Colombia - Amazonas - Florida

Newest first

Trip start
October 31, 2022
Colombia - Amazonas - Florida Sophia Didier
Bogota
November 2, 2022 in Colombia ⋅ 🌧 14 °C
31.10.22: the journey finally begins!
nach es paar täg warte klappeds mitde waiting list und ich cha mitde swiss vo züri uf miami flüge.
nachere nacht in miami, gahds am negste morge wiiter uf bogota, d hauptsadt vo kolumbie, uf ca. 2500m ü. Meer. mi reisestart isch chli turbulent, i 48 stund gitts nur ca. 3-4 schlaf. 😅 aber sust had alles guet klapped & ich bi voller vorfreud 🤩
d jana chunt au am gliiche tag in bogota ah, churz nach mier. ich wart am flughafe, bis sie landed und mier nämed zämä d öv i richtig altstadt. det hemer ca. e viertel stund fuessweg vor üs. i dene paar minute verschiffeds üs recht, aber zum glück chömer üs im hostel grad umzieh & ufwärme 👍😅
wasi bis jetzt gseh ha isch echt mega schön für e gross-stadt! viel grüens, schöni gässli & bunti hüüser 😍 nur s wetter chönt besser sii 😅
in bogota wemer nur churz bliibe, zum plän schmiede für die negste paar wuche. wend scho gli wiiters, s gitt no sooo viel z entdecke, chas chum erwarte 🤩Read more
5 likes
Colombia - Amazonas - Florida Sophia Didier
Verlängerung Bogota
November 4, 2022 in Colombia ⋅ 🌧 16 °C
spontan entscheide mer üs, doch no e nacht länger z bliibe, wil üs bogota so guet gfallt.
dure tag möchemer en mega iidrücklichi streetart-tour & spöter verbringemer en unvergessliche abig mit paar kolumbianer, wo mer im hostel kenneglernt hend. sie wend üs di kolumbianische tänz & d musig unbedingt nöcher bringe, und mier tüend zum erste - aber definitiv nid letste - mal uf üsere reis üses tanzbei schwinge💃 🎶
ich fühl mich mega dankbar, die bunti stadt & iri unglaublich tolle mensche dörfe kennezlerne! 😍
jetzt gahd üsi reis aber wiiter, ine ganz andere teil vom land... vo 2640 uf 96 m ü. M, und vo Ø15° uf 35° grad ☀️😎Read more
See translation
4 likes
Colombia - Amazonas - Florida Sophia Didier
Leticia
November 5, 2022 in Peru ⋅ ☀️ 32 °C
ohni plan wie mer gnau i amazonas chömed oder wo mer die nacht gnau schlafe werded, chömemer in leticia nur miteme tagesrucksack usgrüstet ah. 😎 s einzig wo mer wüssed: wenn mer vo kolumbie i regewald wend, müemer zerst mal uf leticia. das isch e stadt, am amazonas, wo a brasilie & peru grenzt. die grenze gsehd mer oft gar nid und me cha drum z fuess oder midem boot plötzli in peru oder brasilie lande, ohni dass mers gmerkt & natürli ohni passkontrolle etc. 😅
nach churzem gfindemer e passendi tour dure regewald, wo am nechste tag started. für die nacht in leticia gfindemer e gmüetlichi underkunft, wo sogar e pool hed - perfekt bi dem füecht-heisse klima! am negste morge gahds ab leticia los midem boot. ufem amazonas lömer kolumbie schnell hinder üs und gsehnd scho bald uf einere siite vom fluss brasilie & uf de andere peru. nach ca. 2 stund ufem boot, werdemer zmittzt im regewald in peru abglade 🌴🐒🕸🦋🦂Read more
See translation
1 like
Colombia - Amazonas - Florida Sophia Didier
Amazonas Peru - Ankunft mit Hindernissen
November 6, 2022 in Peru ⋅ ⛅ 33 °C
jetzt gahd üses dschungel-abentür endlich los!
