooli lüüt und ganz viel schöni sunnestund 🌊🐟🐠🐚🐍☀️
    mier hend au no e coole tanzlehrer gfunde, de kevin, und hend bi ihm e reaggaeton & affrobeats-tanzstund gnoh 🎶
    am liebste wäremer no viel länger blube! aber das mal hemer zur abwechslig mal es fixes abreisedatum & hend scho mitde serena, wo mer in cartagena kenneglernt hend, am negste ort abgmacht 😎
    Read more

  • Day17

    Cartagena

    November 16, 2022 in Colombia ⋅ ⛅ 29 °C

    üses negste ziel cartagena isch a de karibikküste & mier hend üs uf karribisch warms summerwetter am meer gfreut! 🌊😎
    es isch paar grad wärmer als medellin gsi, aber s wetter isch durzoge gsi, mal heds stark gregnet, im negste moment ischs heiss & tüppig gsi - aber nüt im vergliich zum amazonas, da simer üs scho schwülers gwöhnt 😅

    mier hend es super hostel mit 2 rooftops und enem pool im wunderschöne getsemani viertel gha. d jana hed sich chli verchelted gha, drum hemer üs mal es ruhigers programm gönnt, hend s guete hostel gnosse & no e stadtfüerig dur di spannend altstadt gmacht, wo mer wieder tolli lüüt kenneglernt hend! unter anderem d serena, wo en ähnlichi route hed und mer evtl. spöter wieder treffed 😃
    Read more

    Traveler

    trop bon, too good ...

    11/26/22Reply
    Traveler

    ready for the street world cup

    11/26/22Reply
    Traveler

    genau idere strass hemr üses bild kauft 🙊

    11/26/22Reply
     
  • Day16

    Guatapé

    November 15, 2022 in Colombia ⋅ 🌧 19 °C

    mid üsem persönliche papparazi, em mega tolle arturo, hemer üs ufe weg richtig guatapé gmacht, wo nur paar stund midem bus entfernt isch. als ersts simer ufe ussichtspunkt und hend di atemberaubendi ussicht gnosse🤩
    nachher hemer s städtli erkundet. s isch natürli viel chliiner, als die städt womer bis jetzt gseh hend, was mier eigetli sehr zueseid. aber gliichziitig hanis au sehr touristisch und dur das weniger autenthisch gfunde.
    hend aber e mega schöni ziit gha und wäred am liebste no chli länger blube 😊🌤
    wo mer üs de ufe weg zrugg gmacht hend, isch churz vorher d strass abbroche... de fahrer hed üs es iidrücklichs filmli devo zeigt: di teereti bergstrass isch eifach i abgrund gheid, ufgrund vo starche regefäll am vortag isch de undergrund so durchweicht gsi ... mier hend glück im unglück gha & sind über umweg wieder zrugg uf medellin cho 😅
    jetzt heissts leider abschied neh vonere tolle stadt & vor allem vo mega tolle lüüt! 👋
    Read more

    Traveler

    WAOUH

    11/22/22Reply
     
  • Day13

    Medellin - Long Weekend

    November 12, 2022 in Colombia ⋅ 🌧 23 °C

    good vibes, good weather, good food, great people, music & partys !🥳

    mier sind absolut begeistered gsi, vode tolle südamerikanische tänz & partys: salsa, batchata, merengue, reaggaeton 🎶
    hend de selber au mal e salsa-stund gnoh, demit mer au chli chönd s tanzbei schwinge 💃
    aber ich fühl mi no wiiiit weg vonem selbstsichere uftritt uf de tanzflächi 😅

    am tag nach de party darf natürli s kater-zmittag nid fähle 😅 und mier hend sogar s perfekte schwiizer restaurant gfunde mit klassiker wie rösti, raclette & spätzlipfanne 😋😋😋

    einisch hemer no welle e movie night mit popcorn mache, das midem film hed leider nid klapped - aber popcorn heds natürli gliich geh! 😁

    obwohl mer normalerwiis gross-städt nid so gfalled, hend mer die kolumbianische bis jetzt sehr zuegseid! in medellin gitts glaub für jede öpis passends - d stadt isch so vielfältig & bunt! 😃
    Read more

