Böötli-Tour🛥😍

Natürlich häts eus wider ufs Meer zoge und so hämer hüt vo Arbatax us es Boot gmieted und sind über sibe Stund de wunderbare Küste entlang tuckerled (mängisch au ächli gspeeded..😅) bis uf cala Luna ufe🛥 Da's rächt gwindet und dur das en zimliche Wällegang gha hät, händs eusi Fründe vorzoge uf feschtem Bode zblibe. Bide Vermietig am Morge, hetemer normalerwis es 2-4 Persone Böötli wele, doch die sind alli bereits vergäh gsi..tja, dänn hämer eus halt "drigschickt" und eus für es 6m langs mega-Boot inkl. Duschi (!!) entschide😅💪 (wär übrigens für 8 Persone dänkt gsi..🙉) Also wo genau no näbed eusem ganzem Gepäck witeri 6 Mänsche Platz gfunde hetted🙈 isch eus ned ganz klar gsi...😆😉🤣
Eusi wällehüpfendi, sehr abentürlichi und idrücklichi Fahrt hät eus vo Neuem wider unglaublich fasziniert und au wämer ned is Wasser ghüpft (oder gheit..) sind, hämer das glasklare, türkisblaue Meer, d Schönheit vo dene Felse und Höhline dörfe bestune😍😍 s Einzig wos is Wasser gwindet hät, isch am Luca sis geliebte Chäppi gsi🙈das liit jetzt halt, trotz vergäblicher Müeh gos usezfische, leider ufem Meeresgrund🤦‍♂️
Zude Föteli bruchts glaub kä Wort meh...es isch eifach Traumhaft gsi😍👍Leggi altro