de weg zu üsere underkunft stellt sich für mich aber leider als sehr herusfordernd use: zerst isch mer ufem boot scho chli unwohl und ich wünsch mer sehnlichst, es wär es wc i de nöchi. im dschungel acho, liid e 3-stündigi wanderig dure dichti dschungel vor üs. üse guide bahnt mit sinere machete de weg. nach paar wenige minute simer ufgrund vode hitz und de luftfüechtigkeit bis ufd underhose duregschwitzt. ufde wanderig bechumi plötzli durchfall... 2 mal dörfi zmittzt im dschungel "ufs wc", in sichtwiiti vo üsere gruppe zmittzt uf üsem weg - da de dschungel vieli gfahre birgt, chani nid eifach hindere negsti baum oder busch - und währedem mich ganz viel moskitos stechid - au a stelle, wo moskitos nie anecho setted... churz vor üsem ziil, bini uf gwacklige bei (ufgrund vo mim zuestand und de drückende hitz bini recht dehydriert) und bide überquerig vonem bächli gheii händ vorah ine stachlige baum...🤦‍♀️ er isch zum glück nid giftig oder gfährlich, vo dem her halb so schlimm! aber ganz viel stachle sind tüf under d huut 🙈 wo mer de paar minute spöter i de underkunft achömid, darfi wieder die unglaublichi hilfsbereitschaft vo de kolumbianer erfahre - bis zu 6 lüüt gliichziitig wend hälfe d stachle us mine händ & finger z entferne 😅
trotz dene zwüschefäll ischs e mega tolle tag, und ich cha schnell über mich & mis pech lache. 🤣
mier sind di einzige usländer uf dere tour, die restliche 9 touriste sind wie au s personal kolumbianer und reded nur spanisch. ich verstah zwar es bizeli spanisch, aber sobald ich öpis muess sege, bini völlig ufgschmisse. d jana hed zum glück scho sehr guet chönne rede, und hed de immer wieder chönne übersetze! 👍 ich schätzes sehr, dass mer bis jetzt s glück gha hend, mit so viel kolumbianer underwegs z sii und meh überd kultur z erfahre.
am abig hemer no e sunneuntergangs- & nacht-kanufahrt ufem piranha-lake. underwegs gsehmer fisch, vögel & kaimane, und üse begleiter verzelld üs spannendi gschichte vo sim indigene volk. d stimmig & d grüschkulisse sind de hammer 😍Read more
See translation
3 likes
Colombia - Amazonas - Florida Sophia Didier
Amazonas Peru - Piranha Lake
November 7, 2022 in Peru ⋅ ☀️ 34 °C
es schlaft sich no erstunlich guet, i üsere underkunft ufem piranha lake, umgeh vo piranhas, kaimane, fledermüüs, spinne, moskitos, kakerlake etc. 😅
aber viel schlaf gitts nid, am halbi 5i simer scho wieder uf, zum de sunneufgang zbestuune! 😍
es wiiters highlight vom tag isch üsi amazonas-badi! 😎 de iistig isch chli herusfordernd, d jana & ich gheied beidi nachenand halbwegs is becki ine, wils kei leitere oder ähnlichs hed 🤣 aber es isch e super erfrüschig, i dem unglaublich füecht-heisse amazonas-klima!