    Traveler

    Gseht fein uus😋

    11/20/22Reply
    Sophia Didier

    isch meegaa fein gsi! 😋

    11/21/22Reply
     
  • Day11

    Medellin - Communa 13

    November 10, 2022 in Colombia ⋅ 🌧 22 °C

    mier hend spontan 1 nacht in medellin bueched und hend vor ort welle wiiterluege, wos üs hiiverschlahd. d stadt isch üs sofort sympathisch gsi, aber d hostel-suechi für di negste täg isch de chli schwierig worde, wil gli s wuchenend & e fiirtig gsi sind (unabhängigkeit von cartagena). mier hend de schlussendlich midem selina es perfekts hostel gfunde, wo mer viel tolli lüüt kenneglernt hend. 🥳

    um meh über d gschicht vo medellin z erfahre hemer d communa 13 tour gmacht. d stadt isch under de gwaltsame herrschafft vom pablo escobar zum mittelpunkt vom kokain-handel worde & d mordrate isch under de höchste weltwiit gsi. eini vode gfährlichste ort isch d communa 13 gsi, mitere lange, schwere & truurige gschicht. mittlerwiiie isch s gebiet sicherer worde & bide iwohner gitts e grossi hiphop-, rap- & streetart-szene. d tour isch super spannend gsi & gliichziitig hemer cooli lüt kenneglernt, wo üs ufem rest vo üsere medellin-ziit begleitet hend! 😁
    Read more

    Traveler

    👍👍

    11/18/22Reply
     
  • Day10

    Zwischenstopp Bogota & Nachtbus Medellin

    November 9, 2022 in Colombia ⋅ 🌧 12 °C

    d rückreis vo leticia uf bogota & d wiiterreis uf medellin sind unerwarted streng worde...
    völlig verschwitzt & erschöpft hemer midem boot zrugg uf leticia welle. uf halbem weg hemer aber erfahre, dass mer no en anderi gruppe im dschungel müend uflade. nach meh als ere stund sinds de endli cho - viel länger hättis ufem boot i de hitz au nid usghalte.. mi körper isch scho recht am limit gsi 😅
    mier hends de zum glück no rechtziitig ufe flug gschafft! wegem schlechte wetter hemer in cali e zwüschestopp gmacht & mit ca. 3 stund verspetig, simer zmittzt i de nacht im hostel acho! 😴
    zrugg in bogota hani mer zum geburi mal en erholsame tag gönnt, womer lang gschlafe und chillt hend. 😅 mier hend lieber welle grad wiiterreise, statt e wiiteri nacht in bogota z bliibe - es gitt ja no so viel z entdecke 🤩 und in medellin werdemer sicher no gnueg glegeheit ha zum chli fiire 🥳
    d jana hed de aber no es feins lokal usegsuecht, demit mer einere vo mine "lieblingsaktivitäte" chönd nache gah: usgiebig go brunche 😋
    am abig simer no fein go znacht ässe, bevor mer ufe nachtbus richitg medellin sind. obwohl ich mich mit viel schichte (unde 2 & obe 5) ufe nachtbus vorbereitet ha, hani gliich bis ufd chnoche gfrore... 🥶 defür bini de am morge midere schöne ussicht vom weg uf medellin belohnt worde 🤩😃
    Read more

    Traveler

    schmeckt ?

