Doha - Bali

Rulanda: Ons vlug uit Doha het geen probleem opgelewer nie. Ons sou natuurlik nog bietjie op die lughawe wou rond loop, maar Bali het ons geroep... (Avontuur, rus en vrede)

Net 8ure en 46min van ongemaklike sit, Corné se skouer misbruik as 'n kussing en kort-kort op die kaart kyk, of ons enigsins al nader is... Okay okay ek oordryf. Dié vlug was wesenlik beter as die eerste een, die passesiers om ons was vriendelik en ons was minder beknop, maar lank wees is nie voordelig in 'n vliegtuig nie.

Travelers tip: moenie op ry 25 sit nie, jy het laaste toegaan tot die kulinêre karkas en moet maar eet wat oor is...urgh tofu!

Ons het die geleentheid gevat om 3300ft in die lug 'n kelkie te klink op die jaar wat verby is, met al sy uitdagings, asook op die toekoms. Ons vertrou op die Here, weet sy hand is oor ons lewe.

Corné: Die avondslus laat nou al my boude juk, al is hulle lam gesit, of dalk is dit die vroeë tekens van reisigersmaag. In ieder geval is ek bly ons reis sover was sonder enige groot voorval.

Soos ons uit die hemel af neer daal om in die see van liggies te land kan ek al klaar die sand tussen my tone voel. Last stretch.Read more