de rest vom tag isch au sehr spannend und intensiv, mit dschungel-walks, viel gspräch uf spanisch (ich nur als zuehöreri - d jana hed wieder viel dörfe übersetze) und em piranha-fische 🎣Read more
See translation
3 likes
Colombia - Amazonas - Florida Sophia Didier
Amazonas Peru - Gamboa Stamm
November 8, 2022 in Peru ⋅ ⛅ 34 °C
üsi letst underkunft uf üsem amazonas-trip isch bim indigene gamboa-stamm. wie die iheimische, hend au mier kei fliessend wasser, wil de regetank i de trocheziit leider leer isch. zum trinke hemer trinkwasser vo chliine handels-böötli chönne chaufe, für alles anderi gitts nur s bruune amazonas-wasser. obwohl sichs zerst sehr ungwohnt afühlt, chani mini ersti duschi am fluss i volle züüg gniesse! mier sind nach mehrstündige wanderige im dschungel & de bootsfahrt bis uf d underwösch duregschwitzt, drum isch es sooo en willkommeni abchüelig - bi mier chund fast chli es wellness feeling uf, so zmittzt i de natur dörfe dusche und die schön ussicht & rueh gniesse 😅😁
i de nacht gahds wiiter midem negste jungle walk, im dunkle. es isch wieder sehr spannend, mier gsehnd viel spinne, frösch & skorpione - schlange gsehmer leider keini, aber ghöred eini ganz nöch durs höche grad schliiche 🐍🐸🕸🦂
am schluss chömer üs no en moment näh, wo mer d taschelampe abstelled, zum ganz bewusst d dschungel grüsch-kulisse i de dunkelheit z gnüsse 😊
am negste morge möchemer no e letsti dschungel-wanderig & aschliessend werdemer vo üsem dschungel-chefkoch ide underkunft midenem super feine zmittag empfange. 😊
mideme lachende & enem brüelende aug 😉 (es isch sehr schön gsi - aber d hitz hed üs recht zuegsetzt), verabschiedemer üs & möched üs ufe weg zrugg id zivilisation.Read more
See translation
2 likes
Colombia - Amazonas - Florida Sophia Didier
2
Zwischenstopp Bogota & Nachtbus Medellin
November 9, 2022 in Colombia ⋅ 🌧 14 °C
d rückreis vo leticia uf bogota & d wiiterreis uf medellin werdid unerwarted streng... nach üsem dschungel-abentür freue mer üs, erschöpft aber glücklich, mitem boot wieder zrugg uf leticia z fahre. mier planged scho uf fliessend wasser und e duschi, aber uf halbem weg erfahremer, dass mer no en zwüschestopp müend mache... mier müend no en anderi gruppe, wo chli verspötig heig,im dschungel uflade. nach meh als 1.5 stund chömids de zum glück endlich - viel länger hättis ufem boot i de brüetende hitz ohni wasser und schatte nid usghalte.. mi körper isch nach dene paar dschungel-täg recht am limit 😅
mier schaffids de am abig knapp, aber zum glück no rechtziitig ufe flug! wegem schlechte wetter müemer in cali e zwüschestopp mache & mit ca. 3 stund verspetig, chömemer zmittzt i de nacht im hostel ah! 😴
zrugg in bogota gönni mer zum geburi mal en erholsame tag - es stahd usschlafe, brunche und chille ufem programm. 😅 ich wett lieber grad wiiterreise, statt e wiiteri nacht in bogota z bliibe zum mi geburi z fiire - es gitt ja no so viel z entdecke 🤩 und in medellin werdemer sicher no gnueg glegeheit ha zum chli fiire 😉🥳
nacheme feine znacht, gömer ufe nachtbus richtig medellin. mier sind scho vorgwarnt worde, dass i de büs unglaublich fest abeküehlt wird. obwohl ich mich mit viel schichte (unde 2 schichte & obe 5!) guet ufe nachtbus vorbereitet ha, früri gliich bis ufd chnoche... 🥶 defür wirdi de am morge midere schöne ussicht vom weg uf medellin belohnt 🤩😃Read more
See translation
Traveler schmeckt ?