    11/14/22Reply
    Sophia Didier

    ja hat sehr geschmeckt 😋

    11/21/22Reply
     
  • Day9

    Amazonas Peru - Gamboa Stamm

    November 8, 2022 in Peru ⋅ ⛅ 35 °C

    üsi letst underkunft uf üsem amazonas-trip isch bim indigene gamboa-stamm gsi. wie die iheimische, hend au mier kei fliessend wasser gha, wil de regetank i de trocheziit leider leer isch. zum trinke hemer trinkwasser vode verchaufs-boot becho, für alles anderi heds nur s bruune amazonas-wasser geh. obwohl sichs sehr ungwohnt agfühlt hed, hani mini ersti duschi am fluss i volle züüg gnosse! mier sind nach mehrstündige wanderige im dschungel & de bootsfahrt bis uf d underwösch duregschwitzt gsi, und es isch sooo en willkommeni abchüelig gsi - ha fast chli es wellness feeling gha, so zmittzt i de natur dörfe dusche und die schön ussicht & rueh gniesse 😅😁
    i de nacht simer ufne wiitere jungle walk, im dunkle. es isch wieder sehr spannend gsi, mier hend viel spinne, frösch & skorpione gseh - schlange hemer nur ghört dureschliiche, aber leider nid gseh. 🐍🐸🕸🦂
    am schluss hemer üs no en moment gnoh, wo mer d taschelampe abgstellt hend, zum d grüsch-kulisse i de dunkelheit i volle züüg chönne gnüsse 😊
    am negste morge hemer no e letsti dschungel-wanderig gmacht & sind ide underkunft midenem super feine zmittag vo üsem dschungel-chefkoch empfange worde. midenem lachende & enem brüelende aug 😉 (es isch sehr schön gsi - aber d hitz hed üs recht zuegsetzt), hemer üsverabschiedet & ufe weg zrugg gmacht.
    Read more

  • Day8

    Amazonas Peru - Piranha Lake

    November 7, 2022 in Peru ⋅ ⛅ 34 °C

    es schlaft sich no erstunlich guet, i üsere underkunft ufem piranha lake, umgeh vo piranhas, kaimane, spinne, moskitos, kakerlake etc. 😅
    aber viel schlaf gitts nid, am halbi 5i simer scho wieder uf, zum de sunneufgang zbestuune! 😍
    es wiiters highlight vom tag isch üsi amazonas-badi! 😎 de iistig isch chli schwierig gsi, d jana & ich sind beidi halbwegs is becki gheid 🤣 aber es isch e super erfrüschig gsi, i dem unglaublich füecht-heisse amazonas-klima!
    de rest vom tag isch au sehr spannend und intensiv gsi, mit dschungel-walks, viel gspräch uf spanisch (ich nur als zuehöreri - d jana hed wieder viel dörfe übersetze) und em piranha-fische 🎣
    Read more

  • Day7

    Amazonas Peru - Ankunft mit Hindernissen

    November 6, 2022 in Peru ⋅ ⛅ 32 °C

    nach üsere akunft zmittzt im amazonas isch üses dschungel-abentür losgange. first step: ca. 3 stund wandere bis zu de underkunft am piranhia-lake.
    underwegs hani s volle programm becho: ha leider durchfall becho & 2 mal hani zmittzt im dschungel dörfe "ufs wc", währedem mich ganz viel moskitos gstoche hend, au a stelle, wo moskitos nie anecho setted... churz vor üsem ziil, bini de bide überquerig vonem bächli uf mine gwacklige bei umgheid - mitde händ vorah ine stachlige baum...🤦‍♀️ er isch zum glück nid giftig oder gfährlich gsi, vo dem her halb so schlimm! aber ganz viel stachle sind tüf under d huut 🙈 wo mer de i de underkunft acho sind, hani wieder die unglaublichi hilfsbereitschaft vo de kolumbianer dörfe erfahre - es hend bis zu 6 lüüt gliichziitig welle hälfe, d stachle us mine händ & finger z entferne 😅
    mier sind di einzige usländer uf dere tour gsi, die restliche 9 touriste sind us kolumbie & s personal redt au nur spanisch. ich verstah zwar es bizeli spanisch, aber sobald ich öpis muess sege, bini völlig ufgschmisse. d jana hed zum glück scho sehr guet chönne rede, und hed de immer wieder übersetzt! 👍
    trotz dene zwüschefäll ischs e mega tolle tag gsi. und ich finds super, dass mer bis jetzt s glück gha hend, mit so viel kolumbianer underwegs z sii und meh überd kultur z erfahre.
    am abig hemer no e sunneuntergangs- & nacht-kanufahrt ufem piranha-lake gmacht. underwegs hemer fisch, vögel & kaimane gseh, und üse begleiter hed üs spannendi gschichte vo sim indigene volk verzelld. d stimmig & d grüschkulisse sind de hammer gsi 😍
    Read more

Join us:

FindPenguins for iOSFindPenguins for Android