11/14/22Reply
Sophia Didierja hat sehr geschmeckt 😋
11/21/22Reply
0 likes
Colombia - Amazonas - Florida Sophia Didier
1
Medellin - Communa 13
November 10, 2022 in Colombia ⋅ 🌧 22 °C
di erst nacht in medellin buechemer underwegs vom bus us und luegid de vor ort, wos üs nachher hiiverschlahd. d stadt isch üs sofort sympathisch, aber d hostel-suechi für di negste täg isch de doch chli schwieriger als erwartet, wil gli e fiirtig isch (unabhängigkeit vo cartagena) und mier erfahred no, dass a dem weekend es "bad bunny" konzert isch (er isch eine vo de bekanntiste reaggaeton-sänger in kolumbie). schlussendlich gfindemer aber midem selina hostel e perfekti underkunft, wo mer zum glück au immer wieder spontan chönd verlängere. s hostel & d stadt gfalled üs so guet, dass mer schlussendli statt 2 täg e ganzi wuche bliibed! 🥳

um meh über d gschicht vo medellin z erfahre möchemer d communa 13 tour; d stadt isch under de gwaltsame herrschafft vom pablo escobar zum mittelpunkt vom kokain-handel worde & d mordrate isch under de höchste weltwiit gsi. eini vode gfährlichste ort isch dazumal d communa 13 gsi, mitere lange, schwere & truurige gschicht. mittlerwiiie isch s gebiet sicherer worde & bide iwohner gitts e grossi hiphop-, rap- & streetart-szene. d tour isch super spannend & gliichziitig lehremer cooli lüt kenne, wo üs ufem rest vo üsere medellin-ziit begleitet! 😁Read more
See translation
Traveler 👍👍
11/18/22Reply
3 likes
Colombia - Amazonas - Florida Sophia Didier
2
Medellin - Long Weekend
November 12, 2022 in Colombia ⋅ 🌧 23 °C
good vibes, good weather, good food, great people, music & partys !🥳

mier sind absolut begeistered, vode tolle südamerikanische tänz & partys: salsa, batchata, merengue, reaggaeton 🎶
nämed de selber au mal e salsa-stund, demit mer au chli chönd s tanzbei schwinge 💃
aber ich fühl mi no wiiiit weg vonem selbstsichere uftritt uf de tanzflächi 😅

am tag nach de party darf natürli s kater-zmittag nid fähle 😅 und es gitt sogar s perfekte schwiizer restaurant mit klassiker wie rösti, raclette & spätzlipfanne 😋😋😋
einisch wemer no e movie night mit popcorn mache - das midem film klapped leider nid, wil s kino-zimmer im hostel scho bsetzt isch, aber popcorn gönnemer üs natürli gliich! 😁
obwohl mier normalerwiis gross-städt nid so gfalled, hend mier die kolumbianische bis jetzt sehr zuegseid! in medellin gitts glaub für jede öpis passends - d stadt isch so vielfältig & bunt! 😃Read more
Traveler Gseht fein uus😋
11/20/22Reply
Sophia Didierisch meegaa fein gsi! 😋
11/21/22Reply
2 likes
Colombia - Amazonas - Florida Sophia Didier
1
Guatapé
November 15, 2022 in Colombia ⋅ 🌩️ 21 °C
mid üsem persönliche papparazi, em mega tolle arturo - e kolumbianer womer ufde comuna 13 tour kenneglernt hend & de au im gliche hostel wie mier gsi isch - möchemer üs ufe weg richtig guatapé, wo nur paar stund midem bus vo medellin entfernt isch. als ersts gömer ufe ussichtspunkt ufem fels "el peñol", nach 700 stufe werdemer mitere atemberaubende ussicht uf die "versunkeni stadt" belohnt 🤩
nachher erkunde mer s altstädtli. s isch natürli viel chliiner, als die städt womer bis jetzt gseh hend, was mier eigetli sehr zueseid. aber gliichziitig findis au chli z touristisch und dur das weniger autenthisch. mer hend aber e mega schöni ziit und würded am liebste no chli länger bliibe 😊🌤
wo mer üs de ufe weg zrugg möchid, erfahremer, dass churz vor üs d strass abbroche isch... de fahrer zeigt üs es iidrücklichs filmli devo: di teereti bergstrass isch eifach i abgrund gheid, ufgrund vo starche regefäll am vortag isch de undergrund so durchweicht gsi ... mier hend glück im unglück & chömed über umweg wieder zrugg uf medellin 😅
jetzt heissts leider abschied neh vonere tolle stadt & au vo mega tolle lüüt! 👋Read more
See translation
Traveler WAOUH
11/22/22Reply
2 likes
Colombia - Amazonas - Florida Sophia Didier
2 1
Cartagena
November 16, 2022 in Colombia ⋅ ☁️ 30 °C
üses negste ziel cartagena isch a de karibikküste. mier freued üs scho sehr uf karribisch warms summerwetter am meer! 🌊😎
es isch zwar paar grad wärmer als in medellin, aber s wetter isch durzoge, mal regnets stark, im negste moment isch es heiss & tüppig - aber nüt im vergliich zum amazonas, da simer üs scho schwülers gwöhnt 😅

mier hend es super hostel mit 2 rooftops und enem pool im wunderschöne getsemani viertel. d jana hed sich leider chli verchelted, drum gönnemer üs mal es ruhigers programm, gniessed s guete hostel & möched no e stadtfüerig dur di spannend altstadt, wo mer wieder tolli lüüt kenneglerned! unter anderem d serena, wo en ähnlichi route hed und mer evtl. spöter wieder treffe werded 😃Read more
See translation
Traveler trop bon, too good ...
11/26/22Reply
Traveler ready for the street world cup
11/26/22Reply
Traveler genau idere strass hemr üses bild kauft 🙊
11/26/22Reply
3 likes
Colombia - Amazonas - Florida Sophia Didier
Isla San Andres
November 18, 2022 in Colombia ⋅ 🌩️ 28 °C
wieder last minute entscheidemer üs am negste tag ufd insle san andres z gah, um em regewetter ufem festland z entflieh, üs es paar strandtäg z gönne & wenn möglich sogar s tauchbrevet z mache 🏖😁
leider isch s wetter unberechebar - ufde insle werdemer vonem sturm begrüesst. und am 1. morge regneds sogar is zimmer ine ☔️🌧 zum glück chömer aber grad ines anders zimmer wechsle, det regneds nur bide feister chli ine, aber wenigstens nüm vom dach😅 üses hostel isch allgemein nid grad s beste: s wlan funktioniert seeeehr schlecht, s hed nur chalt wasser, d chuchi isch sehr dreckig etc. ... aber hauptsach mier hend es dach überem chopf, chönd selber choche & anderi reisendi kennelerne 😃

nach 2 täg isch s wetter immer besser & mier erlebed 1 highlight nachem andere! 😍
wunderschöni natur, traumstränd, glasklars wasser, spannendi underwasserwelt, cooli lüüt und ganz viel schöni sunnestund 🌊🐟🐠🐚🐍☀️
im hostel schaffed au no e tolle tanzlehrer, de kevin, und er bringt üs es paar reaggaeton & affrobeats-tanzschritt bi 🎶
am liebste würdemer no viel länger bliibe! aber das mal hemer zur abwechslig mal es fixes abreisedatum & hend scho mitde serena, wo mer in cartagena kenneglernt hend, am negste ort abgmacht 😎Read more
See translation
2 likes
Colombia - Amazonas - Florida Sophia Didier
Tayrona Nationalpark
November 24, 2022 in Colombia ⋅ 🌩️ 27 °C
üsi letsti gmeinsami station isch de tayrona nationalpark, es großes naturschutzgebiet a der karibische küste. im nationalpark heds e regewald mitere grosse artevielvalt, wunderschöni stränd mit klarem, türkisem wasser und mid palme gsümti buchte.
bevor mer zu dene schöne stränd chund, muess me zerst mal ca. 3 stund dur de heiss-füechti regewald wandere. innert chürzister ziit simer bachnass 🤣 mier hend s pech, dass de weg ufgrund vode starche regefäll sehr schlammig isch. di meiste lüüt ziehnd d schueh ab, wil mer ufem weg oft sehr tüüf i schlamm isinkt. d serena und ich hend d challenge agnoh, e weg z gfinde, ohni i schlamm izsinke und mier schaffids d schueh de ganz weg lang azbhalte - die challenge isch zwar schwierig, aber macht au mega spass 😅🥳
di wunderschön ussicht & d stränd sind de weg denn definitiv wert! 🌴☀️🌊😍
nacheme feine, karibische zmittag & paar entspannte stund am strand, fahremer midenem boot direkt is hostel zrugg, wo ganz i de nöchi & au am strand glege isch 😍Read more
See translation
5 likes
Colombia - Amazonas - Florida Sophia Didier
Return journey begins
November 28, 2022 in Colombia ⋅ ☁️ 28 °C
bi gar noni ready zum tschüss sege... ich chönt mer guet vorstelle, no es paar mönet i dem wunderschöne land z bliibe und au no anderi länder in südamerika z erkunde! 😍 aber ich ha mier vorgnoh, no es paar freii wuche im dezember i de schwiiz z verbringe, zum zügle, e nachmieter z gfinde (ha mini wohnig scho kündt, aber no kei nachmieter gsuecht) und d wiehnachtsziit dehei z verbringe - und wer weiss, was denn s neue jahr so bringt. wie seid mer so schön: mer sell denn gah, wenns am schönste isch 😉
zrugg in bogota gahni nomal uf erkundigstour und triffe d serena. feini fruchtsäft und paar souvenir dörfed nid fähle, bevor ich mich nacheme churze nap, zmittzt i de nacht ufe heiweg mache.
zum abschluss dörfi no mini ersti und zum glück einzigi gfährlichi erfahrig in kolumbie mache... ich ha für die churzi nacht es hostel-zimmer mitde serena teilt. s erste mal uf minere reis isch s hostel vonem security guard überwacht. woni s uber bstelle, warted de security guard mit mier bises da isch und fragt mi, obs au würkli s richtige isch. ich cha s nummerschild im app abgliche und im security guard bestätige, dass es überistimmt. i dere churze ziit woni d stege abelaufe, und de security guard zrugg is hostel, nöchered sich 2 gstalte... woni d türe vom taxi uftue, rüeft de taxifahrer mer zue, sofort izstiege & türe zue z tue ... ganz knapp schaffis, mitsamt em backpack is taxi z springe und d türe zuezzieh, bevor di 2 männer mit irne schläger nebem taxi stönd... de fahrer fahrd sofort los und stoppt churz wiiter vore, um mitde d männer uf spanisch luuthals "z diksutiere". denn fahrt er wiiter und stoppt es paar strass wiiter vore nebenem polizei töffli. nacheme churze wortwechsel fahrid d poliziste mit vollgas richtig hotel und mier möched üs wiiter ufe weg richtig flughafe... de taxifahrer probiert sich denn di ganz fahrt uf spanisch für sini landslüüt und für das erlebnis z entschuldige & ich probier ihm mit händ und füess z antworte 😅
mann oh mann - grad e chli action i mine letste minute in kolumbie 😵
aber die letsti erfahrig trüebt mini erinnerig uf die wunderschöni ziit in kolumbie nid im gringste - ich wirdes uf jedefall seehr fest vermisse & i bester erinnerig bhalte!Read more
See translation
0 likes
Colombia - Amazonas - Florida Sophia Didier
Miami Beach& Everglades
November 30, 2022 in the United States ⋅ ☀️ 28 °C
uf minere heireis vo kolumbie flügi über miami - wili kei direktflug ha, entscheidi mi en zwüschestopp z mache und mier ziit z neh e wuche elei wiiterzreise.
nach minere wunderschöne ziit im amazonas und in kolumbie isch d gross-stadt miami e chliine kulturschock. ich entscheid mich schnell id natur "z flüchte" und de nationalpark everglades z bsueche. leider isch de usflug für mich recht ernüechternd, wils mer z touristisch isch.
zrugg in miami gniessi de schöni strand und lern paar lüüt im hostel kenne, und bereite mich uf mini allerletsti destination vor.Read more
See translation
0 likes
Colombia - Amazonas - Florida Sophia Didier
Key West
December 3, 2022 in the United States ⋅ 🌬 26 °C
mini definitv letsti station vor minere rückreis id schwiiz isch key west.
ich ha scho sehr viel ghört und riesigi erwartige - i de regel ischs kei gueti vorussetzig, wenn ich so höchi erwartige ha 😅
de ort isch denn natürlich nid ganz so romantisch, wienis mier vorgstellt gha ha. aber trotzdem sehr spannend - z fuess laufi fast di ganz küste ab & entdecke schöni stränd.
vor allem d wasser-aktivitäte chani sehr empfehle! es isch s 3. grösste reef weltwiit & mit siine 5-7000 jahr anschiinend relativ jung. s schnorchle isch wunderschön & au de usflug midem glass-bottom-boat lohnt sich!Read more
See translation
0 likes

Trip end
December 7, 2022